Rama: Reformë në administratë, digjitalizim të shërbimeve

Kryeministri flet për rolin e Tony Blair në karrierën e tij: Patë nuk do të isha as kryeministër dhe as i angazhuar në politikë

Kryeministri Edi Rama ndodhet në Dubai dhe së bashku me ishkryeministrin e Mbretërisë së Bashkuar, Tony Blair, të cilët po diskutojnë në panelin e Samitit Botëror të Qeverisjes mbi rolin e teknologjisë në adresimin e sfidave aktuale.

Kryeministri Edi Rama foli për rolin e Tony Blairit në karrierën e tij në Samitin në Dubai. Kreu i qeverisë u shpreh se Tony Blari ishte modeli dhe frymëzimi i tij për të hyrë në politikë, duke theksuar se “është arsyeja kryesore përse unë u bëra kryeministër”. “Dua të korrigjoj paksa prezantuesin sepse u prezantova si kryeministër dhe Toni u prezantua si kryeministri i 51- të i Britanisë. Megjithatë, dua që t’i them dua t’i them auditorit, se nuk do të isha as kryeministër dhe as njeri i angazhuar në politikë përpara tij. Nëse nuk do të ishte për të dhe përpara se ta njihja ishte modeli im dhe frymëzimi për të hyrë në politikë, për të reformuar PS- në, dhe për të besuar se jo vetëm politika mund të jetë një forcë për të bërë mirë dhe rrugë e tretë për të majtën. Doja të ishte e qartë sepse kështu të gjithë do të kuptoni, nuk do të isha më privilegjuar se kaq sesa të kem dikë, i cili tashmë është arsyeja kryesore përse unë u bëra kryeministër”, - deklaroi Edi

Rama. Kryeministri Edi Rama, teksa fliste për integrimin e vendit në Samitin e Dubait, u shpreh se do të përdoret teknologjinë për të përshtatur legjislacionin me BE. Rama, gjatë bashkëbisedimit me Tony Blair, u shpreh se Kroacisë iu deshën 7 vite, ndërsa me teknologjinë aktuale duhen rreth 2 vite. Kreu i qeverisë theksoi se janë më shumë se 4000 mijë akte ligjore e nënligjore që duhet të transpozohen. “Për të hyrë në BE na duhet të transpozojmë të gjithë të ashtuquajturin korpus të legjislacionin europian janë më shumë se 4000 mijë akte ligjore dhe nënligjore që duhet të transferohen. Për vendet para nesh duhej një armatë përkthyesish, certifikuesish. Kroacisë iu deshën 7 vite vetëm për të bërë këtë tranzpozim letrash, është një mal me letra. Për fat të mirë një prej figurave më të shquara të Open AI dhe Chat GPT është një zonjë shqiptare. E telefonova në momentin që Chat GPT u shfaq dhe i thashë a mund të na ndihmosh Shqipërinë të hyjë në BE. Mendoi se po bëja shaka por jo, i thashë a mund ta përdorim këtë për të bërë tranpozimin, ajo më tha “me interes, le ta provojmë. Testet tona na treguan se mund ta bëjmë në rreth 2 vite, por duke parë se sa po përmirësohet teknologjia muaj pas muaj, koha mund të shkurtohet”, - tha Rama. Revolucioni i teknologjisë në transformimin e shteteve ishte fokusi i bisedës mes kryeministrit Edi Rama dhe ish- kryeministrit britanik, Tony Bleir në samitin botëror të qeverisjes që po mbahet në Dubai. Rama tha se brenda dy vitesh, Shqipëria do të implementojë në sistemet e saj inteligjencën artificiale. “Ne po punojmë me 2 nga burimet më të mëdha për dijet, Microsoft dhe Orakullin me të cilët po përpiqemi të marrim më të mirën e tyre. Jemi përballur me një sulm masiv nga Irani dhe duke qenë një objektiv i përhershëm i sulmeve kibernetike ne e dimë rëndësinë e të dhënave të sigurta. Nga ana tjetër, Chat GPT ka në krye një zonjë shqiptare. E pyeta se si mund të na ndihmoj për të hyrë më shpejt në BE dhe testet tona po na tregojnë që AI implementohet për 2 vite, duke na çuar para në kohë”, - deklaroi Rama. Kryeministri përmendi se teknologjia e ka nxjerrë Shqipërinë nga terri i diktaturës, duke bërë që vendi ynë të renditet me rezultate të spikatura për qeverisjen digjitale. “Kur do ndërtosh shtet modern të duhet të ngresh sisteme që mundësojnë shërbimin drejtpërdrejt me qytetarin. Ndryshuam kryekëput mënyrën se si merremi me shërbimet pa letra, për çdo dokument, certifikatë, licencë. Kemi shmangur radhët dhe ndërveprimi kryhet nga qytetari me pajisjen”, - theksoi Edi Rama. Kryeministri i vendit e mbylli fjalën e tij me një thirrje për të pranishmit që të vizitojnë Shqipërinë për të parë nga afër lehtësitë, që teknologjia ofron në marrjen e shërbimeve. “Ju ftoj të gjithëve të vizitoni diellin në plazhet tona, malet e jashtëzakonshme, mikpritjen shqiptare. Ejani në Shqipëri dhe në atë mjedis do keni mendim dhe ide më të mira se si teknologjia mund të për

plotësojë bekimin e një vendi që është mallkuar nga historia”, - u shpreh Rama. Kryeministri Rama bëri të ditur se Shqipëria do të ketë një hapësirë të sigurt dedikuar të dhënave të shqiptarëve të krijuar nga Orakulli.