BE: NATO s'mund të jetë një aleancë ku mund të zgjedhësh çfarë të duash
Ish- presidenti i SHBA- ve, Donald Trump, kërcënon se nuk do t'i mbrojë nga Rusia vendet që nuk shlyejnë detyrimet e NATO- s
Shefi i diplomacisë së Bashkimit Europian reagoi dje ashpër ndaj deklaratave të ishPresidentit amerikan Donad Trump, i cili minimizoi përkushtimin e tij ndaj ombrellës së sigurisë së NATO- s në Evropë nëse do të zgjidhej sërish president.
Borrel iu kundërpërgjigj duke thënë se "NATO s'mund të jetë një aleancë ku mund të zgjedhësh çfarë të duash nga një meny". Deklaratat e Trumpit nxitën reagime në aleatët evropianë të Shteteve të Bashkuara. Ishpresidenti amerikan tha se ai do të "inkurajojë" Rusinë që të sulmojë çdo shtet të NATO- s që nuk përmbush obligimet e tij financiare ndaj aleancës. "Të bëhemi seriozë. NATO nuk mund të jetë një aleancë ushtarake a la carte, nuk mund të jetë një aleancë ushtarake që punon sipas tekave të përditshme të presidentit amerikan", tha Borrell. "Ose ekziston ose jo", tha ai, duke shtuar se nuk do të komentojë më "asnjë budallallëk" që do të dalë nga fushata zgjedhore presidenciale amerikane. Deklaratat e Trumpit, i cili kur ishte në pushtet e tërhoqi SHBA- në nga marrëveshja bërthamore me Iranin dhe nga marrëveshja për klimën e Parisit - nxiti reagimin e presidentit aktual, Joe Boden. Biden tha se deklaratat e paraardhësit të tij ishin "të tmerrshme dhe të rrezikshme". Shefi i NATO- s, Jens Stoltenberg, më 11 shkurt paralajmëroi se "çdo sugjerim që aleatët nuk do të mbrojnë njëri- tjetrin minon të gjithë sigurinë tonë, përshirë edhe të SHBA- së". Trump, 77 vjeç, konsiderohet kandidati kyç për fitimin e nominimit për garën presidenciale nga republikanët, duke rritur gjasat për një përballje në zgjedhje me presidentin demokrat, Joe Biden. Dy ditë më parë Zyrtarë të lartë të Perëndimit e kanë kritikuar ish- presidentin amerikan, Donald Trump, të dielën, pasi ai ka sugjeruar se Shtetet e Bashkuara mund të mos i mbrojnë aleatët e NATO- s, që nuk janë duke ndarë mjaftueshëm para në mbrojtje, nga një pushtim potencial prej Rusisë. "Çdo sugjerim që aleatët nuk do të mbrojnë njëri- tjetrin, dëmton sigurinë e të gjithëve, përfshirë atë të SHBA- së, dhe i rrezikon ushtarët amerikanë dhe ata evropianë", ka thënë sekretari i Përgjithshëm i NATO- s, Jens Stoltenberg, përmes një deklarate me shkrim. "Çdo sulm ndaj NATOs do të rezultojë me një përgjigje të përbashkët dhe të fuqishme", tha ai. Trump ka gjasa të fitojë nominimin e republikanëve në garën presidenciale, që do të mbahet në nëntor të këtij viti. Ministri polak i Mbrojtjes, Ëladyslaë Kosiniak- Kamysz, ka reaguar, po ashtu. "Motoja e NATO- s është ' një për të gjithë, të gjithë për një', dhe ky është përkushtim konkret. Minimi i kredibilitetit të shteteve aleate nënkupton dobësim të gjithë NATO- s", deklaroi ai në X, platformë e njohur më parë si Tëitter. "Asnjë lloj i fushatës nuk është arsyetim për të luajtur me sigurinë e aleancës". Ministria e Jashtme e Gjermanisë ka postuar një mesazh "Një për të gjithë, të gjithë për një" me thirrjet: "Së bashku më të fortë", gjithashtu, në "X", pas komenteve të Trumpit. Presidenti i Këshillit Evropian, Charles Michel ka thënë se "deklaratat për sigurinë e NATO- s dhe Aktin 5, u shërbejnë vetëm interesave të [ presidentit rus, Vladimir] Putin". Artikulli 5 i traktatit të NATO- s përcakton se një sulm i armatosur kundër një anëtari të aleancës konsiderohet sulm kundër të gjitha vendeve dhe nxit mbrojtje të përbashkët. Trump, duke e rikujtuar një takim me liderë të NATO- s, gjatë një marshi politik në Karolinën e Jugut, e ka cituar presidentin e një "shteti të madh", që nuk ia ka përmendur emrin, duke e pyetur atë, "Zotëri, nëse ne nuk paguajmë, dhe sulmohemi nga Rusia, a do të na mbroni?" "I kam thënë: ' Nuk keni paguar? Jeni delikuent?' Ai ka thënë: ' Po, kështu ka ndodhur'. Jo, nuk do t'ju mbroj juve. Në fakt do t'i inkurajoja ata të bëjnë çfarë të duan. Duhet të paguani". "Ne e kemi dëgjuar këtë më parë… asgjë e re", theksoi Komisionari i Bashkimit Evropian për Treg të Brendshëm, Thierry Breton, në një intervistë për televizionin francez LCI. "Ai ndoshta ka probleme me kujtesën, mirëpo në fakt ka qenë një presidente, jo një shtet, por Bashkimi Evropian", ka thënë Breton, duke iu referuar një bisede që ka pasur presidentja e Komisionit Evropian, Ursula von der Leyen me Trumpin, më 2020. Zëdhënësi i Shtëpisë së Bardhë, Andrew Bates, i pyetur për komentet e Trumpit, ka thënë se "inkurajimi i pushtimit të aleatëve tanë të ngushtë nga regjimet vrasëse, është i tmerrshëm dhe i pavarur - e rrezikon sigurinë kombëtare amerikane, stabilitetin global dhe ekonominë në shtëpinë tonë". Të 31 vendet anëtare të NATOs janë pajtuar që të ndajnë të paktën 2 për qind të Prodhimit të Brendshëm Bruto në fushën e mbrojtjes, mirëpo të dhënat e NATO- s kanë treguar e vetëm 11 prej tyre janë duke vepruar ashtu.