Miratohen në Kuvend “zonat e mbrojtura”

Rama: 100% në një mendje me BE- në, ndryshimet forcojnë zhvillimin Reagon delegacioni i BE- së: Do të ndjekim me shumë vëmendje zbatimin e dispozitave të reja ligjore. Tabaku: U shkel legjislacioni europian

Mes pikëpyetjesh dhe kundërshtish, mazhoranca miratoi ligjin e zonave të mbrojtura.

Ndryshimet do të përfshijnë që në disa prej territoreve të klasifikuara si Zona të Mbrojtura, do të mund të ndërtohen struktura akomoduese, me qëllim zhvillimin e turizmit apo agroturizmit, por me kushtin që të mbahet një ekuilibër mes natyrës dhe aktiviteteve të zhvilluara. Ministrja e Mjedisit, Mirela Kumbaro, duke iu përgjigjur interesit të medias hodhi poshtë akuzat se do të ndërtohet në sipërfaqet e mbrojtura. Por, sipas saj, projekte elitare për turizmin, mes kriteresh të forta kontrolluese do të zhvillohen në nënzonat e miratuara. “Nuk preken sipërfaqet e territorit të zonave të mbrojtura. Vetëm në ato nënzona të parashikuara, për aktivitetet turistike, agroturistike dhe eko- turistike, brenda kritereve, do të jetë e mundur të zhvillohen me 3- 4 filtra shumë strikte”, - tha Kumbaro. Njëkohësisht ministrja mohoi që lajmet për projekte zhvilluese brenda parkut të Divjakës të jenë të vërteta. “Nuk ka projekt të tillë në Divjakë. S’ka asnjë projekt që të ketë ardhur në zyrat e ministrisë apo qeverisë. Janë të pavërteta”, - tha Kumbaro. Por Jorida Tabaku e lidh këtë ligj me atë të investimeve strategjike, që sipas saj do të ndërtohet brenda këtyre sipërfaqeve. Sipas saj, me këtë ligj qeveria tregoi se nuk njeh asnjë limit dhe votuan një ligj që janë 14 vendime për investime strategjike brenda zonave të mbrojtura. “Nëse flasim për parlamentin e kapur dhe shkeljen e procedurës, ky është shembulli më i mirë. Kam kohë që përpiqem që betejën ta bëjmë në institucione, por në kushte kur dhe deputetë të PS, vota e tyre nuk ka vlerë. Me këtë ligj qeveria tregoi se nuk njeh asnjë limit dhe votuan një ligj që janë 14 vendime për investime strategjike brenda zonave të mbrojtura”, - deklaroi Jorida Tabaku. Edhe delegacioni i BE- së në Tiranë reagoi pas miratimit të këtij ligji. BE thotë se do ta ndjekë me vëmendje këtë nismë lig

jore nëse është apo jo në përputhje me direktivat e Bashkimit Europian. “Rruga e Shqipërisë drejt anëtarësimit në Bashkimin Evropian është e qartë. Kërkon përpjekje të vazhdueshme nga qeveria dhe parlamenti për të siguruar që legjislacioni shqiptar të konvergojë drejt standardeve evropiane. Në

kuadrin e negociatave të anëtarësimit, miratimi i ligjeve mbi temat e mbuluara nga acquis e BE- së presupozon konsultim publik të mirëfilltë dhe gjithëpërfshirës, si dhe një proces të parashikueshëm dhe transparent. Delegacioni i BE- së do të ndjekë me shumë vëmendje zbatimin e dispozi

tave të reja ligjore për zonat e mbrojtura, në përputhje me kuadrin ligjor të BE- së për mbrojtjen e mjedisit dhe angazhimet ndërkombëtare të Shqipërisë”, shprehet zyra e BE- së në Tiranë. Por këtij reagimi iu kundërpërgjigj kryeministri Edi Rama në rrjetin social ‘ X’. Sipas tij, Shqipëria është sot e para në

rajon për sasinë e zonave të mbrojtura. “100% në një mendje me Bashkimin Europian! Me vizionin ‘ Shqipëria 2030’ dhe vullnetin e palëkundur për ta bërë këtë vend një destinacion turistik të nivelit më të lartë mesdhetar, ne kemi bërë në 10 vitet e fundit një përparim shembullor në mbrojtje të biodiversitetit dhe sot jemi të parët në rajon për sasinë e zonave të mbrojtura. Ndryshimet e sotme e forcojnë bazën e rrugës sonë ambicioze për zhvillim të qëndrueshëm në harmoni me bukurinë mahnitëse të Shqipërisë”, - shkruan Rama. Por deputeti i PD- së, Gazment Bardhi, e cilësoi të turpshme seancën e djeshme plenare, e cila sipas tij tregoi edhe njëherë se mazhoranca prej kohësh nuk voton më ligje në interes të qytetarëve shqiptarë. Ai tha se PS u tërhoq nga ligji për ‘ Amnistinë Penale’, pasi doli zbuluar se kishte si qëllim që të amnistonte zyrtarët e korruptuar. Ndërsa e cilësoi se cenim të sigurisë kombëtare miratimin e Marrëveshjes me Italinë për Emigrantët. “Ju e patë sot se në rendin e ditës nuk kishte asgjë të mirë për qytetarët shqiptarë. Parlamenti nuk miraton më ligje për qytetarët e zakonshëm. Ligji për Amnistinë është shndërruar në një ligj për zyrtarë të korruptuar. Tentuan të mashtronin dhe opinionin publik duke ja faturuar këtë dhe opozitës. Sot ata u tërhoqën nga projektligji, e miratuan në një procedurë jo transparente. Ligji i dytë ishte i turpshëm i sjelljes së emigrantëve në Shqipëri. Kjo marrëveshje tejkalon pritshmërinë e qytetarëve shqiptarë, sa kohë cenon sigurinë kombëtare. Së treti ishte ligji për Zonat e Mbrojtura, ku dhe njëherë planifikohet të nxirren në treg pasuritë kombëtare të shqiptarëve. Seanca e sotme ishte jonormale sa kohë nuk respektohen të drejta e opozitës”, - tha Bardhi.