Baza ajrore inaugurohet më 4 mars, në Kuçovë zbarkojnë SHBA e NATO
Mban 6 avionë luftarakë. Trupat e NATO- s dhe mjetet fluturuese do të akomodohen, stërviten dhe të fluturojnë nga baza ajrore e Kuçovës
Më datën 4 mars do të inaugurohet baza ajrore e Kuçovës. Në ceremoni do të marrin pjesë përfaqësues të lartë të shtetit shqiptar, të NATO- s dhe SHBA- ve.
Pak ditë para ditës së inaugurimit, punimet në bazën ajrore të Kuçovës janë drejt përfundimit, për ta kthyer atë në një bazë taktike të NATOs. Nga kjo bazë, ku për herë të parë publikohen pamje të përgatitjeve dhe punimeve, komandanti i Forcës Ajrore, gjeneral brigade, Ferdinand Dimo, shpjegon hapat që u ndoqën deri më tani. Sipas gjeneral brigade Ferdinand Dimo, ka qenë vendimmarrja e shtetit shqiptar dhe e NATO- s në vitin 2018 për ta kthyer këtë bazë në një bazë taktike të Aleancës, ndërsa më 4 mars të këtij viti, ajo është plotësisht efektive. “Në vitin 2021 u parashikuan të kryheshin investimet për rivitalizimin e instalimeve të bazës së Kuçovës. Tashmë sot jemi në përfundim të implementimit të 3 projekteve të rëndësishme, siç është sistemi i rrethimit dhe i sigurisë, po ashtu edhe i mbrojtjes perimetrale të bazës. Nga NATO janë të investuara afërsisht 50 milionë euro dhe më shumë se 5 milionë euro janë të investuara nga qeveria shqiptare”, - sqaron komandanti i Forcës Ajrore. Gjeneral brigade Ferdinand Dimo sqaron funksionet që do të kryhen nga kjo bazë. “Jemi në përfundim të të gjitha punimeve që trupat e Forcës Ajrore të stërviten në këtë bazë. Por jo vetëm kaq, trupat e NATOs dhe mjetet fluturuese të NATO- s mund të akomodohen, të stërviten dhe të fluturojnë duke u nisur nga baza ajrore e Kuçovës, që tashmë është një bazë ajrore taktike e NATO- s”, - deklaroi ai. Baza taktike e NATO- s në Kuçovë do të shërbejë pozitivisht edhe në zhvillimin ekonomik të të gjithë qarkut të Beratit. “Ndërtimi i bazës ajrore të NATO- s në Kuçovë ka një impakt të jashtëzakonshëm zhvillimor në komu
“Në vitin 2021 u parashikuan të kryheshin investimet për rivitalizimin e instalimeve të bazës së Kuçovës. Tashmë sot jemi në përfundim të implementimit të 3 projekteve të rëndësishme, siç është sistemi i rrethimit dhe i sigurisë, po ashtu edhe i mbrojtjes perimetrale të bazës. Nga NATO janë të investuara afërsisht 50 milionë euro dhe më shumë se 5 milionë euro janë të investuara nga qeveria shqiptare”.
nitet dhe në të gjithë hapësirën e qarkut të Beratit”, - shprehet gjeneral brigade Ferdinand Dimo. Baza ajrore e Kuçovës do të inaugurohet më 4 mars, sipas planit të parashikuar. Në ceremoni do të marrin pjesë përfaqësues të lartë të shtetit shqiptar, të NATO- s dhe SHBA. Fillimi i punimeve u inaugurua dy vite më parë nga kryeministri Edi Rama dhe ish- ambasadorja amerikane Yuri Kim. Baza do të jetë në gjendje të mbajë gjashtë avionë luftarakë në baza periodike. Pas viteve ’ 90, baza është shkretuar dhe me nxjerrjen jashtë përdorimi të këtyre avionëve i humbi edhe lavdia. Madje, as menaxhimi prej disa vitesh i një flote turke nuk i dha shkëlqimin, teksa muajt e fundit po bëhen përpjekje për ta bërë funksionale. Inaugurimin e bazës së Kuçovës e paralajmëroi para disa ditësh në Tiranë Sekretari amerikan, Antony Blinken, ndonëse nuk përmendi datë të caktuar. Baza ajrore e Kuçovës pritet të hapet muajin e ardhshëm, zbuloi Sekretari amerikan i Shtetit gjatë deklaratës për median pas takimit me kryeministrin Edi Rama. Duket që baza ajrore ka qenë pjesë e bisedimeve dypalëshe. “Muajin e ardhshëm Shqipëria do të përurojë bazën ajrore të NATO- s në Kuçovë. Të 31 aleatët tanë që së shpejti do të bëhen 32 aleatë të NATO- s, do të sjellin përvoja të ndryshme, gjeografi të ndryshme, aftësi të ndryshme, kapacitete të ndryshme, por secili prej nesh ka të njëjtin angazhim në fakt të fortë, të hekurt, i cili është të ndihmojmë njëri- tjetrin dhe gjithashtu të sakrifikojmë, madje në vitin e fundit çdo aleat ka rritur përqindjen në ndihmë të mbrojtjes si 2% i PBB- së”. Por ndërsa baza ajrore e NATO- s në Kuçovë do të hapet, diskutimet për ndërtimin e një baze detare të saj në Durrës, për të cilën Shqipëria ka ofruar gatishmërinë, vijojnë. “Tani për sa i takon bazës ajrore para së gjithash është e rëndësishme që të nënvizojmë disa gjëra; së pari: Tashmë kanë kaluar 15 vjet që kur Shqipëria është bërë aleate e NATO- s dhe fakti që do të përurohet, do të përurohet në fakt baza ajrore e Kuçovës, vetëm pak javë më vonë dhe kjo është një mënyrë e mrekullueshme për të nënvizuar dhe për të theksuar angazhimin që Shqipëria ka bërë ndaj NATO- s dhe gjithashtu në atë që NATO ka ndaj Shqipërisë dhe ky është një shembull tejet i fortë për partneritetin që ne gëzojmë me njëri- tjetrin. Ndërsa kur bëhet fjalë për bazën detare, kjo është diçka që ne e kemi diskutuar dhe do të vazhdojmë ta diskutojmë këtë përmes NATO- s dhe procesit që NATO ka përsa i përket vendosjes së aseteve të tjera, të cilat janë të rëndësishme, të blera për aleancën dhe jam i sigurt që teksa diskutojmë NATO do të thotë më shumë”, - tha Blinken. Në total investimi kap një vlerë prej rreth 50 milionë euro. Kontributi i palës shqiptare shkon në rreth 10% të vlerës së përgjithshme të investimit në këtë bazë, e cila me investimin e NATO- s do të kthehet në një bazë taktike të dislokueshme.