Mashtrimi 3 milionë euro në Korçë, mbyllen hetimet për 46- vjeçaren Alma Beqiri
Nga hetimet rezultoi se si agjente rajonale e postës private me pronar viktimën F. Z., e pandehura ka kryer transaksione fiktive
Alma Beqiri, e cila dyshohet se përvetësoi 3 milionë euro përmes mashtrimit në një postë private në Korçë është dërguar në gjyq.
Ajo akuzohet për kryerjen e veprës penale të ‘ Mashtrimit’ me pasoja të rënda, parashikuar nga neni 143/ 3 i Kodit Penal. Sipas prokurorisë së Korçës, që bëri me dije edhe mbylljen e këtyre hetimeve u mësua se nga verifikimet ka rezultuar se si Alma Beqiri, agjente rajonale e postës private me pronar viktimën F. Z., ka kryer transaksione të shumëfishta fiktive duke blerë mallra tek persona të tjerë dhe duke raportuar fiktivisht se këto mallra ishin paguar. Në të njëjtën kohë, duke marrë pagesat e mallrave tek persona të tretë, e pandehura i ka raportuar si të paguara por nuk i ka depozituar pagesat duke përfituar në këtë mënyrë nëpërmjet mashtrimit një vlerë rreth 3 milionë euro.
NJOFTIMI I PROKURORISË Prokuroria Korçë dërgon në gjyq shtetasen A. B. e cila nëpërmjet mashtrimit përvetësoi 3 milionë euro. Prokuroria pranë Gjykatës së Shkallës së Parë të Juridiksionit të Përgjithshëm Korçë dërgon në gjyq shtetasen A. B. për kryerjen e veprës penale të ‘ Mashtrimit’ me pasoja të rënda, parashikuar nga neni 143/ 3 i Kodit Penal. Nga hetimet rezultoi se si agjente rajonale e shoqërisë postare “Adex”, me pronar viktimën F. Z., e pandehura ka kryer transaksione të shumëfishta fiktive duke blerë mallra tek persona të tjerë dhe duke raportuar fiktivisht se këto mallra ishin paguar. Në të njëjtën kohë, duke marrë pagesat e mallrave tek persona të tretë, e pandehura i ka raportuar si të paguara por duke mos depozituar pagesat në llogarinë e shoqërisë Adex duke përfituar në këtë mënyrë nëpërmjet mashtrimit një vlerë rreth 3 milionë euro. Me urdhër të Prokurorit, shtetasja A. B. është ndaluar dhe iu sekuestruan disa automjete luksoze të cilat janë produkt i veprës penale të mashtrimit, të cilat ajo i kishte vendosur në emër të të afërmve të saj. Prokuroria Korçë ka po heton paralelisht për veprën penale “Pastrimi i produkteve të veprës penale dhe veprimtarisë kriminale” parashikuar nga neni 287 i Kodit Penal për të identifikuar pasuri të tjera me origjinë të paligjshme dhe për të identifikuar dhe vënë nën përgjegjësi penale personat e përfshirë.