“Lamborghini e hotel”, sekuestrohen 550 mijë euro prona në Cërrik e Elbasan!

Dy pronarët, të dënuar për prostitucion në Belgjikë e Itali. Mjeti luksoz pritet t’i kalojë komisariatit të Policisë Rrugore

Dy persona nga Elbasani, të cilët dyshohet se e kanë vënë pasurinë me anë të aktivitetit kriminal, kanë ‘ dorëzuar’ disa prona me vendim gjykate.

Të dhënat janë bërë me dije në fakt nga Prokuroria e Elbasanit, ku jo vetëm pasuritë e sekuestruara por edhe vetë dy të dyshuarit janë nga Elbasani. Njëri prej personave është mbiemër fort i njohur në qarqet e krimit vendas, ndërsa personi i dytë rezulton paprecedentë në vendin tonë. Bëhet fjalë për Arjan Kamanin dhe Uard Kalotin, ku për identitetin e të parit policia është mjaft e rezervuar, ndërsa Kaloti mësohet se është 33 vjeç. Të dy, sipas Prokurorisë janë të dënuar jashtë vendi për veprën penale të shfrytëzimit të prostitucionit, ndaj edhe pasuria e tyre është hetuar nga kjo prokurori ku shifra i kalon gjysmë milioni euro.

SEKUESTRIMI

Disa prona me vlerë 550 mijë euro janë sekuestruar në Elbasan, të dyshuara se janë përfituar nga të ardhurat prej krimit, pronarët e të cilëve rezultojnë të dënuar për prostitucion. Më kërkesë të prokurorisë së Elbasanit, gjykata ka vendosur sekuestrimin e 2 pasurive në pronësi të Arjan Kamanit, i cili i kishte regjistruar pronat në emër të tij dhe të afërmve. Konkretisht është sekuestruar 1 objekt 3- katësh ( me aktivitet bar, restorant dhe hotel), në Cërrik në kuadër të procedimit pasuror të vitit 2020, dhe 1 automjet “Lamborghini”. Nga hetimet dyshohet se pasuritë e sekuestruara kanë burimin nga veprimtaritë kriminale të kryera nga Arjan Kamani, i cili është i dënuar në Belgjikë, për veprën penale “Trafikimi dhe shfrytëzimi për prostitucion”. Po ashtu policia ka sekuestruar pasurinë e

Nga hetimet dyshohet se pasuritë e sekuestruara kanë burimin nga veprimtaritë kriminale të kryera nga Arjan Kamani, i cili është i dënuar në Belgjikë, për veprën penale “Trafikimi dhe shfrytëzimi për prostitucion”. Po ashtu policia ka sekuestruar pasurinë e Uard Kalotit, 33 vjeç, banues në Elbasan. Konkretisht i është sekuestruar një objekti banimi me sipërfaqe 105 m2, në Elbasan

Uard Kalotit, 33 vjeç, banues në Elbasan. Konkretisht i është sekuestruar një objekti banimi me sipërfaqe 105 m2, në Elbasan. “Me kërkesë të Prokurorisë, në kuadër të procedimit penal nr. 977 të vitit 2023, gjykata vendosi sekuestrimin e një apartamenti në pallatin 583/ 4 Sh. 1, kati 9 Ap. 19 me sip. 105 m2 me nr. pasurie 5/ 287+ 1- 19, në Lagjen e Re”, - njofton prokuroria e Elbasanit. Nga veprimet hetimore dyshohet se kjo pasuri e sekuestruar e ka burimin nga veprimtaritë kriminale të kryera nga Uard Kaloti, i cili ka qenë i dënuar më parë, në Itali, për veprën penale “Trafikimi dhe shfrytëzimi për prostitucion”. Makina luksoze “Lamborghini”, e cila u sekuestrua me vendim të prokurorisë së Elbasanit në Cërrik, dhe që ishte në pronësi të Arjan Kamanit, i dënuar për prostitucion, pritet që t’i kalojë Policisë Rrugore të Tiranës. Makina luksoze dyshohet se është blerë nga të ardhurat e krimit, dhe të gjitha makinat super luksoze që u janë sekuestruar anëtarëve të grupeve kriminale në vend, përdoren nga policia e shtetit. Ministri i Brendshëm, Taulant Balla ka deklaruar më herët se nuk do të shitet asnjë mjet dhe pasuri e sekuestruar nga krimi i organizuar, sepse sipas një studimi ndodh që këto pasuri përfundojnë tek të njëjtët persona që i kishin më para.