Trafiku i kokainës, Antimafia italiane dhe SPAK arrestojnë 7 shqiptarë
Të arrestuarit dyshohet se janë pjesë e grupeve kriminale, që u goditën në fillimshkurtin e këtij viti nga disa agjenci ligjzbatuese
Policia e Firences ka mësyrë sërish disa baza të shqiptarëve që dyshohet që merreshin me trafikun e lëndëve narkotike, kryesisht kokainë.
Goditja është kryer në periferitë e Firences dhe në qytezës e Pratos, ku bëhet me dije se 7 persona janë arrestuar dhe tre të tjerë janë shoqëruar dhe ndaj tyre janë marrë masa shtrënguese të moslargimit nga banesa. Bëhet me dije se në operacionin e Antimafies të kenë marrë pjesë edhe prokurorët e SPAK si koordinues të operacioni me të dhëna konkrete në lidhje me personat nën hetim dhe gjurmim. Ata dyshohet se janë pjesë e grupeve kriminale, që u goditen në fillimin e këtij muaji në Itali dhe në disa vende të tjera ku u mësua se shumica ishin shtetas shqiptarë. Madje, në njoftimin që u dha nga prokuroria jonë në lidhje me atë megaoperacion u mësua se ishin sekuestruar miliona euro pasuri, por që prej atij momenti kur doli njoftimi e deri më tani nuk bëhet me dije se cilat janë pasuritë e sekuestruara dhe as se kujt i përkasin. Por ajo që bie në sy në hetimet intensive të prokurorisë italiane në disa qytetet ku vepronin grupet shqiptare është fakti se bashkëpunimi i tyre ka qenë me grupe të trafikut të drogës edhe brenda territorit shqiptar që ka vijuar edhe në vitin 2023, ashtu siç edhe më herët.
OPERACIONI
Në orët e para të ditës së djeshme, në provincat e Firences dhe Pratos, karabinierët e komisariatit Borgo San Lorenzo, ekzekutuan urdhër arrestet e lëshuara nga Prokuroria e Firences dhe lëshuar nga Gjyqtari për Hetimet Paraprake të kryeqytetit toskan, për masën “Arrest në burg” ndaj 7 të dyshuarve me kombësi shqiptare, dhe masën “vendbanim të detyrueshëm” dhe “ndalim të largimit gjatë natës nga ora 19: 00 deri në ora 07: 00” për 3 të tjerë. Njëkohësisht, janë kryer kontrolle personale, lokale dhe elektronike ndaj 18 të dyshuarve të tjerë. Hetimi që ka çuar në marrjen e masave ka dalë nga rezultatet e një aktiviteti të mëparshëm i cili më 5 shkurt 2024 ka çuar në ekzekutimin e 83 masave të sigurimit. Në këtë kuadër doli në pah figura e personit përgjegjës për mbajtjen e lëndëve narkotike për llogari të një grupi kriminal me rrënjë në Firence. Ky person, i shkëputur nga grupi fillestar, ndërmori më pas, së bashku me bashkatdhetarët e tjerë të vendosur në Shqipëri, një aktivitet autonom të importit dhe tregtimit të kokainës, hashashit dhe marijuanës, nga viti 2018 deri në verën e vitit 2022. Droga ishte në sasi të mëdha, e transportuar e fshehur brenda kamionëve, e modifikuar siç duhet dhe i atribuohet kompanive të transportit zyrtarisht të rregullt. Për t’u marrë me nevojat e reja hetimore, nëpërmjet Eurojustit, u krijua një JIT ( Ekipi i Përbashkët Hetimor) i përbërë nga karabinierë të Borgo San
Lorenzo dhe Policisë Shqiptare, të koordinuar nga Drejtoria e Qarkut Antimafia e Firences dhe Prokuroria Speciale, Zyra e Tiranës ( SPAK) e specializuar në luftën kundër krimit të organizuar dhe korrupsionit. Kjo sinergji, falë edhe kontributit thelbësor të Divizionit të 3- të të Interpolit dhe Zyrës së Ekspertit për Sigurinë në Shqipëri të Shërbimit të Bashkëpunimit Ndërkombëtar Policor SCIP, ka bërë të mundur, tashmë në fazat e mëparshme hetimore, arrestimin e 34 personave, 20 prej të cilave më 27 qershor gjatë ekzekutimit të masave paraprake të kryera nga Policia shqiptare, në atë territor, së bashku me karabinierë të kompanisë Borgo San Lorenzo, për të sekuestruar më shumë se 39 kg kokainë, 55 kg hashash, 68 kg marijuanë, 34 kg heroinë, 4300 euro para ‘ cash’, 5 kamionë dhe 1 furgon.
Ata dyshohet se janë pjesë e grupeve kriminale, që u goditen në fillimin e këtij muaji në Itali dhe në disa vende të tjera ku u mësua se shumica ishin shtetas shqiptarë. Madje, në njoftimin që u dha nga prokuroria jonë në lidhje me atë megaoperacion u mësua se ishin sekuestruar miliona euro pasuri, por që prej atij momenti kur doli njoftimi e deri më tani nuk bëhet me dije se cilat janë pasuritë e sekuestruara dhe as se kujt i përkasin.