Gjykata e Apelit, kundër Gjykatës së Lezhës për 11 punonjësit e Kadastrës
Nuk zbatuan vendimin për kthimin e 234 mijë metra katrorë tokë shtetit U akuzuan dhe u pezulluan për tjetërsimin e qindra- mijëra metrave tokë te "Rana e Hedhun", gjykata kthen në punë zyrtarët e Lezhës
Punonjësit e pezulluar me kërkesë të Prokurorisë dhe të Gjykatës së Lezhës do të kthehen në detyrë.
Ka qenë Gjykata e Apelit që ka rrëzuar vendimin e Gjykatës së Shkallës së Parë, Lezhë, që pezulloi nga detyra 11 zyrtarë të Kadastrës atje, ndërsa akuzoheshin për moszbatimin e një vendimi gjyqësor për të kthyer në tokë shtet 234 mijë metra katrorë të tjetërsuar në zonën e "Ranës së Hedhun" në Shëngjin. Gjykatësi i Apelit, Fuat Vjerdha, ka vendosur rrëzimin e këtij vendimin dhe shuarjen e masave të sigurisë për zyrtarët. Bëhet fjalë për shtetasit Albana Gjinaj, Marinela Tuci, Orstela Bardhaj, Sebastjano Gjetja, Besjon Ivanaj, Ornela Marku, Eglantin Lleshaj, Dorina Sulaj, Xhentil Gjegji, Vitore Lleshi dhe Diljana Prenga, të dyshuar për kryerjen e veprës penale "Mosekzekutimi pa shkaqe të përligjura i vendimit të gjykatës". Tashmë, ata mund të rikthehen në detyrën që ka pasur. Bëhet fjalë për tjetërsimin e 234 548 metër katrorë tokë shtetërore ranishte në zonën e "Ranës së Hedhun", e cila ishte tjetërsuar me dokumente të falsifikuara, për të cilën është dënuar me burg ish- kryebashkiaku i Lezhës, Fran Frrokaj dhe ish- zyrtarë të tjerë.
Gjykatësi i Apelit, Fuat Vjerdha, ka vendosur rrëzimin e këtij vendimin dhe shuarjen e masave të sigurisë për zyrtarët. Bëhet fjalë për shtetasit Albana Gjinaj, Marinela Tuci, Orstela Bardhaj, Sebastjano Gjetja, Besjon Ivanaj, Ornela Marku, Eglantin Lleshaj, Dorina Sulaj, Xhentil Gjegji, Vitore Lleshi dhe Diljana Prenga, të dyshuar për kryerjen e veprës penale "Mosekzekutimi pa shkaqe të përligjura i vendimit të gjykatës".
VENDIMI:
Prokuroria Pranë Gjykatës së Shkallës së Parë të Juridiksionit të Përgjithshëm Lezhë, më datë 19.09.2023, ka regjistruar procedimin penal për veprën penale "Mosekzekutimi pa shkaqe të përligjura i vendimit të gjykatës", të parashikuar nga neni 320/ a të K. Penal, mbi bazën e kallëzimit penal të paraqitur nga shtetasi A. Ç., banor i fshatit Shëngjin, Bashkia Lezhë. Fakti penal lidhet me ekzekutimin e një vendimi penal gjyqësor, në përfundim të të cilit gjykata kishte urdhëruar asgjësimin e dokumenteve të falsifikuara, lidhur me regjistrimin në regjistrat e pasurive të paluajtshme. Për të ekzekutuar vendimin gjyqësor, Drejtori i ASHK Lezhë ngriti një grup pune të përbërë nga njëmbëdhjetë punonjës, për mënyrën e ekzekutimit dhe kthimin e përgjigjes për ekzekutimin. Punonjësit e grupit të punës, pasi kanë vlerësuar rastin, kanë përpiluar relacionin, sipas të cilit duhej të kërkohej nga gjykata dhe prokuroria, që të bënin sqarimin dhe interpretimin e vendimit, lidhur me pasuritë konkrete dhe veprimet që duhej të kryheshin me pronësinë mbi pasuritë përkatëse. Pas komunikimit të vendimit për caktimin e masës, personave të dyshuar, Gjykata e Sh
kallës së Parë e Juridiksionit të Përgjithshëm Lezhë, ka zhvilluar gjykimin lidhur me marrjen në pyetje dhe verifikimin e kushteve të masës së sigurimit të dhënë me vendimin nr. 44 datë 26.01.2024 të Gjykatës së Shkallës së Parë të Juridiksionit të Përgjithshëm Lezhë, ndaj personave nën hetim shtetasve me iniciale A. Gj, M. T, O. B, S. Gj, B. I, O. M, E. Ll, D. S, Xh. Gj, V. Ll, D. P, të dyshuar për kryerjen e veprës penale "Mosekzekutimi pa shkaqe të përligjura i vendimit të gjykatës", të parashikuar nga
neni 320/ 1 i K. Penal. Gjykata e Shkallës së Parë e Juridiksionit të Përgjithshëm Lezhë, me vendimin nr. 52 ( 207), datë 30.01.2024, ka vendosur: - Vazhdimin e masës së sigurimit "Pezullim i ushtrimit të një detyre a shërbimi publik", të parashikuar nga neni 242 te K. Pr. Penale të caktuar me vendimin nr. 44 Akti, datë 26.01.2024 të Gjykatës së Shkallës së Parë të Juridiksionit të Përgjithshëm Lezhë, ndaj personave nën hetim A. Gj, M. T, O. B, S. Gj, B. I, O. M, E. Ll, D. S, Xh. Gj, V. Ll, D. P.