Samarxhiç në verë, tri dilema për mbrojtjen kuqezi

Milani siguroi rikthimin e Mateo Gabias nga huazimi i tij te Vijarreali, por ata janë ende në kërkim të një tjetër qendërmbrojtësi duke qenë se Malik Çau, Pier Kalulu dhe Fikajo Tomori do të mungojnë për disa kohë prej lëndimeve mjaft të rënda. Sipas "Spormediaset", disa emra janë duke u vlerësuar dhe njëri prej tyre është Tongi Nianzu, i cili aktualisht po luan te Sevija, por ku nuk i është dhënë shumë kohë për të luajtur këtë sezon. I rritur në sistemin e të rinjve të PSG- së, ai u transferua te Bajerni i Mynihut në vitin 2020 dhe më pas te Sevilja në 2022. 21- vjeçari ka luajtur vetëm tri herë në La Liga për një ekip që ndodhet në vendin e 16- të dhe do ta mirëpriste kalimin te kuqezinjtë. I fundit në listë, por ndoshta edhe më i mundshmi për t'u transferuar te Milani, është Trevoh Shalobah. Çelsi duket i hapur për huazimin me të drejtë blerje të 24- vjeçarit, i cili nuk ka asnjë prezencë sezonale në fushën e blertë, pasi sapo është kthyer nga një dëmtim i rëndë.

MESFUSHA - Përveç mbrojtësit, kuqezinjtë janë duke kërkuar edhe për një mesfushor. Për verën e ardhshme, do të ishin rikthyer konkretisht në gjurmët e Lazar Samarxhiçit. I lindur në vitin 2002, dukej i destinuar të largohej në këtë merkato të janarit. Por

Napoli u nervozua që nuk arriti një marrëveshje me menaxherët dhe Juventusi iu drejtua objektivave të tjera. Pas asaj që ndodhi me Interin, duket se kuqezinjtë janë edhe mundësia e fundit për serbin që të bëjë nj hov cilësor në karrierë. Sa i përket një përforcimi në mesfushë për janarin, ekziston një mister "X", i cili mund të jetë kushdo pasi janë disa emrat që

qarkullojnë.

PO SOJYNÇY? - Ditët e fundit "Sportmediaset" pati folur për një tentativë të Milanit për Xhaglar Sojynçy, e cila megjithatë rezultoi e pasuksesshme për shkak të dëshirës së lojtarit për të shkuar te Fenerbahçe. Klubi kuqezi, siç dihet, në fakt do të duhej të nënshkruante me një mbrojtës në këtë seancë të merkatos dhe turku ishte në listën e drejtuesve. Për

më tepër, mund të ketë ende shpresë në këtë drejtim. Siç raporton "TNT Sport"', drejtori sportiv i Atletikos së Madridit, Andrea Berta, ka dhënë disa deklarata në lidhje me situatën e Sojynçysë. Negociatat me Fenerbahçen nuk janë aspak afër mbylljes me Milanin dhe Porton, të cilat duken dy klubet e vetme që do të plotësonin kërkesat e "los colchonero".