Rama takon Von der Leyen e Michel: Mbështetja për anëtarësimin e Shqipërisë në Unionin Europian

Kryeministri Edi Rama zhvilloi në një vizitë zyrtare dyditore në Bruksel, ku mori pjesë në mbledhjen e Komitetit Ekonomik dhe Social Europian. Kreu i qeverisë zhvilloi takime me presidentin e Këshillit të Evropës, Charles Michel dhe me presidenten e KE- së, Ursula von der Leyen. Fokusi i diskutimeve të takimit me zyrtarët e lartë të BE- së ka qenë integrimi i rajonit të Ballkanit Perëndimor si dhe plani i rritjes ekonomike. Ndërkohë më parë kryeministri i Shqipërisë u takua presidentin e Këshillit Europian, Charles Michel me rastin e pjesëmarrjes në Mbledhjen e Komitetit Ekonomik dhe Social Europian. Në takimin me kryeministrin shqiptar, Michel është shprehur se Ballkani Perëndimor e ka vendin në Bashkimin Europian, ndërsa ka vlerësuar rolin e Shqipërisë në mbështetjen e ofruar për Ukrainës. “Me Edi Ramën diskutuan rrugën përpara në rrugën e Shqipërisë drejt BE- së dhe mbështetjen tonë gjatë gjithë rrugës. E ardhmja e Ballkanit Perëndimor është në BE.

Përshëndeta gjithashtu nismën për të pritur një samit rajonal Ballkan PerëndimorUkrainë në Tiranë. BE është mirënjohëse për mbështetjen e Shqipërisë dhe të rajonit për Ukrainën”, - shkruan ai. Takimi vjen disa ditë para mbajtjes së samitit të 28 shkurtit për

Ukrainën në Tiranë, ku për herë të parë vendin tonë do ta vizitojë presidenti ukrainas Volodymyr Zelensky. Po dje, Kryeministri Edi Rama zbuloi detaje nga takimi me Presidentin e Emirateve të Bashkuara, Muhammed Bin Zayed Al Nayan, i cili e priti në shtëpinë e tij në Abu Dhabi. “I nderuar nga miqësia dhe mikpritja në shtëpi e Presidentit të Emiratave të Bashkuara, Muhammed Bin Zayed Al Nayan, me të cilin biseduam për ecurinë e projekteve të mëdha strategjike në fushën e energjisë, turizmit, infrastrukturës, sigurisë, si edhe për marrëveshjen e tregtisë së lirë që do të nënshkruajmë së shpejti”, - tha Rama. Kujtojmë se dy ditë më parë, kryeministri Rama së bashku me ishkryeministrin e Anglisë, Tony Blair u bënë bashkë në Dubai për të folur në Samitit Botëror të Qeverisjes mbi rolin e teknologjisë në adresimin e sfidave qeverisëse. Rama solli eksperiencën e Shqipërisë dhe përpjekjet e qeverisë në ofrimin e shërbimeve digjitale kur u pyet nga Blair se Inteligjenca Artificiale është një revolucion më vete dhe si Shqipëria po ndërton një infrastrukturë digjitale.