De Bryjne- Haland, "rrufetë" më të forta të planetit
Pesë sekonda për të shënuar, ja shifrat e frikshme
Mançester Siti ka mbijetuar katër muaj pa Kevin De Bryjnen dhe dy pa Erling Halandin.
Tërheqja muskulore që pësoi belgu dhe stresi në këmbën e norvegjezit e la Pep Guardiolën pa dy yjet e tij. Për më tepër, në dhjetor, të dy rastisën në një muaj në infermieri. "Ne erdhëm këtu pa ta dhe jemi ende atje. Por, me Erling dhe Kevin ne jemi më të fortë. Nuk duhet të jesh i mençur për ta kuptuar këtë. Unë nuk do të nënvlerësoj atë që kanë bërë shokët e tyre, por të gjithë e dinë dhe ata e dinë", tha Guardiola pas fitores ( 2- 0) ndaj Evertonit, një duel në të cilin "qytetarët" vulosën fitoren e dhjetë radhazi me protagonistë dy yjet e tyre. Haland shënoi dy golat e tij të parë të vitit 2024 ( ai tashmë ka 21 në 26 ndeshje) dhe rikuperoi komunikimin e tij me De Bryjnen. Që kur ata kanë luajtur së bashku, belgu i ka dhënë norvegjezit 12 asiste, një rekord për çdo ekip të Premier Ligës. "Ndonjëherë ka një ndjesi të mirë me një lojtar që nga fillimi. Ne kemi krijuar një lidhje të mirë", shpjegoi mesfushori belg për Erling. "Është çmenduri! Pasimet e tij... Mes nesh ka kimi", u shpreh numri "9". Marrëdhënia e tyre e shkëlqyer personale dhe sportive është një ndihmë për një qytet që ka dy kundërsulmuesit më të mirë në planet. "Blutë qiellorë" e zotërojnë topin mesatarisht 67.8% mes Premier Ligës dhe Ligës së Kampioneve), por ata kanë motivimin për të fluturuar fal De Bryjnes dhe Halandit. Puna e tij e fundit e madhe erdhi kundër Evertonit.
5 SEKONDA PËR TË SHËNUAR
Një shigjetë goditi "Toffees". Ake mori topin, ia dha Kevin de Bryjnes, i cili u rrotullua për ta nisur norvegjez
in në fushë të hapur. Dhe Erling, me forcë, uli në tokë Branthuejtin përpara se të mposhte Pikfordin me këmbën e tij të majtë. De Bryjnes iu deshën tre prekje për ta bërë Haland të vraponte. "Ai e kupton atë që unë dua dhe unë e di se çfarë dëshiron ai", tha ai. Dhe norvegjezi, duke parë një det hapësire përpara, iu deshën pesë sekon
da për ta depozituar topin në rrjetë. Topi e preku këpucën e tij vetëm pesë herë. Pjesa tjetër ishte një garë supersonike: "Është e natyrshme që unë vrapoj dhe Kevini më gjen", tha Haland. Ai është një "armë" e shkatërrimit në masë që e ka bërë sitin një ekip më të kompletuar, pothuajse perfekt. "Që kur ai erdhi, De Bryjne ka nevojë
për lojtarë që vrapojnë dhe Haland ka nevojë për asiste. Kishte një lidhje të natyrshme mes tyre," tha Guardiola. "Ne e dimë se sa të mirë janë ata të dy. Sapo Kevini ka topin, ai kërkon Erlingun. Ata e bëjnë këtë me njëritjetrin", tha Ake, i treti në radhë i një çifti lojtarësh që pëlqen të vrapojë. Ata janë gjithmonë në nxitim.