Bolonja përmbys gjithçka, Milani bie me rregull 2- shi
Katër gola, 3 penallti, dy prej të cilave të humbura nga kuqezinjtë dhe një karton i kuq për trajnerin mik Tiago Mota, teksa në fund ishim miqtë nga Bolonja ata që festuan pikën e marrë. Kuqeblutë gjetën të parët rrugën e rrjetës me Zirkze në minutën e 29- të. Ndërkohë në minutën e 42- të, Zhiru kishte shansin e artë për të vendosur baraspeshën, por gaboi nga pika e bardhe e penalltisë. Për golin e barazimit të përkohshëm mendoi Loftus- Çik në minutën e 45- të. Pjesa e parë u mbyll me shifrat 11. Në minutën e 74- t, Milani shpërdoroi një tjetër penallti me Hernandez, që goditi shtyllën, ndërkohë që në minutën e 83- të, Loftus- Çik gjeti dopietën personale, duke shënuar golin e dytë të sfidës. Kur u mendua se "djalli" do të dilte me 3 pikë nga ky duel ishte Orsolini që në minutën e 92të, vendosi baraspeshën duke shndërruar në gol një penallti të shkaktuar nga Terraçano.
FJALA E TRAJNERIT -
Trajneri i Milanit, Stafano Pioli foli me gazetarët në fundin e duelit Milan- Bolonja që përfundoi në barazim 2- 2. Padyshim që trajneri kuqezi shfaqi zhgënjim për barazimin e regjistruar në kohën shtesë. Një barazim i cili i mohoi fitoren e pestë radhazi në kampionat Milanit që humbi dy penallti me Zhiru dhe Teo Hernandez.
PARAQITJA - "Më vjen keq që nuk e fitova ndeshjen. Është e vërtetë që humbëm dy penallti dhe raste, por arritëm të kalonim në avantazh. Nuk mund të heqim dorë nga vëmendja dhe vendosmëria në fazën mbrojtëse. Mëkat i madh sepse kishim performuar mirë. Me 9- 10 lojtarë në zonë, nuk jemi në gjendje të dyfishojmë dhe të ' vrasim' ndeshjen".
PENALLTITË - "Zhiru dhe Teo janë gjuajtës të shkëlqyer të penalltive, fatkeqësisht nuk ishte mbrëmja e tyre më e mirë. Shpresojmë të kemi më shumë penallti dhe të shënojmë në vijim, por kam frikë se ky rezultat mund të ndikojë në mendësinë e grupit".
GODITËSI I RADHËS -
"Leao më tha se do të ekzekutojë penalltinë e radhës. Nuk është se shënon shumë në stërvitje, por mbase do të shkojë ndryshe në ndeshje. Gjithsesi nuk e di, do të shohim".
ECURIA - "Kemi 7 pikë më shumë se vitin e kaluar dhe po aq sa edhe viti i titullit. Ka disa gjëra pozitive, por ne duhet të rritemi në të tjera aspekte. Ne kërkojmë rezultate përmes performancës. Në qoftë se do të kishte përfunduar 2- 1 ndeshja, besimi ynë dhe gjithçka do të ishte ndryshe".
MERKATO - "Zirkze është lojtar i madh, padyshim. E kam ndjekur edhe gjatë kohës së tij te Bajern Mynih dhe më pas te Parma. Futbollist fantastik, me fizik dhe cilësi, ka gjithçka. Ai po bën shumë mirë te Bolonja".