Hasani në Gjenevë: Samiti në Tiranë, tregues se Shqipëria lufton për të drejtat e njeriut
Teksa Shqipëria do të organizojë Samitin për Ukrainën, ministri i Punëve të Jashtme, Igli Hasani, në sesionin e 55 të Këshillit të të Drejtave të Njeriut, bëri thirrje të merren masa për të dënuar krimet e luftës nga Rusia. “Autorët e këtyre krimeve duhet të mbajnë përgjegjësi. Ne mbështesim plotësisht mandatin e komisionit hetimor dhe si anëtar i Këshillit të të Drejtave të Njeriut do të punojmë fort, së bashku me partnerët, aleatët dhe vendet të njëmendta drejt arritjes së objektivit për të vënë para drejtësisë autorët”, - deklaroi Hasani. Ministri për Evropën dhe Punët e Jashtme, Igli Hasani, mbajti fjalën e tij gjatë takimit të Nivelit të Lartë të Sesionit të 55- të të Këshillit të të Drejtave të Njeriut ( KDNJ) në Gjenevë. Hasani vuri në dukje se të drejtat e njeriut dhe sistemi i bazuar në rregulla janë nën presion si kurrë më parë. “Shqipëria vjen në KDNJ pas përfundimit me sukses të mandatit në Këshillin e Sigurimit. Të drejtat e njeriut dhe sistemi i bazuar në rregulla, nën presion si kurrë më parë”, - tha ai.
Ministri Hasani e quan samitin e 28 shkurtit për Ukrainën në Tiranë, tregues se Shqipëria lufton për të drejtat e njeriut. “Samiti i 28 shkurtit në Tiranë, tregues se Shqipëria lufton për të drejtat e njeriut”, - deklaroi ministri Hasani. Për situatën në Gaza, ministri Hasani ka thënë se duhet të gjenden mënyra për të parandaluar luftimet dhe për të siguruar ndihma humanitare. “Situata dramatike në Gaza, KDNJ të punojë për zgjidhjet. Të gjenden mënyra për të ndaluar luftimet dhe të sigurohet ndihmë humanitare”, - u shpreh ai. Ministri Hasani e mbylli fjalën e tij me thirrjen që të punohet që secili të jetojë me dinjitet dhe me respekt. “Pjesëmarrja e aktorëve të shoqërisë civile në KDNJ, prioritet i mandatit tone. Do të bëjmë gjithçka kemi në dorë për të promovuar mekanizmin e Rishqyrtimit Periodik Universal ( UPR). Mbështesim pavarësinë dhe rolin e Zyrës së Komisionerit të Lartë për të Drejtat e Njeriut. Të punojmë që çdo njeri në botë të jetojë me dinjitet dhe respekt”, - deklaroi Igli Hasani. Shqipëria merr pjesë në këtë takim të Nivelit të Lartë si vend anëtar i KDNJsë për periudhën 2024- 2026. Si anëtare e këtij Këshilli, Shqipëria u zotua të bëjë gjithçka që është në fuqinë e saj për t’i ardhur në ndihmë Ukrainës dhe për t’i rikthyer të drejtat popullit të saj.