Protesta, Berisha: Fermerët të mbushin rrugët me mjetet e tyre
“Koha që t’i japim duart njëherë e përgjithmonë këtij regjimi” “O sot, o kurrë”, ish- kryeministri: Ne jemi qytetarë të kontrolluar njëlloj si në diktaturë. Dr ejtësia nuk ekziston
Ish- kryeministri Sali Berisha në mesazhin e tij të përnatshëm nga dritarja e banesës sulmoi sistemin e drejtësisë.
Ai theksoi se drejtësia në Shqipëri jo vetëm nuk ekziston, por në mënyrën më tragjike serviret si model, si suksesi i sukseseve. Berisha ftoi të gjithë fermerët që me mjetet e tyre t’i bashkohen protestës së 20 Shkurtit në Tiranë. Sipas tij, protesta e thirrur do t’i japë atë që meriton tiranisë së hajdutëve qeveritarëve. “Të dashur qytetarë dhe qytetarë, qëndrestare dhe qëndrestarë, misionarë të vërtetë të guximit, të idealeve më të larta njerëzore. Ju përshëndes përzemërsisht, përulem para jush me mirënjohjen më të pakufishme dhe nderimin më të madh. Ky regjim shkatërroi Shqipërinë më shumë se çdo pushtim tjetër. Një regjimi që me politikat e tij, vjedhjet e tmerrshme, dhunimin e votës dhe të drejtave të njeriut, de facto përzuri nga Shqipëria, shqiptarët sa asnjë pushtues tjetër nga Shqipëria. Protesta juaj është një thirrje nga thellësitë e shpirtit tuaj fisnik për çdo shqiptar, o sot o kurrë, të marrim në dorë fatin tonë. O sot, o kurrë të marrim në dorë fatin tonë. Sot ne jemi qytetarët me të drejta të mohuara. Sot ne jemi qytetarët, të cilëve qeveria u kontrollon votën dhe vullnetin. Sot ne jemi qytetarët, që me votën tonë nuk flasim më. Sot ne jemi qytetarët, të kontrolluar njëlloj si në diktaturë. Drejtësia nuk ekziston. Jo vetëm nuk ekziston, por në mënyrën më tragjike serviret në një akt të tmerrshëm korrupsioni si model- drejtësi, si suksesi i sukseseve, si arritja e arritjeve”, - deklaroi lideri demokrat. Berisha apeloi: “O sot, o kurrë, çdo shqiptar duhet të ngrihet të marrë në dorë fatin e tij, sepse ai është qytetari më i vjedhur jo i Europës, por i planetit. Miqtë e mi, kemi folur çdo ditë për vjedhjen e shekullit, për
djegësin e Tiranës, që gjer tani ka gllabëruar në kompaninë Rama- Veliaj 130 milionë euro dhe nuk ekziston as nam, as nishan. Kemi folur për sterilizimet, që kushtojnë 83 herë më shumë se sa para fillimit të tyre. Për ‘ check up’
in, për një seri vjedhjesh të tjera”. Berisha denoncoi se pallatin e Linda Ramës në Surrel e ka ndërtuar komandanti i Gardës, që ishte marrë me prostitucion. “A votuat ju për përfaqësuesin tuaj që të mbrojë në Parlament in
teresat tuaja apo votuat për parlamentin Rama- Linda, që nuk ka ligj, nuk ka moral, nuk ka normë, nuk ka standard. A votuat ju për një parlament që nuk lejon deputetët e opozitës të hetojnë vjedhjet monstruoze të Edi
Ramës, të hetojnë udhëtimet e tij me 21 milionë euro shpenzime abuzime në dy vite, të hetojnë vilën e tij të ngritur kur ka pasur vetëm 3800 euro, të hetojnë me dhjetëra tendera të fituara nga thjeshtra, duke përdorur pushtetin e Edi Ramës në shkelje të ligjit, në shkelje të Kushtetutës. Abuzim flagrant. Të hetojnë pallatin pesëkatësh! A e dini ju kush e ka ndërtuar pa asnjë faturë doganore, bankare, ndërti
more? Pallatin e Lindës së Surrelit e ka ndërtuar komandanti i Gardës, që ishte marrë me prostitucion dhe ishte larguar nga detyra. Kompania e vëllait të tij, de facto kompania e tij. Pasi ishte larguar nga detyra për akte të turpshme, kriminale, ai ishte emëruar komandant Garde nga Rama, sepse Rama vetëm nga banditët e ndjen veten të sigurt dhe mund të mbrohet”, - deklaroi Berisha.