Berisha flet “online”: Rama s’do i fitojë më zgjedhjet
“Nuk na asgjësuan dot. Luftuan që Shqipëria të mos kishte opozitë” “Sot po luftoj për një nga ‘ fëmijët’ e mi”, ish- kryeministri: Inaugurojmë misionin tonë, betejën pa kthim të mosbindjes civile
Protesta e djeshme e opozitës ishte e para pa liderin demokrat Sali Berisha. Nga banesa e tij, Berisha u bë dje pjesë e protestës së opozitës, duke u shfaqur në një nga monitorët kryesorë të vendosur në foltore.
Gjatë fjalës së tij, ish- kryeministri u shpreh se dje ishte një ditë që shënoi nisjen e betejës pa kthim kundër diktaturës për atë që e ka quajtur “beteja për çlirimin e Shqipërisë nga narko- diktatura e Ramës”. “Në një skenar të Edi Ramës dhe mafies ndërkombëtare, që synonte të asgjësonte opozitën e vërtetë, ju vendosët të sakrifikonit interesat personale dhe të luftoni me gjoks, ballëlartë për të vërtetën. Të bindur se kjo ishte rruga për të mbrojtur dinjitetin tuaj, për të mbrojtur opozitën, sovranitetin, pluralizmin, interesin kombëtar, të ardhmen e Shqipërisë. Ju jeni heronjtë e vërtetë. Nderim paçi gjithmonë! Shqipërinë e ndërtojnë shqiptarët dhe jo tradhtarët. Miqtë e mi, për ju Shqipëria moniste është e shkuara e zezë e saj, kurse korrupsioni i qeverisë është armiku më i pamëshirë, më i rrezikshëm për ju dhe për të gjithë shqiptarët. Dhe siç është faktuar tashmë, korrupsioni i Edi Ramës është rrezik real edhe për miqtë dhe partnerët tanë kudo në botë. Të dashur miq, duhet të kuptoni se sot është një ditë e shënuar për PD- në dhe jo vetëm. Sot është një ditë e shënuar për demokracinë. Sot është një ditë e shënuar për fatin e Shqipërisë. Ndaj e nisa fjalën time duke thënë se ky 20 shkurt është edhe më i rëndësishëm se 20 shkurti i rrëzimit të shtatores së diktatorit, sepse ne inaugurojmë sot misionin tonë në Tiranë dhe mbarë Shqipërinë, betejën pa kthim të mosbindjes civile kundër diktaturës së dytë, të bazuar në krimin, drogën, vjedhjen e shqiptarëve. Betejën për çlirimin e Shqipërisë dhe shqiptarëve nga narkodiktatura e shëmtuar e Ramës”, - tha Berisha. “Ne inaugurojmë betejën popullore pa kthim për rikthimin e votës së lirë dhe çeljen e dyerve të
integrimit evropian të Shqipërisë, të mbyllura nga regjimi i Tiranës”. 20 shkurtin 2024, Berisha e quan rikthim të opozitës në betejën pa kthim. Gjatë fjalës së tij, Berisha thotë se me protestën e opozitës, rikthehet besimi në zemrat e çdo shqiptari. “Ne në këtë protestë uragan përcjellim mesazhin për botën se populli opozitar do i rezervojë diktaturës së dytë dmth., narko- shtetin e Edi Ramës, fatin që meriton, fatin që i rezervuam diktaturës komuniste 33 vite më parë. Të dashur miq, ju jeni heronj të vërtetë të pluralizmit, sepse në ditët më të zeza për opozitën shqiptare, ju nuk u dorëzuat. Pasi u vodhën vulën, logon e partisë, ju ndaluan emrin e kryetarit të partisë në fletën e votimit,
600 mijë prej jush nxorët gjokset përpara shantazhit dhe presionit të narko- regjimit, por edhe mafies ndërkombëtare dhe thanë jemi të pamposhtur. Nderimi paçin gjithmonë mbështetësit tonë!”, - u shpreh lideri demokrat. Berisha akuzoi qeverinë “Rama” për largimin e 1 milion shqiptarëve, ku u shpreh se integrimi evropian i vendit u shndërrua në një horizont që largohet çdo ditë e më shumë nga shqiptarët. “Luftoj kundër korrupsionit dhe për interesin kombëtar. Nesër do ju thonë se po luftoni për fëmijët e Berishës, kur në fakt njeriu më naiv e kupton se familja ime është goditur pikërisht se unë zgjodha të luftoj për shqiptarët. Dhe harrojnë mjeranët, se fëmijët e Sali Berishës
janë fëmijët e shqiptarit. Ç’është e vërteta miq, Sali Berisha po lufton për një nga fëmijët e tij, por kësaj radhe jo për fëmijët biologjikë. Sot Sali Berisha po lufton për fëmijën e tij, fëmijën që së bashku e sollëm në jetë 33 vite më parë, pluralizmin politik”, - tha Sali Berisha. Po ashtu, ish- kryeministri premtoi dyfishim të rrogave dhe pensioneve, që sipas tij do ta realizojë që në mandatin e parë. “Me shpejtësi dhe brenda një mandati ne do ia dalim të dyfishojmë rrogat, pensionet, të vendosim minimum jetik që të mos ketë më lot mjerimi në sytë e shqiptarëve. Pasi të nxjerrim shqiptarët në krye të rajonit për rroga dhe pensione, pasi të ulim taksën e sheshtë në 10%, do ecim të sigurt drejt mesa
tares së rrogës në BE. Po ku do i gjejmë këto para? Këto para janë të gjitha, nuk janë as 40% të atyre që vjedh Rilindja, duke ndërtuar rrugë me 15- fish të çmimit që ndërtohen në Evropë. Miqtë e mi, rrogat e trefishta nuk janë fantazi, nuk janë utopi, janë rroga që duhet të kishin sot nëse nuk
do ishin vjedhur në mënyrën më të papërmbajtur. Kështu që ne e nisim me investimin tek shqiptari duke besuar në aftësitë e tij, duke besuar se paratë në kontot e tij janë më të vlefshme se në kontot e shtetit”, tha Berisha, i cili theksoi se “Edi Rama ta harrojë se do fitojë më zgjedhje”.