“Të tërhiqet më i forti”, Meidani: Zgjidhja, nga më i pushtetshmi! “Komisionet hetimore janë frymëmarrje edhe për shoqërinë”
Kaosi parlamentar, këshilla e ish- Presidentit për normalitet
Në kushtet e një tensione të lartë politik dhe parlamentar, një këshillë vjen nga ish- Presidenti i Republikës, Rexhep Mejdani, i cili thotë se më i forti duhet të tërhiqet. Duke dhënë leksione për ndryshimet e Kushtetutës në 25 vite, Meidani shprehet se zgjedhjen e një konflikti politik duhet ta japë ai që ka pushtetin, sepse ai ka më shumë mundësi. “Normalisht duhet të tërhiqet më i forti, domethënë pjesa e qeverisë. Kur ka konflikt, ai që është i forti bën lëshim. Këtë kemi bërë edhe ne. Ai që ka pushtetin ka mundësi më të mëdha. Ai duhet të gjejë zgjidhjen. Besoj do të reflektojnë sepse kështu nuk mund të vazhdohet”, - tha Rexhep Meidani kur u pyet nga ‘ TCH’ për këtë temë. Sa u takon ndryshimeve të bërë në rregulloren e Parlamentit, ish- kreu i shtetit tha se nuk është normale. Ai thekson se komisionet parlamentare i japin frymëmarrje demokratike jo vetëm Parlamentit, por edhe shoqërisë. “Ndryshimet e fundit që janë bërë në rregulloren e parlamentit unë nuk i quaj normale. Komisionet parlamentare mund të kishin hapësirën maksimale, komisionet parlamentare i japin frymëmarrje demokratike jo vetëm Parlamentit, por edhe shoqërisë, kufizimin e këtyre komisioneve nuk i quaj elementë pozitivë”, - tha Mejdani. Ndërsa për rolin e Presidentit, Rexhep Meidani tha se kreu i shtetit është jashtë loje. “Në raporton Presidenti, ekzekutiv dhe parlament është relativisht i dobët. Në këtë rol që ka ai nuk mund ta luajë atë rregullimin midis forcave politike. Nuk përfaqëson edhe zërin e qytetarëve. Situata nuk është pozitive”, - u shpreh ish- kreu i shtetit Rexhep Meidani. Prej muajsh situatë në Kuvend mbetet e bllokuar për shkak se mazhoranca refuzoi ngritjen e komisioneve hetimore parlamentare duke vendosur vetëm për raste të veçanta.