Protesta, Berisha: Unë “non grata” që Edi Rama të qeverisë me Bashën
“Jam shpallur i rrezikshëm për korrupsion 8 vite pas pushtetit” “Në Shqipëri solla Xhorxh Bushin dhe jo Mcgonigalin. Ish- kryeministri përmend bashkëshorten: Punoi 14 vite vullnetarisht me fëmijët autikë
Për liderin demokrat, Sali Berisha, shpallja e tij “non grata” u bë me synimin që Edi Rama të qeveriste i qetë me Lulzim Bashën.
Për të 30- ën ditë me radhë, qytetarët u mblodhën poshtë banesës së tij. Duke iu drejtuar mbështetësve nga dritarja e banesës, Berisha deklaroi se demokratët s’mund të pranonin kurrë, vendimin e shpalljes ‘ non grata’, i cili u mor si pasojë e korrupsionit transnacional që synonte vetëm pushtetin e Edi Ramës. Para mbështetësve të tij ai bëri të qartë se opozita nuk mund të pranonte që të kthehej në fasadë ndaj dhe u mor një kthesë vendimtare. Kreu i Partisë Demokratike Sali Berisha denoncoi skenarin e Edi Ramës dhe George Soros për shpalljen e tij ‘ non grata’. Në fjalën e tij para qytetarëve të mbledhur si çdo mbrëmje poshtë banesës së tij, Berisha deklaroi se anëtarët dhe simpantizantët e PD- së nuk e pranuan këtë vendim të marrë nga korrupsioni transnacional Rama- SorosMcgonigal, që kishte si qëllim lënien e vendit pa opozitë. Berisha hodhi akuza në drejtim të mazhorancës socialiste, se duke përdorur Lulzim Bashën po mban peng vulën dhe logon e PD- së. Për çështjen ‘ Mcgonigal’, Berisha deklaroi se Edi Rama edhe pse po mbrohet nga drejtuesi i SPAK Altin Dumani, do të përgjigjet për këtë aferë. Sali Berisha iu bëri thirrje qytetarëve që të ngrihen në protesta për votën e lire. Kryetari i PD- së denoncoi se Rama ka korruptuar me dokumente zyrtare të drejtësisë amerikane, kryezbuluesin e SHBA ndërkohë që kor
“Sa e vështirë ishte për ju kthesa, por ju njerëz të ndershëm dhe të vërtetës, nuk mund të pranonit kurrë të besonit gënjeshtrën për të vërtetë. Nuk mund të pranonit kurrë se Sali Berisha, të shpallej 8 vite pas largimit nga pushteti, të shpallej i rrezikshëm për korrupsionin e tij. Që Liri Berisha, që kishte 14 vjet që punonte vullnetarisht pa asnjë shpërblim me fëmijët autikë, nuk mund ta pranonit kurrë një akuzë të tillë, e cila kishte vetëm një synim, të telikostë pushtetin e Edi Ramës”.
rupton dhe e angazhon në luftë kundër opozitës. “Ecëm në një rrugë të vështirë. U përballëm me presion çnjerëzore, kërcënime të jashtëzakonshme. Por me besimin tek e vërteta, kapërcyem çdo vështirësi. Narkopropaganda u vërsul mbi ju me të gjitha epitetet. Mendoni pak për një moment; ata që ju quanin ju antiamerikan, që quanin Berishën antiamerikan sepse në Shqipëri kishte sjellë Xhorxh Bushin dhe jo Mcgonigalin. Mendoni pak sot miqtë e mi, kur Edi Rama ka korruptuar me dokumente zyrtare të drejtësisë Amerikane, kryezbuluesin e SHBA, njeriun që kishte detyrë dhe mision mbrojtjen e vendit të tij të madh nga spiunët dhe korrupsioni, e korrupton dhe e angazhon në luftë kundër opozitës. Ai po dënohet atje, Edi Rama ka aktpadinë. Çfarë thonë këta proamerikanë, narkomanë. Çfarë thonë sot këto media dhe gazetarë, këta banalistë. A ekziston për ta skandali Mcgonigal, a është një akt armiqësor ndaj kombit të madh Amerikan, korruptimi i kryezbuluesit të tyre me pagesë. Ky pseudoamerikanizmi i tyre. Amerikanizmi ynë bazohet në vlera dhe vetëm vlera”, - deklaroi Berisha. Lideri demokrat duke folur para mbështetësve, u është drejtuar duke u thënë se ata nuk mund të pranon kurrë që Sali Berisha, të shpallej 8 vite pas largimit nga pushteti, i rrezikshëm për korrupsionin e tij. Berisha ka përmendur dhe bashkëshorten e tij, duke thënë se ka punuar vullnetarisht për 14 vite më fëmijët autikë. “Sa e vështirë ishte për ju kthesa, por ju njerëz të ndershëm dhe të vërtetës, nuk mund të pranonit kurrë të besonit gënjeshtrën për të vërtetë. Nuk mund të pranonit kurrë se Sali Berisha, të shpallej 8 vite pas largimit nga pushteti, të shpallej i rrezikshëm për korrupsionin e tij. Që Liri Berisha, që kishte 14 vjet që punonte vullnetarisht pa asnjë shpërblim me fëmijët autikë, nuk mund ta pranonit kurrë një akuzë të tillë, e cila kishte vetëm një synim, të telikostë pushtetin e Edi Ramës”, - tha Berisha.