Bajern rikthehet te fitorja, Nojer bën avokatin e "djallit"
Kapiteni: Tuhel ndër më të mirët, e shkarkuam ne
Bajern Mynih e kalojë me sukses provën kundër Lajpcig, e cila kishte marrë nota jetike pas 3 disfatash të njëpasnjëshme.
Përtej rezultatit kundër "demave", aty ku Herri Kejn veshi "kostumin e heroit" me dopjet, deklarata e kapitenit Manuel Nojer rezultojë "tërmet" për grupin e tij. Edhe pse fillmisht u mendua se trajneri Tomas Tuhel ishte "delja e zezë" e problemeve në Mynih nga marrdhëniet e tensionuara me lojtarë specifik e deri te rendiment i ulët në ndeshje, dueli me Lajpcig vërtetoi të kundërtën, duke i hedhur poshtë këto qëndrime.
Ndeshja - Ashtu siç u parashikua nga "Kicker", inkuadrimi i Joshua Kimish në krahun e djathtë të prapavijës qëlloi i saktë. Rafael Guerreiro mori korinë e majtë, ndërsa Daier e De Ligt u gjendën para gardianit Nojer. Dëshira e vendasve në takimin e 1000- të si pritës për ta finalizuar me fitore u pa që në fillim, por fraksioni i parë i lojës nuk dha asnjë gol. Herri Kejn zhbllokoi shifrat në minutën e 56', i ardhur nga kombinimi me talentin gjermanë Xhamal Musiala. Lajpcig fillojë të rriste dozat ofensive, ku në shumë raste Manuel Nojer e bllokoi mjeshtërisht. Rezistenca e 37vjeçarit u thye nga Sheshko në minutën e 70'. Ateherë kur u duke se gjithçka do të mbyllej në barazim dhe ecuria negative e bavarezëve do vijonte, Herri Kejn në in- extrem i dha fitoren e vuajtur kampionëve.
Nojer - "Nuk jam aspak dakord që mësuesi ( Tuhel) duhet të fajësohet për notat e dobët të nxënësve ( grupit). E pranoj me bindje se Tomas Tuhel është një nga trajnerët më të mirë në botë. Nëse do ishim treguar më të përgjegjshëm në fushë, rrjedha mund të mos kishte marrë kaq ekstreme. Ai është sjell në mënyrë brilante me ne, si në stërvitje, marrdhëniet individuale e deri tek mbështetja në dhomat e zhveshjes, pavarësisht performancës. Duket sikur grupi nuk e ndjen peshën e fanellës. Sigurisht që duhet të punojmë në rikthimin e besimit. Taktikat e Tuhelit janë vërtetë mbreslënëse, e dashuron futbollin. Secili ka peshën e fajit në 3 humbjet radhazi. Situatë e vështirë kur u ndodha përballë Sheshkos, fatmirësisht nuk shënoj dot më shumë se 1 gol. E kisha frikën e devijimit nga Daier, ama nuk bëri dëme. Skuadra demonstroj karakter dhe qëndrueshmëri përballë Lajpcig, element që na ka munguar në duelet pararendëse. Ne luajtëm më mirë se kundërshtari, prandaj fituam. Loja foli vetë. Pjesën e parë patëm raste të pastra shënim, megjithëse mbetën në tentativë", përfundoj Nojer. Aktualisht diferenca mes Leverkusen kryesues dhe Bajernit është 8 pikë, ku kanë mbetur edhe 11 javë Bundesligë.