Pa privilegje, Ahmetaj humb pasaportën diplomatike
Kuvendi ka njoftuar institucionet për mbarimin e mandatit të Ahmetajt Prej muajsh në arrati, Ministria e Punëve të Jashtme shpjegon pse iu hoq ky privilegj ish- zv. kryeministrit dhe ish- deputetit
Ish- zv. kryeministri Arben Ahmetaj, i cili ndodhet prej muajsh në arrati ka humbur dje pasaportën diplomatike që e kishte fituar si deputet i Parlamentit të Shqipërisë.
Me humbjen e mandatit të deputetit, edhe pasaporta diplomatike e Arben Ahmetajt është shpallur e pavlefshme. Duke qenë se Kuvendi ka njoftuar institucionet për mbarimin e mandatit të Ahmetajt, Ministria e Jashtme pasi ka marrë shkresën zyrtare, ka shpallur të pavlefshme pasaportën diplomatike të Ahmetajt. Për pasaportën e cila ishte e vlefshme deri në vitin 2033, Drejtoria e Çështjeve konsullore në Ministrinë e Puënve të Jashtme, i ka kërkuar misioneve diplomatike dhe konsullatave shqiptare në botë shpalljen të pavlefshme dhe j ashtë qarkullimit të pasaportës diplomatike të Ahmetajt. Ministria e Jashtme në një reagim ka shpjeguar se ky është një veprim që ndiqet për çdo emër që i hiqet imuniteti në Kuvend. “Procedura për shpalljen e pavlefshme të një pasaporte diplomatike është bërë në bazë të ligjit, një anëtar i Kuvendit të Shqipërisë humbet të drejtën e pasaportës diplomatike me vendim të Kuvendit, për ndërprerjen/ humbjen e mandatit të deputetit. Sipas ligjit, pasi Kuvendi i përcjell shkresën zyrtare se individi nuk gëzon më mandatin e deputetit, MEPJ nis procedurën administrative, e cila bazohet në VKM 389, datë 12.06.2019, “Për kriteret për lëshimin e pasaportës diplomatike dhe asaj të shërbimit” pikat 3,4,6,7 dhe Ligji nr. 8668, datë 23.10.2000, i ndryshuar “Për pajisjen e shtetasve shqiptarë me pasaportë për jashtë shtetit”, neni 8 dhe neni 9. Bazuar në sa më lart, MEPJ sipas procedurës standarde përcjell njoftimin për shpalljen e pavlefshme të pasaportës
në të gjitha përfaqësitë e Republikës së Shqipërisë”, - thuhet në njoftimin e Ministrisë së Punëve të Jashtme. Në bazë të ligjit, një anëtar i Kuvendit të Shqipërisë humbet të drejtën e pasaportës diplomatike me vendim të Kuvendit, për ndërprerjen/ humbjen e mandatit të deputetit. Në këtë mënyrë ministria e Jashtme sipas procedurës standarde përcjell njoftimin për shpalljen e pavlefshme të pasaportës në të gjitha përfaqësitë e Republikës së Shqipërisë. Mësohet se pasaporta diplomatike e Ahmetajt kishte vlefshmëri deri në vitin 2033. Me datën 10 janar Arben Ahmetaj e humbi
edhe mandatin e deputetit. Arben Ahmetajt, ishzv. kryeministrit në arrati dhe nën hetim për 4 vepra penale i është djegur sot mandati i deputetit. Ahmetaj nuk ka marrë pjesë në seancë prej kur u largua nga vendi më, 7 korrik 2023. Në sesionin e ri parlamentar u bë verifikimi i mandateve, mes tyre edhe i Ahmetajt. Neni 71 i Kushtetutës, në germën “d” përcaktohet se “Mandati i deputetit mbaron ose është i pavlefshëm
kur mungon pa arsye mbi 6 muaj rresht në Kuvend”. Kuvendi deklaroi se sipas ligjit, deputetët që nuk paraqiten në seancë në gjashtë muajit e fundit, e humbin mandatin, në këto kushte, Kuvendi njoftoi Komisionin Qendror të Zgjedhjeve për vendin vakant. Dallëndyshe Bicit refuzoi të marrë mandatit e Arben Ahmetajn, i cili mungonte prej më shumë se gjashtë muajsh në Kuvend. Mandati i kaloi kandidatit Plarent Ndreca.