Rrezikohen të dhënat e censit? Hakerat iranianë “godasin” uebin e INSTAT
Autorësinë e këtij sulmi e ka marrë sërish “Home Land Justice” Sulmohet faqja zyrtare, Instituti i Sigurimeve jep garanci: Të dhënat e censit nuk janë prekur. U sulmuan disa sisteme
Instituti i Statistikave, njohur ndryshe si INSTAT ka rënë pre e një sulmi nga hakerat iranianë.
Autorësinë e këtij sulmi e ka marrë sërish “Home Land Justice”, grup iranian i cili ka deklaruar në rrjetin social “Telegram” se të dhënat e INSTAT- it tanimë janë në duart e tyre. Përmes një njoftimi për mediat, INSTAT bën me dije se dy ditë më parë sistemet e saj informatike kanë qenë objekt i një sulmi kibernetik të sofistikuar. Për të analizuar dëmet e shkaktuara nga ky sulm, në Institutin e Statistikave zbarkuan këtë të enjte edhe ekspertë të krimit kibernetik. Ndërkohë vetë INSTAT- i pati një reagim lidhur me këtë hakërrim, ku tha se sulmi është regjistruar më 31 janar dhe se prej tij janë prekur disa sisteme, por jo të dhënat e gjeneruara nga censi. “Nga ekzaminimet e para të kryer nga ekspertët e Teknologjisë së Informacionit, disa nga sistemet e INSTAT janë ndikuar nga sulmi. INSTAT ka reaguar me shpejtësi dhe profesionalizëm për të parandaluar dhe minimizuar dëmet e mundshme nga sulmi. INSTAT ka ndërprerë menjëherë lidhjet e internetit dhe ka aktivizuar protokollet e emergjencës për të siguruar mbrojtjen e të dhënave dhe informacioneve statistikore”, - thuhet në reagimin e INSTAT. Ky nuk është sulmi i parë që hakerat iranianë kryejnë ndaj institucioneve që janë në shërbim të qytetarëve. Më herët pre e sulmeve të “Home Land Justice” kanë rënë “e- Albania”, sistemet e Policisë së Shtetit, SHISH si dhe faqja zyrtare e Kuvendit. Në korrik të vitit 2022 shërbimet publike “online” dhe faqet qeveritare u mbyllën përkohësisht për shkak të një sulmi kriminal kibernetik të sinkronizuar dhe të sofistikuar nga jashtë Shqipërisë. Fillimisht pati dy
“Nga ekzaminimet e para të kryera nga ekspertët e teknologjisë së informacionit, disa nga sistemet e INSTAT janë ndikuar nga sulmi. INSTAT ka reaguar me shpejtësi dhe profesionalizëm për të parandaluar dhe minimizuar dëmet e mundshme nga sulmi. INSTAT ka ndërprerë menjëherë lidhjet e internetit dhe ka aktivizuar protokollet e emergjencës për të siguruar mbrojtjen e të dhënave dhe informacioneve statistikore”.
shime se sulmi mund të ishte rus. Kjo erdhi pas sanksioneve që ka vendosur Shqipëria ndaj Rusisë dhe qëndrimin që mban për luftën në Ukrainë. Sulmi kibernetik ndaj Shqipërisë u komentua edhe në Konferencën e Parë Ndërqeveritare Shqipëri- BE gjatë vitit 2022. Më 12 dhjetor të vitit që lamë pas edhe kompania telefonike “One Albania” ra pre e një sulmi kibernetik nga hakerat e “Homeland Justice”. Grupi i hakerave iranianë kanë njoftuar paraditen e sotme se kanë vënë në shënjestër sistemet e kompanisë celulare “One Albania” dhe kanë në dorë të dhënat e mijëra shqiptarëve.
Grupi njoftoi në “Telegram” se ka marrë dhe asgjësuar të dhëna deri në 2 petabajt ( 2 petabytes). Për njohësit e teknologjisë, kjo është ndër njësitë më të mëdha të matjes së të dhënave kompjuterike. Për ta thjeshtësuar, të dhënat prej 2 petabajt që i vjedhur kompanisë celulare “One Albania” janë të njëjta me 500 miliardë fletë formati standarde të printuara. “Misioni ka filluar ( DDMC). Albanian Mobile Communications ( AMC) u hakerua nga Homeland Justice. Injorimi i “paralajmërimeve tona humanitare u kushtoi gjithë këtë politikanëve tuaj të korruptuar. Por mos u mashtroni. Kjo do të vazhdojë derisa ta pastrojmë plotësisht vendin tonë nga terroristët. Në këtë operacion, të marra së bashku, u fshinë më shumë se 2 petabajt të të dhënave të rrjetit të telekomunikacionit dhe rrjetit të brendshëm të të gjitha kompanive të lidhura dhe të dhënat e rëndësishme do të publikohen së shpejti! Ne kemi dashur vetëm të përcjellim një mesazh”, - thuhet në njoftim. Ky grupim hakerash, i njëjti me atë që sabotoi sistemet qeveritare të Shqipërisë një vit më parë, thotë se kompania celulare “One Albania” ka lejuar përmes shërbimeve të saj që muxhahedinët e MEK të kryejnë sulme kibernetike. “Lejohet qasja në TerrorTelecom. MYONEAL, mbështetësi dhe ofruesi i fermës së trolleve të MEK dhe ekipeve të sabotimit kibernetik duhet të kishte mësuar më herët. Megjithatë, më mirë vonë se kurrë! Cyber Eagles e Homeland Justice fitojnë gjithmonë”, - thuhet në njoftim.