Motoja e 20 shkurtit, Berisha: Do ta bëjmë Shqipërinë si Europa

"Llahtaria që tha Ahmetaj mund të lidhet me vrasje dhe zhdukje"! Ish- kryeministri: Edi Rama ka folur për Hënën dhe Diellin, por asnjë fjalë për akuzat nga zëvendësi i tij

Lideri demokrat, Sali Berisha, është besimplotë se 20 shkurti do të jetë dita e betejës së tyre pa kthim drejt fitores. Para mbështetësve të tij, ai deklaroi se motoja e tyre do të jetë "Do ta bëjmë Shqipërinë si gjithë Europa". "Pasi u faktua se Rama ka bërë vjedhjen më të madhe të shekullit, pasi u faktua se Edi Rama ka korruptuar shefin e kundërinteligjencës së SHBA, pasi doli se Edi Rama mohon të drejtat kushtetuese parlamentare të deputetëve, pasi Edi Rama denoncohet nga zëvendësi i tij si kreu i organizatës kriminale. Çfarë na mbetet ne, çfarë do të bëjmë ne, këtë po presin ndërkombëtarët, këtë po presin njerëzit e lirë në Europë dhe botë. Kjo pyetje qarkon në të 4- anët e vendeve të lira. Kushtet për të hyrë në Europë janë të shumta. Por jo të gjitha kushtet janë të shkruara në letër të dashur miq. Kushti i të gjitha kushteve është a kemi ne së pari një frymë evropiane, një përgjegjësi evropiane për fatin e lirive tona dhe të demokracisë në Shqipëri. A jemi ne të gatshëm të çohemi në këmbë dhe të sakrifikojmë kur demokracia është në rrezik për vdekje", - tha Berisha. Ai shtoi më tej: "A do të veprojmë ne si njerëz të lirë, evropianë, para diktaturës së re që sundon sot Shqipërinë, apo do të veprojmë e sillemi si populli i Koresë së Veriut". Duke iu drejtuar simpatizantëve të tij, Berisha tha: "Mos harroni se kur në Europë lulëzonte demokracia, ne kaluam 45 vite të shtypur. Më pas u zgjuam dhe thirrëm se e duam Shqipërinë si gjithë Europa. Por a do të veprojmë ne si popujt evropiane. Këtë po presin të shohin popujt e lirë nga ne dhe përgjigje për këtë do të japë populli opozitar në datën 20 shkurt, ditën e fitores. Me 20 Shkurt motoja jonë nuk do të jetë më ' E duam Shqipërinë si gjithë Europa', motoja jonë do të jetë ' Do të bëjmë Shqipërinë si gjithë Europa'". "Si do ta

"Mos harroni se kur në Europë lulëzonte demokracia, ne kaluam 45 vite të shtypur. Më pas u zgjuam dhe thirrëm se e duam Shqipërinë si gjithë Europa. Por a do të veprojmë ne si popujt evropiane. Këtë po presin të shohin popujt e lirë nga ne dhe përgjigje për këtë do të japë populli opozitar në datën 20 shkurt, ditën e fitores. Më 20 Shkurt motoja jonë nuk do të jetë më ' E duam Shqipërinë si gjithë Europa', motoja jonë do të jetë ' Do të bëjmë Shqipërinë si gjithë Europa'".

bëjmë këtë? Përgjigja është e thjeshtë. Sot rrugët kryesore të kryeqyteteve të Europës janë të paralizuara nga revoltat e fermerëve dhe kjo nuk është e pazakontë e Europës së lirë, por është pjesë e traditës së saj të lirisë dhe qytetarisë. Sot janë fermerët, dje ishin jelekvedhët, ishin studentët dhe kështu është çdo vit apo çdo 6 muaj. Por për çfarë bëhen këto protesta miq? Për të ulur çmimet, për të ndaluar rritjen e moshës së pensioneve, për të përmirësuar jetën e studentëve. Kauza shumë të drejta. Por kur krahasohen këto me problemet që ka Shqipëria, që kemi ne, këto kauza ngjajnë si thërrime, kur vetë demokracia në Shqipëri është e kërcënuar për vdekje", - theksoi lideri demokrat. Berisha, ngriti dyshime të tjera në lidhje me deklaratat ish- ministrit Arben Ahmetaj, i cili tha në një intervistë të pak ditëve më parë se "shqiptarët do llahtarisen se deri ku arrin afera e inceneratorit". u shpreh se sipas tij, "llahtaria që tha Arben Ahmetaj lidhet me diçka shumë të keqe që ne nuk e dimë, mund të lidhet me vrasje apo murosje apo zhdukej që ne nuk dimë asnjë". Sipas ish- kryeministrit, deklarata e Arben Ahmetajt mund të lidhet me firmosje në dokumente me revole të vëna pas kokës. Ai theksoi se çdo komb evropian do ja nxirrte prej hundësh brenda 24 orëve veprimet e llahtarshme të kryeministrit të denoncuara nga zëvendësi i tij, ndërsa shtoi se, "Edi Rama ka folur nga mëngjesi deri në darkë për Tokën, qiellin, Hënën dhe Diellin, por nuk ka folur një fjalë të vetme për veprim e llahtarshme që e akuzoj Arben Ahmetaj". "Llahtaria që tha Arben Ahmetaj lidhet me diçka shumë të keqe që ne nuk e dimë, mund të lidhet me vrasje apo murosje apo zhdukej që ne nuk dimë asnjë, mund të lidhet me firmosje të vendosura në dokumente me revole të vëna pas kokës, që ne nuk dimë asgjë. Ajo mund të lidhet me kontot bankare të mbi 100 milion eurosh të Ramës dhe Veliajt, që ai si ministër i financave i ka ditur. Çdo komb evropian do ja nxirrte prej hundësh brenda 24 orëve veprimet e llahtarshme të kryeministrit të denoncuara nga zëvendësi i tij. O sot o kurrë, 20 shkurti është dita jonë, është dita e fitores. Çfarë lloj proteste do zhvillohej në Europë që edhe pas kësaj akuze të tmerrshme, kryeministri dhe anëtarë të organizatës kriminale do zbatonin kodi i mafies. Sot është dita e nëntë që Edi Rama ka folur nga mëngjesi deri në darke për tokën qiellin, hënën dhe diellin, por nuk ka folur një fjalë të vetme për veprim e llahtarshme që e akuzoj Arben Ahmetaj. Nuk ka folur për kërcënimet mafioze që i ka bërë zëvendësit të tij, s'ka fol për vjedhjen e shekullit", - deklaroi lideri demokrat.