Yllit të Premier Ligës i kthejnë shtëpinë në fermë kanabisi

Një bandë kriminale ka marr kontrollin e shtëpisë së një ylli të paidentifikuar të Premier Ligës dhe e ka detyruar qiramarrësin e saj që t'i lejonte ta kthente shtëpinë në një fabrikë kanabisi. Lajmin e zbulon "The Sun", duke specifikuar se prona, e cila ndodhet në veriperëndim të Anglisë, është në pronësi të lojtarit të Premier Ligës, por është e dhënë me qira. Qiramarrësja, e cila ishte femër, u pa më pas e rrethuar nga qindra bimë kanabisi. Policia përfundoi në bastisjen e shtëpisë, gjë që rezultoi në marrjen edhe në pyetje të yllit të Premier Ligës dhe qiramarrësit. Raporti shton më tej se lojtari, i cili mbeti i tronditur nga e gjithë historia, dëshmoi pafajësinë e tij në polici, e cila gjithashtu konkludoi se qiramarrësja nuk kishte "gisht" në këtë histori dhe më pas ajo u lirua pa akuza. Një burim i tha tabloidit "The Sun": "Ky lojtar zotëron shtëpinë në veriperëndim si pjesë e një perandorie pasurish të paluajtshme të lëna me qira. Një pjesëtar tjetër i familjes menaxhon pronat, por ata nuk mund ta besonin kur policët gjetën një fermë kanabisi në shkallë të gjerë. Rrënjët e kanabisit u morën dhe u shkatërruan dhe lojtari duhej të tregonte dokumentet për të provuar se ndërsa ishte pronar i pronës, ai kishte dikë tjetër që jetonte në të". Ligji i Keqpërdorimit të Drogave i vitit 1971 thotë se prodhimi dhe mbajtja e kanabisit me përpjekje për qëllime furnizimi mund të rezultojë në një dënim me burg deri në 14 vjet. Ndërkohë, që nëse pronarët nuk raportojnë ndonjë dyshim për veprimtari të paligjshme në pronën e tyre, ata gjithashtu mund të jenë përgjegjës dhe të përballen me një dënim të ngjashëm, ndërsa të ardhurat nga qiraja mund të sekuestrohen falë ligjit për të ardhurat nga krimi. Fermat e kanabisit, të njohura ndryshe si shtëpitë e barit janë një problem në rritje në Mbretërinë e Bashkuar, me më shumë se 1000 bastisje gjatë verës. Raporti pretendon se bimë me vlerë 130 milionë paund u sekuestruan, ndërkohë që kostoja e një bime kanabis llogaritet te 840 paund. 1000 persona të dyshuar u arrestuan gjithashtu. Më herët, Këshilli Kombëtar i Shefave të Policisë ka deklaruar: "Rrjetet e organizuara të përfshira në prodhimin e kanabisit janë gjithashtu të lidhura drejtpërdrejt me kriminalitete të tjera të rënda, si importimi i drogës së klasit A, skllavëria, dhuna dhe shfrytëzimi".