Berisha mbeti në arrest shtëpie, Gjokutaj: Rrekurs në Gjykatën e Lartë

Avokati i ish- kryeministrit Sali Berisha, Genc Gjokutaj, paralajmëroi se rrëzimin e kërkesës për heqjen e masës “arrest në shtëpi” do ta dërgojë në Gjykatën e Lartë. “Masa ndaj Berishës duhej të shfuqizohej, jo të shtrëngohej më tej, u shkel Kushtetuta, Berisha nuk i shmanget as procesit gjyqësor as hetimit, qëllimi nuk është aspak në dobi të ligjit, por krejtësisht politik, adresuam shkeljet e rënda procedurale, do të bëjmë rekurs në Gjykatën e Lartë”, - tha Gjokutaj. Po dje Jamarbër Malltezi, pas 4 orëve të Prokurorinë e Posaçme ku u pyet për çështjen e privatizimit të ish- kompleksit Partizani ka thënë se SPAK ka presion nga kryeministri Rama në mënyrë të vazhdueshme dhe se kështu ka delegjitimuar Reformën në Drejtësi. Gjithashtu, Malltezi u shpreh se donte të dorëzonte në SPAK dokumentet me denoncimet e bëra nga PD për tjetërsimin e pronave në Tiranë, por tha se prokurorët nuk guxuan t’i merrnin. “Kemi presionin që Rama i ka bërë SPAK në mënyrë të vazhdueshme, duke delegjitimuar reformën në drejtësi. Ajo që ka rezultuar se i gjithë procesi nuk ka dëm në financat publike. Nuk guxuan t’i merrnin, për denoncimin që ka bërë PD për tjetërsimin e pronave në të gjithë Tiranën. Nuk kanë preferuar t’i marrin këto dokumente”, - tha Malltezi. Ndër të tjera, Malltezi është shprehur se ndaj nuk ka vepër penale të korrupsionin, pasi nuk ka qenë kurrë zyrtar. “E para e punës, nuk ke vepër penale të korrupsionin, sepse nuk kam qen zyrtar” tha ai, ndërsa shtoi se është pyetur si një person nën hetim. Sa i përket shifrës 5.4 milion euro, e cila pretendohet të jetë përfitim i paligjshëm nga kjo aferë, ai dha se kjo është një shifër e ekzagjeruar dhe për këtë ishte në dijeni edhe SPAK. “Nuk u pyeta për shifër konkrete, por mbi të ardhurat. Ato i kam ligjore të gjitha. Edhe SPAK e ka të qartë që shifra është e ekzagjeruar” shpjegoi Malltezi. I pyetur nëse u lejua të merrej në pyetje me kapele, Malltezi tha: “Kapelen e linin këtu, nuk e di pse”.