Kush janë shefat e rinj të disa sektorëve dhe agjencive dhe kush largohet

Duke konsideruar kontributin dhe rezultatet e punonjësve të Policisë, në detyrat që kryejnë, dhe të drejtën e tyre për transferime/ rritje në detyrë, sipas përcaktimeve ligjore, me qëllim rritjen e performancës në punë, që ka rol të drejtpërdrejtë në përmbushjen e objektivave të Policisë së Shtetit, Drejtori i Përgjithshëm i Policisë së Shtetit ka vendosur transferimin dhe emërimin e disa punonjësve të Policisë, në detyra të tjera, si më poshtë: Drejtues Hergis Jica, deri tani shef i Sektorit për Hetimin e Mashtrimit Kompjuterik, në Drejtorinë për Hetimet e Krimeve Kibernetike, në Departamentin e Policisë Kriminale. Kryekomisar Florian Rrasa, deri tani shef i Komisariatit të Policisë Tepelenë, në Drejtorinë Vendore të Policisë Gjirokastër, emërohet shef i Sektorit për Hetimin e Mashtrimit Kompjuterik. Komisar Learton Haxho, deri tani specialist/ instruktor në Sektorin e Trajnimit ndaj të Tretëve dhe Karrierës, në Qendrën e Trajnimeve Taktike Operacionale, në Akademinë e Sigurisë, emërohet shef i Komisariatit të Policisë Tepelenë. Drejtues Agim Koçiraj, deri tani shef i Sektorit “Fast Albania”, emërohet drejtor i Drejtorisë Vendore të Kufirit dhe Migracionit Tiranë. Drejtues Artur Shira, shef i Sektorit për Hetimin e Krimeve ndaj Pronës, emërohet shef i Sektorit “Fast Albania”. Kryekomisar Akil Kalo, deri tani asistent në zyrën ndihmëse në Drejtorinë Vendore të Policisë Shkodër, emërohet zëvendësdrejtor për Sigurinë Publike, në Drejtorinë Vendore të Policisë Shkodër. Drejtues Afrim Tafa, deri tani zëvendësdrejtor për Sigurinë Publike, në Drejtorinë Vendore të Policisë Shkodër, emërohet asistent në Departamentin për Teknologjinë e Informacionit. Drejtues Arben Joco, deri tani drejtor i Drejtorisë Vendore të Kufirit dhe Migracionit Tiranë, emërohet asistent në Departamentin e Policisë Kriminale.