LISTA E DOKUMENTEVE
Ish- të dënuarit politikë që jetojnë ose trashëgimtari ligjor, kanë të drejtë ta delegojnë me prokurë të posaçme tërheqjen e dëmshpërblimit financiar. Në këto raste, veprimet nga ministria përgjegjëse për financat kryhen në emër të personit me këtë të drejtë. Personi me këtë të drejtë duhet të dërgojë në ministrinë përgjegjëse për financat:
prokurën e posaçme, origjinale, bashkëlidhur duhet të ketë kopje të vlefshme të dokumentit të identitetit ( kopje ID- je, pasaportë) për çdo të përfaqësuar;
numër llogarie bankare në lek në njërën nga bankat e nivelit të dytë, në emër të tij; dokument identiteti ( kopje ID- je, pasaportë) të tij; deklaratë personale e aplikuesit. Dokumentet që duhet të depozitohen pranë ministrisë përgjegjëse për financat nga trashëgimtarët e ish- të dënuarve politikë:
Për trashëgimtarët e ish- të dënuarve politikë, që nuk bëjnë pjesë në kategorinë parësore, dokumentet që duhet të dërgojnë janë:
dëshmi trashëgimie ligjore për të dënuarin politik, origjinale ose kopje e njësuar, noterizuar;
certifikatë vdekjeje, origjinale, për ish- të dënuarin politik dhe për çdo trashëgimtar të radhës së parë që nuk jeton më;
certifikatë të trungut familjar origjinal ( ku të figurojnë të gjithë trashëgimtarët) për ish- të dënuarin politik dhe të çdo trashëgimtari të radhës së parë që nuk jeton më;
numrat e llogarisë bankare në lek për çdo trashëgimtar ose për personin e autorizuar me prokurë të posaçme për tërheqjen e dëmshpërblimit, në njërën nga bankat e nivelit të dytë që ushtron veprimtarin brenda territorit të Republikës së Shqipërisë ( personat që depozitojnë numrin e llogarisë bankare duhet që të sigurohen që llogaria bankare, bankare, në të cilën do të depozitohet kësti i radhës, të jetë ende aktive);
mjet identifikimi të vlefshëm ( kopje ID- je, pasaportë) të çdo trashëgimtari ose të personit që ka prokurë të posaçme për tërheqjen e dëmshpërblimit.