Miratohet marrëveshja për emigrantët me Italinë, Rama: Vepruam si vend anëtar i BE
Kuvendi ratifikoi paktin për emigrantët, reagon kryeministrja italiane, Giorgia Meloni: Faleminderit popullit shqiptar!
Me efektin në sfond të bilbilave të opozitës, në një seancë që zgjati plot 7 minuta e 39 sekonda, Parlamenti miratoi dje marrëveshjen me Italinë për azilkërkuesit.
Votat me socialistët për këtë dokument i bashkuan edhe tre deputetë të PDIUsë. Në votim, 74 votave të shumicës socialiste iu bashkuan dhe ato të 3 deputetëve të Partisë për Drejtësi, Unitet dhe Integrim, të cilët vunë në dukje mbështetjen që Italia i ka dhënë ndër vite Shqipërisë. “Janë dhe tre zotërinjtë e PDIU- së atje në fund”, - tha Lindita Nikolla. Kryeministri, i cili nuk ishte në seancën e djeshme, e përshëndeti miratimin e marrëveshjes përmes një postimi dhe argumenton përse ky dokument ka rëndësi për çështjen që është problemi më madhor i kontinentit europian, emigracioni i paligjshëm. Kryeministri Edi Rama nuk e fshehu gëzimin për miratimin e marrëveshjes së iniciuar prej tij me kryeministren italiane Giorgia Meloni dhe pse marrëveshja u kritikua nga organizatat e të drejtave të njeriut dhe nga Bashkimi Europian. “Shqipëria po qëndron së bashku me Italinë duke zgjedhur të veprojë si një vend anëtar i BE- së dhe duke rënë dakord të ndajë një barrë që Europa duhet të përballojë e bashkuar si një familje e tërë përballë një sfide të guximshme, që kapërcen ndarjet tradicionale të majta dhe të djathta. Duke punuar së bashku për të gjetur përgjigjet e duhura, në vend që ta përdorni këtë çështje si lëndë djegëse për grindjet e brendshme politike që vetëm sa rrit ankthin mes njerëzve të kontinentit tonë të përbashkët dhe e bën të ardhmen tonë kolektive më të pasigurt”, - theksoi Edi Rama. Kryemi
“Shqipëria po qëndron së bashku me Italinë, duke zgjedhur të veprojë si një vend anëtar i BE- së dhe duke rënë dakord të ndajë një barrë që Europa duhet të përballojë e bashkuar si një familje e tërë përballë një sfide të guximshme, që kapërcen ndarjet tradicionale të majta dhe të djathta. Duke punuar së bashku për të gjetur përgjigjet e duhura, në vend që ta përdorni këtë çështje si lëndë djegëse për grindjet e brendshme politike, që vetëm sa rrit ankthin mes njerëzve të kontinentit tonë të përbashkët dhe e bën të ardhmen tonë kolektive më të pasigurt”.
nistrja e Italisë, Georgia Meloni reagoi pas ratifikimit nga Parlamenti i Shqipërisë të protokollit të marrëveshjes së emigrantëve mes Shqipërisë dhe Italisë. Me anë të një postimi në rrjetet sociale, Meloni falënderoi kryeministrin Edi Rama, institucionet dhe popullin shqiptar për miqësinë dhe bashkëpunimin. “Kuvendi i Shqipërisë ratifikoi sot marrëveshjen e bashkëpunimit me Italinë kundër imigracionit të paligjshëm dhe trafikimit të qenieve njerëzore. Falënderojmë kryeministrin Edi Rama, institucionet dhe popullin shqiptar për miqësinë dhe bashkëpunimin”, - shkruan Meloni. Sipas këtij protokolli, Shqipëria pranon të vendosë në dispozicion të qeverisë italiane territorin e vet për të ngritur kampe të ngjashme me burgjet si dhe të presë mijëra emigrantë nga vendet e treta për të paktën një periudhë 5- vjeçare. Votave të mazhorancës socialiste iu bashkuan dhe ato të një partie të vogël opozitare, Partia për Drejtësi, Integrim dhe Unitet e drejtuar nga Shpëtim Idrizi, ndërsa pjesa tjetër e opozitës e kundërshtoi. Deputetja e PDIU- së, Mesila Doda, u shpreh se të gjithë duhet të kishim votuar pro, pasi Italia është një vend mik. “Ne mund të ndihmojmë për një problematikë të tyre dhe duhet të jemi në krah të tyre”, - tha ajo duke shpjeguar votën pro. Ndërsa kryetari i grupit të PD- së, Gazment Bardhi theksoi pas seancës se, “kjo marrëveshje tejkalon pritshmëritë e qytetarëve shqiptarë, dëmton interesin publik dhe cenon sigurinë kombëtare”. Pas miratimit në Parlament, tani pritet dhe dekreti i Presidentit që do t’i hapë rrugë nisjes së ndërtimit të kampit të Gjadrit. Edhe Italia e ka miratuar dokumentin në të dyja dhomat e Parlamentit. Sipas dokumentit të bashkëfirmosur nga Rama dhe Meloni në portin e Shëngjinit do të jetë qendra pritëse ku do të regjistrohen kërkesat e azilkërkuesve nga vendet e treta, ndërsa në Gjadër qendra ku do të vendosen jo më shumë se 3 mijë azilkërkues në të njëjtën kohë derisa të shqyrtohet kërkesa e bërë ndaj shtetit italian për azil. Marrëveshja u firmos në nëntor, por ratifikimi nga Parlamenti u pezullua nga Gjykata Kushtetuese me kërkesë të një grupimi deputetësh të Partisë Demokratike.