“Nuk pranon rotacionin”, Berisha: Rama s’rrëzohet me votë, por me protesta
Akuzat, ish- kryeministri: Këtë herë ‘ bomba’ shpërtheu nga brenda. Rama nuk guxoi të flasë, sepse e di që Ahmetaj i nxjerr të tjerët
Lideri i opozitës, Sali Berisha, u bëri thirrje qytetarëve që t’i bashkohen protestës së sotme para Parlamentit.
Para simpatizantëve të tij, Berisha apeloi për mbrojtje të institucionit të Parlamentit, pasi sipas tij nuk është i trafikantëve. Berisha u bëri të qartë demokratëve se përkundrejt skandaleve të qeverisë, Edi Rama nuk rrëzohet me votë, por me protesta. “Nuk ka asgjë më qesharake, më absurde se sa të pretendosh se pas këtyre barbarive Edi Rama do të rrëzohet me votën e lirë. Se Edi Rama do të pranojë rotacionin. Edi Rama me ata buldozerë që shembi teatrin, në atë frymë shembi parlamentin. Nesër protestohet para Parlamentit si në asnjë tjetër parlament në botë. 23 deputetë tuaj nuk hynë dot në sallën e parlamentit sepse i kanë përjashtuar Rama dhe Linda e tij sikur ta kishin Parlamentin pronë private dhe jo tempull i demokracisë së qytetarëve. Ndaj dhe nesër çdo qytetare, qytetarë, duhet të lejë çdo gjë, të bashkohet me deputetët e opozitës para Parlamentit. Parlamenti është i qytetarëve, nuk është i trafikantëve. Parlamenti është i qytetarëve nuk është i krimineleve. Parlamenti është i qytetarëve, nuk është i hajdutëve dhe vjedhësve”, - deklaroi kreu i PD- së. Berisha në fjalimin e përnatshëm tanimë drejtuar simpatizantëve të mbledhur poshtë banesës ku ai ndodhet në “arrest shtëpie”, foli sërish për intervistën e Arben Ahmetajt dhe akuzat e ish- ministrit, ndaj Ramës dhe zyrtarëve të tjerë të qeverisë. Berisha theksoi se ato që tha Arben Ahmetaj, PD i ka thënë në mënyrë të përjavshme, por këtë herë bomba plasi nga brenda. Ai shtoi se Rama këtë herë nuk guxoi të flasë, sepse e di që Ahmetaj i nxjerr të tjerat. “Ish- numri dy, për 9 vite i qeverisë shqiptare, tani në mërgim, lëshoi nga Zvicra, aktakuzat mbi Edi Ramën, Erion Velinë
“Nuk ka asgjë më qesharake, më absurde se sa të pretendosh se pas këtyre barbarive, Edi Rama do të rrëzohet me votën e lirë. Se Edi Rama do të pranojë rotacionin. Edi Rama me ata buldozerë që shembi Teatrin, në atë frymë shembi Parlamentin. Nesër protestohet para Parlamentit si në asnjë tjetër parlament në botë. 23 deputetë tuaj nuk hynë dot në sallën e Parlamentit sepse i ka përjashtuar Rama dhe Linda e tij sikur ta kishin pronë private dhe jo tempull i demokracisë së qytetarëve”.
si eskponentët më kryesorë të mafies në Shqipëri, si hajdutët më kryesore në aferën e djegësve. Të gjitha ato që i ka thënë Arben Ahemetaj, PD i ka thënë në mënyrë të përjavshme. Mos harroni se kësaj here bomba shpërtheu nga brenda. Kësaj here, Edi Rama nuk guxoi të flasë, sepse Ahmetaj i nxjerr të tjerat. Kësaj here Edi Rama nuk foli, ndonëse Arben Ahmetaj u tha shqiptarëve, se kryesia që ai drejton, qeveria që ai drejton është një organizatë e mirëfilltë kriminale. Se vetë Edi Rama është arkitekti i kanabizimit të Shqipërisë, se ai është niveli maksimal që mbledh 17 firma në një orë në aferën e djegësve. Rama heshti dhe vetëm heshti sepse dëgjoi edhe fjalën tjetër kur tha se po hetohen djegësit, shqiptarët do të llahtarisen. Deklaratat e Ahmetaj, strukën në strofullën e tij, Erion Velinë. Ai është pronari i vërtetë i djegësit”, - u shpreh Berisha.
Kreu demokrat u ndal edhe te beteja e Aleancës për Mbrojtjen e Teatrit me qeverinë e Edi Ramës dhe lënien në baltë nga opozita e Lulzim Bashës. Sipas Berishës, një opozitë që u dëshmua e paqenë në betejën për Teatrin, u dëshmua e paqenë në mbrojtjen e votës edhe pse kishte 700 mijë shqiptarë në mbështetje. “Më shumë se kushdo tjetër ndaj jush janë borxhli, janë demokratet dhe demokratët e Tiranës, të cilët kurrë në asnjë rrethanë nuk duhet të lejonin dhe s’mund të lejonin asgjë tjetër përveç triumfit të kauzës tuaj. E keni thënë në mënyrë të përsëritur dhe e thatë dhe sonte, se fati i teatrit ishte fati i demokracisë në Shqipëri. Se rrënimi i teatrit nga barbarë de fakto dëshmoi për rrënimin madhor të vlerave në këtë shoqëri dhe u ndoq me shpejtësi me rrënimin e demokracisë, ashtu si muret e Teatrit Kombëtar. Skena e tij, e gjithë qenia e tij u mposhtën nga droga, karteli i saj, Edi Rama, Erion Velaij. Atë fat pati dhe kanë në Shqipëri, demokracia shqiptare. Përpjekja, beteja epike e artistëve për teatrin, e punonjësve do të frymëzojë qytetarët e Tiranës dhe shqiptarët drejt rikthimit të teatrit në legjendën dhe epikën e tij, në legjendën dhe epikën e luftës, betejës së pamposhtur që këta burra e gra, artistë të mrekullueshëm, qytetarë të vërtetë të Tiranës dhe Shqipërisë zhvilluan në mbrojtje të teatrit. Siç u shemb Teatri, njëra pas tjetër u shembën në Shqipëri shtyllat e rendit kushtetues, u shembën në Shqipëri, shtyllat e demokracisë. Një opozitë që u dëshmua e paqenë në betejën për Teatrin, u dëshmua e paqenë në mbrojtjen e votës megjithëse kishte 700 mijë shqiptarë në mbështetje, bëri që e keqja e pandalshme të ngadhënjejë”.