Vangjush Dako i kërkoi gjykatës pushimin e çështjes, ose gjykim të shkurtuar
Pesë orë në gjyq, ish- kryebashkiaku i Durrësit kundërshton sërish akuzat Gjyqi u shty për më 2 shkurt, ku pritet të japin deklarime të pandehurit e tjerë. Dako: Për pallatin pati vendim kolegjial
Vangjush Dako ka qenë ditën e djeshme në Gjykatën e Posaçme, ku për rreth 5 ore është përballur me akuzat e vendosura ndaj tij dhe grupit prej 8 personash me të cilët u arrestua në fillimin e qershorit të vitit të kaluar.
Në seancën e djeshme, ai ka kërkuar që të pushohet çështja, pasi sipas tij, nuk ka vepër penale ose të kalohet me gjykim të shkurtuar. Në rastin e akuzës për pallatin, Dako ka thënë se ka qenë vendim kolegjial, ndërkohë që për tenderin që i ka shkaktuar dëm buxhetit të shtetit, ai i ka thënë gjykatës por edhe prokurorisë që të merret projekti dhe të verifikohet. Seanca është shtyrë për datën 2 shkurt, ku pritet të japin deklarime edhe të pandehurit e tjerë.
SEANCA
Ish- kryebashkiaku përmes avokatit ka kërkuar pushimin e çështjes ose gjykim të shkurtuar. Seanca nisi prej orës 12: 00 në Gjykatën e Posaçme dhe vijoi deri në orën 17: 00. Ishkryebashkiaku përmes avokatit kërkoi pushimin e çështjes ose gjykim të shkurtuar. I pranishëm në seancë, Dako deklaroi se leja për pallatin 7- katësh "ishte vendim kolegjial". Pallati i cili u ndërtua 11 kate, u dëmtua nga tërmeti më 26 nëntor 2019 dhe banorët paditën në SPAK bashkinë. Sa i takon tenderit të vijës bregdetare, Dako tha në seancë se projekti aty është dhe kërkoi të verifikohet, ndërsa avokatët pretendojnë se nuk ka vepër penale. Ndërkohë seanca do të vijojë dhe me deklarimet e të akuzuarve të tjerë. Më pas do të vendoset nëse dosja do të kalojë për gjykim ose jo, për t'i lënë vend sërish hetimit. Vangjush Dako, ish- kryebashkiaku i Durrësit u arrestua me urdhër të SPAK më 6 qershor 2023 së bashku me 8 ish- zyrtarë të Bashkisë së Durrësit dhe një ndërtues. Ndaj tij rëndon akuza për shpërdorim detyre në 2 raste. Njëra për leje ndërtimi të dhënë para 11 vitesh dhe për një tender të vitit 2014- 2015 për ndërtimin e një shëtitoreje në zonën bregdetare, që i ka shkaktuar buxhetit të shtetit një dëm prej 18 milionë lekësh. Prej nga momenti i arrestimit Dako vijon të gjykohet nën masën e sigurisë ' arrest me burg' edhe pse ai ka kërkuar disa herë nëpër gjykata t'i ndryshohet kjo masë dhe të gjykohet në një masë tjetër më të butë. Avokati i Vangjush Dakos, Petrit Ismaili e pati konsideruar si të panevojshme masën e arrestit me burg ndaj ish- kryebashkiakut të Durrësit që në krye të herës, duke lënë të kuptohet se Dako nuk kishte ndërmend të largohej jashtë vendi apo të mund të prishte provat e hetimit për gjatë fazës hetimor. Ndaj Dakos ka pasur kallëzim nga një grup banorësh lidhur me kolaudimin e një pallati, leja për të cilin është dhënë që në vitin 2011 si dhe për një kallëzim të bërë nga deputeti i Partisë Demokratike, Ferdinand Xhaferraj në vitin 2021. Në momentin e arrestimit të Dakos mbrojtja e tij bëri me dije se arrestimit kishte ardhur pas trysnisë së madhe
Ndërkohë seanca do të vijojë dhe me deklarimet e të akuzuarve të tjerë. Më pas do të vendoset nëse dosja do të kalojë për gjykim ose jo, për t'i lënë vend sërish hetimit. Vangjush Dako, ish- kryebashkiaku i Durrësit u arrestua me urdhër të SPAK më 6 qershor 2023 së bashku me 8 ish- zyrtarë të Bashkisë së Durrësit dhe një ndërtues.
të medias dhe të ndërkombëtarëve, por prokuroria e Posaçme në hetimet e saj pretendoi se në fakt Dako dyshohet se kishte shpërdoruar detyrën në të dy episodet për të cilat ishte akuzuar.