Finalen Çelsi- Liverpul do ta gjykojë Kavano, "armiku" i Klopit
Është përcaktuar arbitri është i finales së Kupës Karabao mes Çelsit dhe Liverpulit. Shoqata e Arbitrave ka shpallur përzgjedhjen e zyrtarëve për finalen, e cila do të zhvillohet në "Uembli" më 25 shkurt. Megjithatë, identiteti i arbitrit nuk ka gjasa të kënaqë menaxherin e Liverpulit, Jyrgen Klop pas incidenteve të mëparshme që ka pasur me të. Arbitri kryesor është Kris Kavano, me të cilin Klop nuk ka një histori të bukur. Gjermani u zemërua kur Kavano nuk arriti të akordonte penallti për Liverpulin gjatë barazimit 1- 1 me Arsenalin në "Anfield" më 23 dhjetor. Trajneri i Liverpulit ishte i bindur se skuadra e tij duhej të kishte fituar një penallti për një prekje me dorë në zonë nga kapiteni i Arsenalit, Martin Odegard. Pas ndeshjes, Klop tha: "Situata e penalltisë është një situatë e çuditshme, nuk e di nëse arbitri mund ta shohë atë, por ju e shikoni dhe nuk jam i sigurt se si mund të thoni se nuk është penallti". Klop ishte gjithashtu kritik ndaj Kavano në konferencën e tij për shtyp pas ndeshjes. Ai tha: "Nuk e pashë gjatë ndeshjes, e pashë më pas dhe mendoj se të gjithë jemi dakord që ishte hendboll. Por unë gjithmonë pres derisa zoti Dermot ( Gallager) ta shpjegojë atë të nesërmen ( në rolin e tij si analist televiziv). Ai do të gjejë një mënyrë për të më shpjeguar pse nuk ishte hendboll". Në shkurt 2021, Klop u zemërua pasi Kavano i akordoi një penallti Evertonit kundër Liverpulit në derbi. Incidenti kishte të bënte me faullin e Arnoldit ndaj Kalvert- Ljuin. Ai tha pas ndeshjes se askush nuk mendonte se ishte një penallti. Në dhjetor 2021, Klop u zemërua për një karton të kuq të Robertsonit në barazimin 2- 2 me Totenhemin. Kavano ishte në VAR, ndërsa Liverpuli protestoi edhe për një karton të kuq të munguar ndaj Kejnit.
Ashuorth, Junajtid- Njukasëll pritet të arrijnë akordin në fillim të javës
Mançester Junajtid dhe Njukasëlli pritet të arrijnë një marrëveshje për Den Ashuorth që në fillim të javës së ardhshme, raporton "Mail Sport". Një ofertë zyrtare nga "djajtë e kuq" është duke u përgatitur për drejtorin sportiv dhe një përfundim i shpejtë i kësaj historie është preferenca e të gjitha palëve. Gjithçka do të formalizohet në rast se Junajtid vendos të paguajë kompensimin e prishjes së kontratës me drejtorin sportiv të Njukasëllit. Shefi i "qymyrxhinjve" është në krye të listës së pronarit të ri të "djajve", Sër Xhim Retklif, për të kryesuar drejtimin e ri të futbollit në "Old Trafford", megjithëse ende nuk është bërë asnjë qasje zyrtare. 52- vjeçari është i hapur për të eksploruar mundësinë për t'u bashkuar me Mançester Junajtidin. Njukasëlli po përgatitet për një ofertë zyrtare, por pagesa e një Junajtid do ta dëshironte atë të ulej në zyrën e drejtorit sportiv që këtë verë, për të mbikëqyrur rinovimin e transferimeve të tyre pasi "INEOS" të marrë kontrollin mbi operacionet e futbollit. Ish- drejtori teknik i Brajtonit, i Uest Bromuiçit dhe Drejtor i Zhvillimit Elitar në Federatën Angleze, ku ai ka punuar përkrah trajnerit të kombëtares, Garet Sauthgejt, ish- mësuesi i Edukimit Fizik, i cili nuk arriti dot të ndjekë ëndrrën e tij për t'u bërë një futbollist, konsiderohet si drejtori më i mirë sportiv në Angli. Te Brajtoni ai transferoi Kaisedon ( 4.5 milionë paund), Kukurejën ( 15.4 milionë paund), Trosardin ( 15 milionë paund), Mek Alisterin ( 7 milionë paund), Mitoman ( 2.7 milionë paund) dhe Lamptejn ( 4 milionë paund). Ndërsa te Njukasëlli ka transferuar emra si Isak ( 63 milionë paund), Tonali ( 55 milionë paund), Gordon ( 45 milionë paund), Barns ( 39 milionë paund), Livramento ( 36 milionë paund) dhe Botman ( 35 milionë paund).