BE: Fondet ruse do të përdoren për të ndihmuar Ukrainën

BE- ja po përgatit thithjen e të ardhurave nga fondet e ngrira të Bankës Qendrore Ruse dhe një mekanizëm për të mbajtur fondet për Ukrainën. Presidenca aktuale belge e Këshillit të BE- së njoftoi se përfaqësuesit e 27 vendeve anëtare ranë dakord dje mbi propozimin. "Ambasadorët e BE- së sapo ranë dakord në parim për një propozim për përdorimin e fitimeve të papritura në lidhje me asetet e pamobilizuara për të mbështetur rindërtimin e Ukrainës", njoftoi presidenca belge e BE- së në "X", dikur "Twitter". Vendimi pritet të miratohet zyrtarisht me procedurë të shkruar. Sipas diplomatëve, procedura e rënë dakord parashikon, si hap të parë, të sigurohet që të ardhurat e jashtëzakonshme nga ruajtja e aseteve të bankës qendrore ruse të ruhenmbahen veçmas. Në një hap të dytë, më pas është planifikuar transferimi i një pjese të fondeve në Ukrainë. Megjithatë, duhet të hartohen dokumente të tjera ligjore për këtë. Sipas Komisionit, më shumë se 200 miliardë euro ( 216 miliardë dollarë) nga banka qendrore ruse janë ngrirë në BE dhe të ardhurat nga interesat e kapitalit janë vazhdimisht në rritje. Institucioni financiar me qendër në Bruksel, "Euroclear", njoftoi së fundmi se kishte fituar 3 miliardë euro të ardhura nga interesi vetëm në nëntë muajt e parë të vitit të kaluar në lidhje me sanksionet ruse. "Euroclear" është deri tani institucioni më i rëndësishëm në BE që mban asetet e bankës qendrore ruse. Zyrtarët e BE- së theksojnë se projekti fillimisht ka të bëjë vetëm me të ardhurat e paplanifikuara që "Euroclear" bën për shkak të sanksioneve të BE- së kundër bankës qendrore ruse. Prandaj, për momentin nuk është planifikuar asnjë shpronësim në kuptimin e vërtetë.