"U ka zënë sytë krotha e Moskës dhe e Titos"

"Më dënoni se nuk jam komunist dhe nuk e dua Stalinin"

niste, reformave të komunistëve. Hetuesi kërkon të dijë pse Apostoli kishte folur keq kundër pushtetit, ndërsa merr përgjigjen se nuk kishte thënë kështu por më keq se po grabitej populli e po shitej vajguri me 10 franga shqiptare litri.

Po ashtu, ai ndalej edhe në shpërndarjen e trakteve në Tiranë për nder të Musine Kokalarit dhe Gjergj Kokoshit për ta lidhur me autoritetin e madh që ata gëzonin në atë kohë.

Apostoli përshkruan të gjitha takimet që ka pasur me shokët e tij për gjuetinë e peshkut. Për Apostolin dhe shokët e tij, dy të rinj jashtë këtij procesi i kishin lidhur shëtitjet dhe gjuetinë e peshkun gjoja me qëllimin për të takuar Alush Lleshanakun që qëndronte në arrati. Më 12 tetor 1946 Gjykata Ushtarake e Elbasanit ka shpallur vendimin e dënimit me vdekje

SHQYRTIMI NË GJYKATËN E LARTË PROCESVERBAL

Gjykata e Lartë ushtarake e komanume prej major Frederik Ndoci, kryetar kapiten Veledin Sejdini anëtar, kapiten Reshat Hysenja anëtar, në prezencën e prokurorit Nevzat Haznedarit, sot në datën 15 nëntor 1946 shqyrtoi lëndën e fajit të Apostol Gegës, së bashku me vendimin e gjykatës ushtarake të Elbasanit, në të cilën i pandehuri për veprën penale që parashikohen nga Neni 15 i ligjit nr. 41 mbi organizimin dhe fuksionimin e gjykatave ushtarake mbi sabotatorët e pushtetit popullor, është dënuar me vdekje, humbjen e të drejtave qytatare dhe politike si dhe konfiskimin e pasurisë të tundëshme dhe të patundëshme si dhe deklarimet që i pandehuri ka bërë dhe observon.

I dënuari Apostol Gega, i biri i Thanasit dhe i Gligores vjeç 23, lindur dhe banues në Elbasan, me profesion mësues, i pamartuar, me gjendje ekonomike të keqe, i arrestuar më 24 qershor 1946,

Asht fajtor. Mbasi në kohën e okupimit fashist ka qënë nëpunës në bankë të Elbasanit, ka marrë pjesë në mbledhjet antifashiste që bëheshin nga nëpunësit e bankës, këtu ka njoftun mirë elementët e lëvizjes nacionalçlirimtare dhe i ka spiunuar pranë drejtorit të bankës.

Mbas çlirimit të Shqipërisë i pandehuri është mobilize për në ushtri, duke qëndruar në ushtri gjashtë muaj. Mbas lirimit të tij nga ushtria, ëshët caktuar mësues në rajonin e Peqinit, ku prej andej trasferohenë katundin Grabovë të Gramshit, ku aty fillon aktivitetin e tij anti popullor dhe duke parë se nxënësit e shkollës nderonin me grushtin përpjesët, ai u ka thënë se nuk duhet me nderu me grushtin perpjetë. Ka patur lidhje me një grup tjetër dhe propagandonin poshtë e lartë pakënaqësitë ekonomike. Në bashkëpunim të ngushtë me Selim Cekën dhe Zija Dylgjerin, Makanon Dungën, Muharrem Qafzezin dhe të tjerë fillojnë të organizojnë mbledhje në formë tresheje me qëllim që të mos mundeshin që të diktoheshin nga populli dhe forcat e tij. Asht mundur që të organizojnë në qytet element reaksionarë të pakënaqur dhe t'i lidh këta me të aratisurit. Ka pasur takim me Halit Shigjinin, të cilit i ka dhënë 50 fr. Ndihmë për të arratisurit. Ka dashur të rrëzonte me violencë pushtetin popullor. Ka sabotuar mitingjet e organizuara në shkollë dhe jashtë saj. Ka përpiluar dhe shpërndarë një mori traktesh të titulluar me emrin "KUMONA E KUSHTRIMIT", ku njëri i drejtohej rinisë dhe tjetri popullit të sulmojnë pushtetin e sotëm popullor. Pas hedhjes së trakteve i pandehuri është larguar në katundin Melize. Mbasi është arrestuar nga forcat e mbrojtjes së popullit i pandehuri ka mundur të hidhet nga dritarja e katit të sipërm të seksionit të sigurimit me qëllim arratisje dhe pas dy ditësh është kapur nga forcat partizane në shtëpine e hallës së tij ku i pandehuri iu është drejtuar partizanëve se dhe këtu më gjetët ore të shitur për një copë bukë të Moskës dhe të Titos.

Në këtë mënyrë i pandehuri ka kryer veprën e parashikuar nga prej neneve 15 të ligjit nr. 41 datë 14 janar 1945 mbi organizimin dhe fuksionimin e gjykatave ushtarake, si dhe prej nenit 1 të ligjës nr. 41 datë 15 dhjetor 1944 mbi sabotatorët e pushtetit

Prandaj,

Gjykata e Naltë në bazë të nenit 31 të ligjës nr. 41 datë 14 janar 1945 mbi organizimin dhe fuksionimin e gjykatave ushtarake.

Vendosi:

Aprovimin e vendimit nr. 344 datë 12 tetor 1946 të gjykatës ushtarake të Elbasanit që përmban ndëshkimin me vdekje të Apostol Thanas Gegës lindur e banues në Elbasan, humbjen e përhershme të të drejtave qytetare dhe politike, si dhe konfiskimin e pasurisë së tij të tundëshme e të patundëshme.

Tiranë më 15 tetor 1946.