OSBE/ ODHIR thirrje për dialog, bllokohet reformimi zgjedhor

PS dhe PD e Bashës mblidhen “online”, Bylykbashi: S’duan reformë konsensuale Bllokohet sërish mbledhja e Reformës Zgjedhores, deputetët demokratë ulen në karriget e socialistëve

Mbledhja e Komisionit të Reformës Zgjedhore nuk mundi të rinisë as dje punën për shkak të bllokimit nga opozita.

Me të njëjtin skenar, si ai i së premtes së kaluar, por me dy mungesa në formacion, pas përjashtimit të Gazment Bardhit dhe Flamur Nokës, deputetët e opozitës bllokuan sërish punën e Komisionit të Reformës Zgjedhore. Të pajisur me zhurmues, ata mbërritën herët në Kryesinë e Kuvendit, zunë edhe karriget e kolegëve socialistë, të cilët pasi erdhën dhe panë të njëjtin kaos si ai i një jave më parë, u detyruan të linin sallën. Bashkëkryetari i saj socialist, Damian Gjiknuri, u bëri thirrje deputetëve demokratë të grupimit tjetër që të lejojnë zhvillimin normal të seancave ose të marrin pjesë “online”. Sipas tij, mbledhja e komisionit është në kohën e duhur dhe mund të përfundojë brenda Marsit. Por në ndryshim nga deputetët socialistë, të cilët ishin të përpiktë në orar, e kundërta ndodhi me mbështetësit e Lulzim Bashës, të cilët nga frika e përballjes me kolegët demokratë nuk u paraqitën në mbledhje. Oerd Bylykbashi, i mandatuar nga 47 deputetë të opozitës për të qenë bashkëkryetar i Komisionit të Reformës Zgjedhore, ftoi mazhorancën të lërë lojërat me pakicat e vogla. “Bashkëkryetarët që mbajnë veton i takojnë partisë më të madhe në mazhorancë dhe partisë më të madhe në opozitë, që është PD që ne përfaqësojmë”, - theksoi Bylykbashi. Sipas tij, socialistët nuk duan një reformë konsensuale. Bylykbashi kërkoi nga mazhoranca që të lerë sipas tij “lojën që bën me segmente të vogla”. “Pavarësisht këtij qëndrimi, PD dhe të gjitha partitë e opozitës kanë shprehur vazhdimisht gatishmërinë për të marrë pjesë në mënyrë aktive, konstruktive, për të

“Rekomandimet e OSBE/ ODIHR janë të gjitha në përputhje me ato që kemi ngritur ne si shqetësime. Kjo është kërkesa e re e dorëzuar dje në parlament, ku 47 deputetë kanë firmosur sërish kërkesën që Komisioni i Reformës Zgjedhore të rikompozohet në përputhje me vullnetin e shumicës dërrmuese të opozitës. Përsëri ne presim që mazhoranca të lerë lojën që bën me segmente të vogla. Shqipëria nuk ka nevojë për politikë të njëanshme që mbështetet mbi paterica”.

gjetur konsensus për të ruajtur atë që kërkojnë partnerë ndërkombëtarë në deklaratën e fundit, fare qartë dhe nga ODIHR. Rekomandimet e OSBE/ ODIHR janë të gjitha në përputhje me ato që kemi ngritur ne si shqetësime. Kjo është kërkesa e re e dorëzuar dje në Parlament, ku 47 deputetë, kanë firmosur sërish kërkesën që Komisioni i Reformës Zgjedhore të rikompozohet në përputhje me vullnetin e shumicës dërrmuese të opozitës. Përsëri ne presim që mazhoranca të lerë lojën që bën me segmente të vogla. Shqipëria nuk ka nevojë për politikë të njëanshme që mbështetet mbi paterica”, - u shpreh Bylykbashi. Ndërsa deputeti Ervin Salianji akuzoi shumicën e majtë se po tenton ta kthejë në pazar reformën zgjedhore. “Nuk duan reformë do përpiqen të blejnë vota”, - tha Salianji. Pas dështimit të mbledhjes për t’u mbajtur në orën 10: 00, socialistët e zhvilluan atë “online”. Bashkëkryetari socialist Damian Gjiknuri teksa e cilësoi vandale sjelljen e opozitës shpjegoi edhe arsyet e mbajtjes së mbledhjes “online”. “Kuvendi nuk bëhet polic të menaxhojë mbledhjet mes deputetëve. Varianti ‘ online’ është mënyra alternative për ta zgjidhur këtë problem”, - theksoi Gjiknuri. Enkelejd Alibeaj, i cili përfaqëson opozitën si bashkëkryetar thirrjen e tij e adresoi për kryetaren e Kuvendit, Lindita Nikolla. “Të garantojë zhvillimin aktiv dhe fizik të veprimtarisë së Komisionit dhe jo vetëm”, - u shpreh Alibeaj. Pas mbledhjes ku u miratua edhe kalendari i punimeve të komisionit deri në mars, Damian Gjiknuri në një konferencë për mediat u bëri thirrje deputetëve të opozitës që t’i rikthehen normalitetit për të miratuar në mënyrë konsensuale ndryshimet e reja në Kodin Zgjedhor. “Mos e pengoni zhvillimin e këtij komisioni, është në interesin tuaj”, - tha Gjiknuri. Komisioni i Reformës Zgjedhore duhet të adresojë disa prej rekomandimeve të OSBE/ ODIHR- it, si dhe vendimet e Gjykatës Kushtetuese për votën e diasporës si dhe ndryshimin e herësit që përllogarit shpërndarjen e deputetëve. 47 deputetë opozitarë i drejtuan dy ditë më parë një shkresë Kryetares së Kuvendit për ndryshimin e përbërjes së komisionit, me argumentin se 2 bashkëkryetarët aktualë Damian Gjinkuri dhe Enkelejd Alibeaj nuk kanë dhënë asnjë rezultat prej 22 muajsh. Kujtojmë se OSBE/ ODIHR- i u ka bërë thirrje partive kryesore në vend që të gjejnë gjuhën e dialogut dhe të angazhohen në realizimin e reformave, në mënyrë që të zgjidhet çdo problematikë që lidhet me procesin zgjedhor në Shqipëri.