Shembja e Korçë- Ersekë në SPAK, si u fry kostoja nga 1 në 5 milionë euro/ km
Inxhinieri kallëzon Ballukun, Vjerdhon dhe administratorin e “A. N. K” sh. p. k., për shkelje teknike dhe procedura të tenderit
Prokuroria e Posaçme ka nisur hetimet për shembjen e aksit rrugor Korçë- Ersekë. Sipas inxhinierti gjeodet, Romeo Nazarko, SPAK po heton për shpërdorim detyre dhe shkelje të barazisë në tendera.
Në një intervistë për “News24”, ai ka deklaruar se kallëzuar penalisht 3 vite më parë ministren e Infrastrukturës, Belinda Balluku, drejtorin e ARRSH- së dhe kompaninë që ndërtonte rrugën Korçë- Ersekë.
Inxhinieri Nazarko pretendoi në kallëzim se është ndryshuar gjurma e rrugës, është fryrë kostoja nga 1 milion euro ne 5 milionë euro kilometri, si dhe ka ndikuar në shpopullimin e zonës.
“Në atë kohë kam kallëzuar drejtorin e Përgjithshëm ARRSH- së Ergys Vjerdho, ministren e linjës Balluku dhe administratorin e kompanisë ‘ A. N. K’ sh. p. k., për shkelje teknike dhe
procedura të tenderit”, tha inxhinieri, duke shtuar se “jam kontaktuar nga prokurorët. Iu kam
dhënë informacion të detajuar dhe teknik se për fatin e mirë unë jam ekspert i kësaj fushe, duke i orientuar drejt dhe saktë ne prova konkrete. Sipas dy shkresave të SPAK kam dijeni që dosja është në fazë hetimi për shpërdorim detyre dhe pabarazi në tendera”.
BALLUKU PREMTOI RRUGËN
“Synojmë të përfundojë në qershor 2023”, kështu premtonte në shkurtin e 2023- shit ministrja e Infrastrukturës Belinda Balluku, sipas së cilës, aksi nacional KorçëErsekë do të ishte gati në qershor, por edhe pse qershori ka muaj që ka kaluar rruga jo vetëm nuk u përurua, por mbetet shumë e rrezikshme për drejtuesit e mjeteve. Ata nuk mund ta përdorin aksin rrugor pas shembjes që pësoi në lotin e dytë. Aktualisht, rruga është e pakalueshme për shkak të çarjes së thellë të rrugës dhe rrëshqitjeve masive.