Albi Nako zbulon detaje nga bashkëjetesa me balerinën: Ishte e bullizuar, vjen nga familje e varfër

"Big Brother" iu ka dhënë mundësinë banorëve të njohin më shumë njëri- tjetrin, duke organizuar një darkë të veçantë me tre banorë në total. Albi, Elvisi dhe Olsi kanë qenë tre banorët që kanë treguar më shumë për veten e tyre, përmes disa pyetjeve të përgatitura nga "Vëllai i Madh". Ndër të tjera, Albi ka folur për partneren e tij, për të cilën është shprehur se ndihet shumë i dashuruar dhe gjithashtu ka treguar lidhja e tyre ka lindur krejt rastësisht, në ambjentet e punës. "Pretendohet që në jetë të bësh çmendurira, por po them se kjo e fundit që nisëm mund ta fus të gjithën në kontekstin e një çmendurie. Jam në lidhje me një vajzë prej gati thuajse 4 vitesh, kam qenë diskret, e kam ruajtur. Bashkëjetoj me të që në kohën e COVID- 19, është shkodrane e rritur këtu në Tiranë. Është një vajzë që vjen nga një familje e thjeshtë, e varfër ekonomikisht, por shumë e pasur në shpirt, pa baba. Është shumë më e re se unë në moshë. Ka nisur shumë spontanisht në rrugën e baletit. Kemi të njëjtin profesion. Unë e kam thënë dhe në intervistë më përpara që unë jam i martuar me baletin", tregon Albi. Albi ka shtuar: "Vinte në punë e vrarë, nga rrethanat e familjes. E paveshur mirë, ndonjëherë edhe pa plotësimin e vakteve, sepse e shihja pasi aty në punë edhe hanim. Kjo më bëri të fokusohesha edhe më shumë. Një vajzë shumë këmbëngulëse, por edhe shumë e bullizuar aty në punë. U fokusova shumë tek ajo dhe kështu lindën shkëndijat që kanë ardhur në mënyrë shumë të natyrshme". Balerini zbuloi se prej kohësh bashkëjeton me një vajzë, që ashtu si ai, është balerinë profesioniste. I pyetur për bisedën e fundit me të, Albi u përgjigj: "Më tha fli me kë të duash", por shtoi se edhe po të ishte beqar, nuk do të krijonte romancë në shtëpinë e "Big Brother VIP 3". Për këdo që është pranë rrethit të tij, historia e dashurisë me balerinën është tashmë një fakt i njohur. Ndonëse vetë çifti ka preferuar që ta mbajë këtë histori sa më diskrete, dyshja shfaqet kudo në shoqërinë e njëritjetrit, duke konfirmuar kështu se kjo histori tashmë është e konsoliduar. Partnerja e Albit quhet Dori, dhe është disa vite më e re se koreografi. Duket se pas historisë me Klaudia Pepën, Albi ka zgjedhur sërish një balerinë disa vite më të re në moshë, duke na treguar kështu edhe pëlqimin e tij rreth femrave. Dori dhe Albi nuk janë vetëm partnerë në jetë, por edhe në skenë, pasi të dy punojnë së bashku në akademinë e kërcimit që Albi drejton, por edhe në projektet e tjera që koreografi merr përsipër. Dori është një emër i njohur që rrethin e balerinëve, duke u bërë e famshme edhe për këtë histori, që zgjat prej 4 vitesh. Aktualisht, çifti po bashkëjeton, duke i bërë gjërat edhe më formale mes tyre. Në rrjetet sociale të të dyve, mungojnë postimet si çift, por shihet në çdo detaj bashkëpunimi i ngushtë që dyshja ka në karrierat e tyre.