Autonomia spitalore, Rama: Mjekët, me paga më të mira e punë të paguar përtej orarit
Kryeministri: Praktikë e dyfishtë punësimi dhe rritje të shpërblimit të mjekëve sipas meritës. 70% i merr mjeku, 30% i mbeten spitalit
Pas Spitalit Rajonal "Memorial" në Fieri, edhe pesë spitale të tjera në vend kanë përfituar Kartën e Autonomisë Menaxheriale.
Në ceremoninë e mbajdrejtpërdrejtë nga kjo praktur dje në mesditë në spitikë", shtoi Rama duke talin Memorial të Fierit, ku i shpjeguar më tej benefitet që pranishëm ishte dhe kryemrrjedhin pas autonomisë inistri Edi Rama janë spitalore. shpërndarë kartat e Autonomisë Spitalore edhe për 5 spitale të tjera rajonale, Durrësit, Vlorës, Lezhës, Shkodrës dhe QSUT. Teksa theksoi se shërbimi në spitalet publike ka kaluar në një tjetër nivel, duke konkurruar edhe ato në strukturat private, kreu i qeverisë dha lajmin se në të gjithë spitalet publike që do të pajisen me kartën e autonomisë spitalore, mjekët do të kenë mundësi që pas orarit të punës të ofrojnë edhe shërbim jashtë orarit dhe të marrin 70% të pagesës për këtë shërbim.
BENEFITET PER MJEKET
Kryeministri Edi Rama deklaroi dje se brenda vitit synohet që të hapet praktika e dyfishtë në spitalet që morën sot certifikatën e autonomisë menaxheriale. "Pra që mjekët, të cilët punojnë në këto spitale dhe që janë të dëshiruar dhe janë të kërkuar nga qytetarët për të ofruar shërbim përtej orarit të punës të shfrytëzojnë spitalin, të shfrytëzojnë të gjithë aparaturat dhe kushtet e spitalit për të ofruar një shërbim ekstra, i cili është një shërbim me pagesë, ku 70% të pagesës do t'i marrë mjeku dhe 30% do t'i mbeten spitalit". Në këtë mënyrë hyjmë, sipas Ramës, ndjekim rrugën e njëjtë si spitalet evropiane që kanë një sistem ku mjekët nuk janë rrogëtarë, ku mjekët nuk janë të detyruar të shohin majtas- djathtas dhe të gjejnë mënyra sesi të ikin nga puna për të shkuar tek privati për të shtuar diçka në rrogën e tyre "Të gjithë mjekët do paguhen me një rrogë dinjitoze dhe pastaj çdo mjek që mund të punojë më shumë dhe që kërkohet nga qytetarët për t'u shërbyer atyre mund të punojë dhe jashtë orarit dhe të paguhet
PAGAT
"Në momentin pasi të kalojmë të gjithë procesin e nevojshëm të nxjerrjes së të gjitha kostove, protokolleve, të gjitha atyre proceseve që duhen për autonominë financiare, përmes autonomisë menaxheriale, atëherë në momentin kur spitalet do të kalojnë në autonomi të plotë, jo vetëm menaxheriale, por edhe financiare, do të kenë në dispozicion ata fondet dhe do të vendosin ata, si të ishin një strukturë e pavarur sesi do të shpenzohen fondet, se cilat sasi të cilave medikamenteve do të porositen dhe në të njëjtën kohë sesi do të shpërblehen ekstra nga të ardhurat e spitalit mjekët, sipas një protokolli shumë të qartë", u shpreh kryeministri duke shtuar më tej se do të ketë rritje sërish për bluzat e bardha. "Ne jemi këtu për të bërë 100- fishin për të merituar besimin e njerëzve edhe besimin tuaj. Do të vijojmë ta bëjmë pa asnjë diskutim e as lëkundje. Nëse sot mjekët janë më në fund të mirëpaguar krahasimisht me atë ku ishin dua tu them mjekëve: S'keni parë gjë akoma as në aspektin e pagave. Nuk jemi ne absolutisht të lumtur dhe absolutisht nuk e kemi fjetur mendjen që këto tani janë pagat e mjekëve e tani hajde se folim nga viti 2040. Jo! Do të bëjmë çmos që të ardhurat e mjekëve e infermierëve dhe shërbëtorëve të shërbimit publik të vijnë duke u rritur".
Kështu, në spitale do të zbatohet një praktikë e dyfishtë punësimi, por edhe rritje të shpërblimit të mjekëve në bazë të meritës, çka do të bëjë që interesi i mjekëve për të punuar në spitalet publike të jetë gjithmonë e më i lartë, konkurrenca gjithnjë e më e fortë.