Nuk jep pagat! AKBN "bunker", asnjë reagim se pse i ka arkat bosh
Nën kërcënimin e largimit nga puna, punonjësit po mbahen nën presion për të mos dalë publikisht. Asnjë datë se kur mund të jepen rrogat
Agjencia Kombëtare e Burimeve Natyrore nuk ka bërë ende asnjë reagim në lidhje me situatën kur punonjësit kanë që nga tetori i vitit që shkoi pa marrë pagat.
Është e paqartë se pse situata në AKBN ka përfunduar në këtë gjendje. Kjo agjenci është e organizuar në mënyrë të tillë që e siguron të ardhurat me vetë financimin në pjesë të madhe, ku për çdo licencë në sektorin energjetik, minerar dhe hidrokarbur paguhen tarifat përkatëse. Për nga natyra e asaj që administron AKBN duhet të ishte një nga agjencie publike më fitimprurëse.
"News24" ka disa ditë që ka kontaktuar zyrtarisht me AKBN për të marrë versionin e saj për situatën, dhe pse ka përfunduar me arkat bosh, por kjo agjenci ka zgjedhur të qëndrojë në heshtje të plotë. Në anë të ndryshme, punonjës të AKBN kanë denoncuar nëpër media faktit që nuk marrin rrogat prej disa muajsh. Nën kërcënimin e largimit nga puna ata po mbahen nën presion për të mos dalë publikisht.
Është e paqartë se pse situata në AKBN ka përfunduar në këtë gjendje. Kjo agjenci është e organizuar në mënyrë të tillë që e siguron të ardhurat me vetë financimin në pjesë të madhe, ku për çdo licencë në sektorin energjetik, minerar dhe hidrokarbur paguhen tarifat përkatëse. Për nga natyra e asaj që administron AKBN duhet të ishte një nga agjencie publike më fitimprurëse. Sipas statutit, AKBN është përfituese direkte e koncesioneve në këto energji, miniera dhe fushat e kërkimit të naftës, si dhe siguron të ardhura nga shitja e pjesës së shtetit në një marrëveshje hidrokarbure. AKBN është në varësi direkte të Belinda Ballukut, e cila pak javë më parë prezantoi drejtorin e ri Petrit Malaj, ndërkohë që nuk dihet asgjë se ç'ndodhi me ish- drejtorin Adrian Bylyku.
Ndërsa punonjësit e AKBN kanë tre muaj pa marrë pagat, KLSH kishte paralajmëruar krizën financiare të kësaj agjencie publike që është në varësi të Belinda Balluku. Sipas
Kontrollit të Lartë të Shtetit, drejtuesit e AKBN shpërblenin veten, ndërkohë që paratë duhet të përdoreshin për shpenzime të tjera. Po ashtu, KLSH ka nënvizuar faktin se kjo agjenci planifikonte shpenzime më shumë se të ardhurat që planifikonte dhe se nuk mbikëqyrte si duhet kontratat koncesinare, në kërkim dhe nxjerrje nafte, hidrocentrale dhe miniera.
AUDITIMI I KLSH
Vetëm në vitin 2020, AKBN ka bërë planifikim më të lartë të të ardhurave që pret të arkëtojë në krahasim me shpenzimet, ndërsa për periudhën tjetër institucioni planifikon shpenzime më të larta së vetë të ardhurat që priten të arkëtohen nga institucioni, duke riskuar që institucioni të përballet me vështirësi ekonomiko- financiare gjatë realizimit të objektivave të tij. Mbartja e një situate të tillë ka bërë që aktualisht punonjësit e kësaj agjencie të rëndësishme dhe që administron dhe monitoron kontrata koncesinare me miliarda euro në energjetike, miniera dhe naftë të mos marrin pagat tre muajt e fundit.
SI I SIGURON TE ARDHURAT AKBN
AKBN është përfituese direkte e koncesioneve në energjetikë, miniera dhe fushat e kërkimit të naftës dhe siguron të ardhura nga shitja e pjesës së shtetit në një marrëveshje hidrokarbure. Agjencia Kombëtare e Burimeve Natyrore mund të marrë para nga projekte nga buxheti i shtetit. Njëkohësisht për çdo shërbim në AKBN paguhen tarifa marramendëse, dhe subjektet që marrin leje energjetike, minerare apo hidrokarbure janë të detyruara të paguajnë bonuse për kualifikimin dhe administrim e projektit. AKBN është përgjegjëse për mbikqyrjen e qindra koncesioneve në Shqipëri, të HECve private, fushave të naftës dhe minierave, për të cilat ajo vjel "fee koncesionare"