Fatmir Mediu organizon konferencë ndërkombëtare në “Capitol Hill”
Kur kancelaritë perëndimore po shfaqin gjithnjë e më shumë shqetësim për rrezikun e destabilizimit të Ballkanit nga Rusia, në Kongresin Amerikan do të diskutohet javën e ardhshme mbi këtë çështje në nivele të larta përfaqësimi. Kryetari i Partisë Republikane, Fatmir Mediu, ka bashkorganizuar për këtë temë sensitive një konferencë me kongresmenët Pete Sessions dhe Keith Self. Zoti Mediu përveç organizimit, edhe do ta moderojë forumin “Ndikimi malinj i Rusisë dhe Kinës në Ballkan”, që do të zhvillohet të mërkurën në “Capitol Hill”. Atje do të marrin pjesë kongresmenë amerikanë, përfaqësues nga Departamenti i Shtetit, eksperti i Ballkanit Edward Joseph, ishdrejtori i kundër Inteligjencës në Këshillin e Sigurisë pranë Shtëpisë së Bardhë, Holden Triplett, zëvendësi i Gjeneral Petraus, Gjenerali Mike Barbero, deputetë nga Ballkani, Europa, Ukraina dhe Gjeorgjia, Presidentja e OSCE PA Pia Kauma etj.. Në një postim, kreu i PR, Fatmir Mediu, vlerësoi se forumi i së mërkurës në “Capitol Hill” merr një rëndësi të veçantë pas paralajmërimeve nga Presidenti Biden, kryetari i Këshillit Ushtarak të NATO- s etj., për mundësinë e nxitjes nga Rusia të një konflikti në Ballkan. Aktualisht,
Rusia dhe Kina janë dy nga aleatët kryesorë të Serbisë dhe furnizuesit e saj më të mëdhenj me armatime ushtarake. “Kënaqësi këtë fundjavë mes miqsh në drekë pune me kongresmenin Pete Sessions dhe Keith Self. Ditën e mërkurë së bashku kemi organizuar në kongres në ‘ Capitol Hill’ ditën e mërkurë javën që vjen, forumin e përvitshëm me temë ‘ Ndikimi malinj i Rusisë dhe Kinës në Ballkan’. Ky forum merr një rëndësi të veçantë mbas paralajmërimeve nga Presidenti Biden, kryetari i Këshillit ushtarak të NATO- s etj., për mundësinë e nxitjes nga Rusia të një konflikti në Ballkan. Në këtë forum, të cilin kam kënaqësi ta moderoj, do të marrin pjesë kongresmenë amerikanë, përfaqësues nga Departamenti i Shtetit, eksperti i Ballkanit Edward Jospeh, ish- drejtori i kundër Inteligjencës në Këshillin e Sigurisë pranë Shtëpisë së Bardhë, Holden Triplett, zëvendësi i gjeneral Petraus, gjenerali Mike Barbero, deputetë nga Ballkani, Europa, Ukraina dhe Gjeorgjia, Presidentja e OSCE PA Pia Kauma etj.”, - shprehet kreu republikan, Fatmir Mediu.