Më shumë ndeshje, merkato dhe miliona, ja si ndikojnë Botërorët

Gjithçka në format XXL. Kupa e Botës, ajo e 2026- ës do të zgjerohet. Nga 32 finaliste do të kalojë në 48 të tilla, teksa numri i ndeshjeve do të kalojë nga 64 në 104. Turneu do të nisë në qytetin e Meksikos dhe do të mbyllet në Majemi, ndërkohë që nga ky vit, lojtarët nuk do të ndalen më. Kjo sepse këtë verë do të jetë Europiani, pas nëj viti Botërori i klubeve ndërkohë që në 2026- ën, siç thamë, Kupa e Botës. Mes të gjithë kësaj, kalendarë për t'u sistemuar dhe organika për t'u plotësuar.

PUNË E DETYRUAR

Një ekip italian që arrin në finale në të gjitha kompeticionet do të luante 67 ndeshje të sezonit, ose edhe 69 në rast të një "play- off"- i për raundin e 1/ 8- ave të Ligës së Kampionëve. Organika, duhet domosdoshmërish të zgjerohet. Por ja që mund të rrihej në 71 ndeshje me Superkupën e Europës dhe Botërorin për klube, por fillimisht duhet fituar Championsi. Bepe Marotta, bën llogaritë dhe Liga e re e Kampionëve duhet t'i shtohet edhe Kupës së Botës për Klube. Po, sepse në bllokimin e madh të trafikut të viteve 2024- 25 do të ketë edicionin e rinovuar dhe të zgjeruar të ish- Kupës së Kampionëve: 36 ekipe në vend të 32, 8 ndeshje në fazën e parë që nuk është më në grupe, por me formulën e një kampionati. Për më tepër, një angazhim i dyfishtë i mëtejshëm për ata që shkojnë përtej vendit të tetë dhe nuk shkojnë direkt në 1/ 8- ave, siç do të ndodhë për skuadrat e renditura nga vendi i nëntë në të njëzetekatërt.

DY PËR KOMB

Por nëse skuadrat për Ligën e re të Kampionëve nuk janë përcaktuar ende, dhe Italia mund të ketë edhe pesë përfaqësues, ato për Kupën e Botës për klube janë tashmë të njohura. Kufizimi është dy klube për komb, përveç nëse mes tyre ka një fitues të tri edicioneve të fundit të Ligës së Kampionëve ( Seria A nuk përfshihet). Për 12 vendet që i takojnë Europës përdoret renditja e UEFA- s, për pjesën tjetër të botës sistemi "FIFA", i cili është i ndryshëm në përcaktimin e pikëve. Më pas, që nga vitit 2029, gjithçka do të standardizohet me metodën "FIFA".

JUVE DHE NAPOLI

Renditja e UEFA- s siguron dy pikë për çdo sukses, një për një barazim, një për çdo raund tjetër të kaluar. Në këtë pikë të sezonit nuk llogariten më shpërblimet për pjesëmarrjen dhe kalimin në fazën e 1/ 8- ave ( që vlejnë 9 pikë në total). Napolit i duhen 6 pikë sepse nëse arrin në 47 do të kalojë Juventusin sepse ka një rezultat më të mirë në katërvjeçarin 2020- 24. Nëse nuk arrin të kualifikohet në çerekfinale ku kundërshtari i tij është Barcelona, do t'u hapte rrugën bardhezinjve. Gjithmonë nëse Lacio nuk arrin në finale duke i fituar të gjashtë ndeshjet e saj në Champions.