Stoltenberg: Ballkani në rrezik, me potencial për tensione në Kosovë dhe Bosnje

"NATO- ja është e gatshme të kryejë mandatin e saj në Kosovë për të garantuar stabilitet, ashtu sikurse në Bosnjë e Hercegovinë"

"Presim hetim të zgjedhjeve në Serbi", thonë deputetët e partive në pushtet në Gjermani. Ata mendojnë se zgjedhjet janë manipuluar. Opozita e sheh pak më ndryshe.

NATO- ja beson se situata e sigurisë në Ballkanin Perëndimor është ende shumë e brishtë, dhe ka potencial për tensione në Kosovë dhe Bosnje - Hercegovinë. Kështu deklaroi dje në Bruksel, sekretari i Përgjithshëm i NATO- s, Jens Stoltenberg, duke folur pas takimit me kryeministrin e Malit të Zi, Millojko Spajiq. Ai u shpreh se NATO- ja është e gatshme të kryejë mandatin e saj në Kosovë për të garantuar stabilitet, ashtu sikurse në Bosnje e Hercegovinë. Ballkani Perëndimor, forcimi i NATO- s, dhe përgatitjet për samitin e Uashingtonit, kanë qenë temat kryesore të këtij takimi. "Situata në rajonin e Ballkanit Perëndimor mbetet e brishtë. Dhuna që ka shpërthyer në Kosovë ishte e papranueshme. Kjo ka bërë që NATO- ja menjëherë të angazhojë forca shtesë në Kosovë", theksoi Stoltemberg. Ai paralajmëroi se javën që vjen, Këshilli i Atlantikut të Veriut, trupi më i lartë politik i aleancës, do të vizitojë Bosnje - Hercegovinën, për të dëshmuar në këtë mënyrë edhe mbështetjen e parezervë për integritetin territorial dhe sovranitetin e Bosnje e Hercegovinës. Por kreu i aleancës shtoi se NATO është e gatshme të kryejë mandatin e saj në Kosovë për të garantuar stabilitet, ashtu sikurse në Bosnjë e Hercegovinë. Herë pas here autoritetet e Prishtinës kanë paralajmëruar për tentative dhe sulme të tjera nga ana e Serbisë. Stoltenberg njoftoi se Këshilli i Atlantikut të Veriut do të vizitojë Bosnjë - Hercegovinën, për të dëshmuar në këtë mënyrë edhe mbështetjen e parezervë për integritetin territorial dhe sovranitetin e vendit. Nga ana e tij, kryeministri malazez e cilësoi si të rëndësisë së veçantë stabilitetin e Kosovës ndërsa ka thënë se mali zi është i gatshëm të dërgojë trupa shtesë në KFOR nëse do të jetë e nevojshme. Stoltenberg e falënderoi Malin e Zi për kontributin në misionin e NATOs në Kosovë, KFOR, por edhe për rolin konstruktiv për paqe dhe stabilitet në rajonin e Ballkanit. Kryeministri i Malit të Zi, Spajiq, deklaroi se për vendin e tij, stabiliteti në Kosovë ka rëndësi të veçantë dhe, në rast nevoje Mali i Zi është i gatshëm për të rritur praninë e ushtarëve të saj në misionin e KFOR- it. Spajiq theksoi se Mali i Zi mbetet anëtar besnik i aleancës së NATO- s, dhe i përkushtuar për të avancuar në procesin e integrimeve në BE. Ai u shpreh se për vitin 2024, Mali i Zi ka ndarë më shumë se 2 për qind të Bruto Prodhimit Vendor për mbrojtje, që është në përputhje me kërkesat e NATOs ndaj të gjitha vendeve anëtare. Shefi i aleancës vuri në dukje se NATO- ja ka bashkëpunim të ngushtë me BEnë, kur janë në pyetje vendet e Ballkanit Perëndimor. Ai nënvizoi sidomos rëndësinë e mbështetjes së dialogut mes Kosovës dhe Serbisë për normalizimin e raporteve, që zhvillohet nën ndërmjetësimin e Bashkimit Evropian. Pas sulmeve të armatosura kundër Policisë së Kosovës në Banjskë të Zveçanit, në shtator të vitit të kaluar - ku është vrarë rreshteri Afrim Bunjaku - NATO- ja e ka përforcuar misionin e vet KFORin në Kosovë, dhe tani numëron 4.500 pjesëtarë. Kosova e ka fajësuar shtetin e Serbisë për sulmin, ndonëse kjo e fundit ka mohuar gjithçka. Përgjegjësinë për sulmin e ka marrë Millan Radoiçiç, ish- nënkryetar i Listës Serbe, partisë më të madhe të serbëve në Kosovë. Agjencia Ndërkombëtare e Policisë ( INTERPOL) tashmë ka lëshuar fletarrestim për të.