Europol: 59 të arrestuar në Europë, kokaina e heroina mbarteshin me makina
Bisedat në SKY “groposën” shqiptarët e trafikut të drogës. Si dështoi operacioni i italianëve për kapjen e kreut të grupit
Agjencitë që morën pjesë në operacionin e madh ndërkombëtar kundër trafikut të drogës kanë nxjerrë detaje dhe pamje nga momentet e arrestimeve.
Ata veç të tjerave kanë hedhur dritë mbi biseda dhe përgjime që janë radhitur në dosjen e këtyre grupeve kriminale, duke fiksuar faktin se numri më i madh i aktorëve janë shtetas shqiptarë! Autoritetet italiane dhe shqiptare kanë goditur një rrjet të madh të trafikut të drogës që vepronte nga të dy vendet. Me mbështetjen e Eurojust- it dhe Europol- it në një operacion të gjerë, në datat 5- 6 shkurt u arrestuan 59 të dyshuar, përfshirë në Shqipëri, Itali, Gjermani dhe Mbretërinë e Bashkuar dhe 10 të dyshuar iu nënshtruan masave të tjera parandaluese në Itali. Në njoftimin zyrtar, Europol thotë se rrjeti kryesisht kontrabandonte heroinë, kokainë, hashash dhe marijuanë në Gjermani dhe Spanjë duke përdorur makina me shtresa të dyfishta ose ndarje sekrete. “Vitin e kaluar, 21 të dyshuar u arrestuan në një operacion të parë kundër të njëjtit grup të krimit të organizuar të udhëhequr nga shqiptarët. Ky operacion çoi gjithashtu në sekuestrimin e drogës me vlerë rreth 2.7 milionë euro.
Hetimet fillestare u nisën në vitin 2019 nga Zyra e Prokurorit Publik e Firences – Drejtoria e Antimafies së Qarkut. Nga janari 2020, autoritetet italiane dhe shqiptare të Strukturës së Posaçme Kundër Korrupsionit ( SPAK) në Tiranë kontaktuan me Eurojust- in për të koordinuar bashkëpunimin gjyqësor ndërkufitar kundër këtij rrjeti kompleks. Ai operonte si nga Shqipëria ashtu edhe nga Italia, duke transportuar drogë me makinë drejt Spanjës dhe Gjermanisë, ndërsa të dyshuarit e tjerë ishin me bazë në
Holandë dhe në Mbretërinë e Bashkuar” thuhet në njoftimin e Europol, që ka publikuar edhe pamjet e operacionit.
HETIMET
Katër grupe kriminale të përbërë kryesisht me shqiptarë të cilat bashkëvepronin me njëri- tjetrën për të siguruar drogë, kokainë, marijuanë, heroinë, ekstazi, e më pas për ta shitur në tregun italian, kryesisht në zonën e Firences, janë shkatërruar në kuadër të një hetimi dy vjeçar. Konkluzionet e hetimet e ndërmarra nga Drejtoria e Antimafies italiane në Firence në bashkëpunim dhe me Prokurorinë e Posaçme SPAK por dhe me Eurojust, Europol e INTERPOL që çuan në ekzekutimin e 83 urdhër- arresteve që u bënë publike në kuadër të një konference të përbashkët dy ditë më parë. Nga këta janë 68 shqiptarë të arrestuar, 2 janë italianë, ndërsa të tjerët janë me masa më të buta sigurie. 10 urdhër- ekzekutime janë kryer në Shqipëri, 33 janë ekzekutuar në rajonin e Toskanës, ndërsa të tjerat në Itali por dhe në vende të tjera. Kanë qenë përgjimet e “Sky
Encrochat”, përgjimet e telefonatave dhe përgjimet ambientale që kanë arritur në dy vite të bëjnë të mundur gjurmimin dhe zbulimin e vendeve ku ruhej droga si dhe disa episode të sekuestrimit të ngarkesave me lëndë narkotike. Një ndihmë të madhe për të zbuluar aktivitetin kriminal ka qenë dhe sekuestrimi i serverit të bisedave në chat ku është arritur të kriptohen mesazhet e koduara duke arritur të identifikoheshin dhe pjesëtarët e grupit që ishin të paidentifikuar deri në momentin e hapjes së bisedave. Hetimet sipas të dhënave të mediave italiane nisën më 17 dhjetor 2019 kur policia e Borgo San Lorenco kontrolloi apartamentin në pronësi të Kledjon Muçollarit dhe bashkëshortes së tij në sheshin ‘ Muratori’ të Firences në Italisë dhe u gjetën 2 kg marijuanë por nuk mundi të arrestonte në flagrancë poseduesit e kësaj lënde narkotike. Banesa përdorej nga Eljon Laçi, Kledjon Muçollari dhe Ervis Vangjeli të cilët u vendosën në përgjim, si në atë telefonik ashtu dhe ambiental në makinat e tyre. Nga përgjimet ambientale rezulton se banesa e tyre ishte vend ku planifikohej dhe zbatohej e gjithë veprimtaria e shitjes së drogës në doza të vogla, si dhe për ruajtjen dhe përgatitjen e ngarkesave të drogës të cilat më pas shiteshin. Pikërisht në ambientet e këtij pallati u gjetën 2 kg marijuanë.