Të përndjekurit politikë, emrat që dëmshpërblehen

Emrat e trashëgimtarëve në radhë për këstin e tretë të dëmshpërblimit Përshpejtohet procesi, qeveria shton fondin për këtë kategori

Gati fatura financiare për trashëgimtarët e të persekutuarve në periudhën e regjimit komunist. Gazeta publikon sot një pjesë nga lista e përfituesve të bërë publike nga Ministria e Financave edhe më herët.

Ndërkohë që priten të tjera lista me përfitues, si nga kategoria parësore ashtu edhe për trashëgimtarët e ishtë përndjekurve politikë, pas vendimit të qeverisë për t'u akorduar një pjesë të 7.5 miliardë lekëve nga rialokimi i fondeve të mbetura nga ky vit fiskal. Ata që janë në listë, por edhe përfituesit që presin "OK" nga Ministria e Financave duhet të bëjnë gati paketën e dokumenteve për ta dorëzuar dorazi apo nëpërmjet shërbimit postar: kopje të letërnjoftimit, numër llogarie, certifikatë vdekjeje, certifikatë të trungut familjar, dëshmi trashëgimie dhe prokurë. "Në respektim të kritereve ligjore të kryerjes së pagesave, nëse familjarët nuk plotësojnë dokumentacionin e kërkuar pas përfundimit të afatit tremujor, dosja merret në shqyrtim në fazën e radhës, por jo me larg se tre vite nga data e publikimit", përcaktohet në ligj.

Nga ana tjetër, personat, të cilët nuk dëmshpërblehen, për shkak të mosplotësimit të dokumenteve, gëzojnë të drejtën për të marrë këstin e kësaj pagese në fazën tjetër, por jo më vonë se tre vjet pas publikimit të emrit për herë të parë në faqen zyrtare. "Me kalimin e kësaj periudhe, personi që nuk ka plotësuar dokumentacionin e kërkuar, humbet të drejtën e dëmshpërblimit", specifikohet më tej në ligj. Prej vitesh, në arkën e Drejtorisë së Pagave dhe Dëmshpërblimeve kanë kaluar 1 miliard lekë ose 10

milionë dollarë. Por, ky fond sërish është i pamjaftueshëm për të përballuar pagesën e këstit të tretë për të gjithë trashëgimtarët.