Punësimi i detyruar, Gjykata Kuvendit: Keni 3 muaj kohë!
Kushtetuesja doli me një vendim, ku shfuqizohej pjesërisht ligji që i detyronte ata të ofrojnë shërbim shëndetësor me detyrim
Gjykata Kushtetuese ka zbardhur vendimin e plotë lidhur me ligjin për punësimin e detyruar të studentëve të mjekësisë.
Kushtetuesja doli me një vendim rreth një muaj më parë, sipas të cilit shfuqizohet pjesërisht ligji që i detyronte ata të ofrojnë shërbim shëndetësor me detyrim nga 3.5 vite në vendin e tyre pas diplomimit. Gjykata i la Kuvendit tre muaj kohe rishikojë kohën kufizuese për studentët.
RRETHANAT E ÇËSHTJES
1. Në datën 21.07.2023 Kuvendi, në bazë të propozimit të Këshillit të Ministrave dhe në zbatim të procedurës së përshpejtuar parlamentare, ka miratuar ligjin nr. 60/ 2023 “Për trajtimin e
veçantë të studentëve që ndjekin programin e integruar të studimit të ciklit të dytë “Mjekësi e përgjithshme” në institucionet publike të arsimit të lartë” ( ligji nr. 60/ 2023). Ky ligj është botuar
në Fletoren Zyrtare nr. 123, datë 16.08.2023 dhe ka hyrë në fuqi 15 ditë pas botimit të tij. 2. Duke pasur si qëllim ruajtjen e burimeve njerëzore, profesionistëve shëndetësorë në vend, por edhe rritjen e interesit të tyre për të punuar në sektorin shëndetësor publik si pjesë e rritjes së investimeve në shëndetësi, ligji nr. 60/ 2023 ka parashikuar një mekanizëm përmes të cilit, studentëve që ndjekin programin e integruar të studimit të ciklit të dytë.
VENDIM I GJYKATËS KUSHTETUESE
Kërkues: Një grup deputetësh të Kuvendit ( jo më pak se 1/ 5 e deputetëve) dhe një grup studentësh të Fakultetit të Mjekësisë të Universitetit të Mjekësisë Tiranë përgjithshme” në institucionet publike të arsimit të lartë u ofrohet një trajtim i veçantë, i cili në kuptim të nenit 3, pika 1, të ligjit, përfshin punësimin me prioritet të tyre pas përfundimit të studimeve, si dhe të drejtën për të përfituar nga programet sociale të strehimit. 3. Ky trajtim përfitohet si nga kandidati që pranohet rishtazi në programin e integruar të studimit të ciklit të dytë “Mjekësi e përgjithshme” në institucionet publike të arsimit të lartë, ashtu edhe nga studenti i vitit të dytë deri në vitin e katërt akademik dhe nga studenti i vitit të pestë ose të gjashtë ( student i ndërmjetëm) në këtë program, kur pranon të nënshkruajë marrëveshje me ministrinë përgjegjëse për arsimin, ministrinë përgjegjëse për shëndetësinë dhe institucionin e arsimit të lartë publik. Sipas marrëveshjes, studenti duhet të punojë në profesionin e mjekut pas përfundimit të studimeve për, respektivisht, jo më pak se pesë vjet, tre vjet dhe dy vjet në institucionet shëndetësore në Republikën e Shqipërisë, si dhe pranon kalimin zyrtarisht të diplomës përkatëse të arsimit të lartë nga institucioni publik i arsimit të lartë, ku ka përfunduar studimet, në institucionin shëndetësor ku punësohet deri në “shlyerjen e detyrimeve për punësim” sipas afatit, përkatësisht pesë, tre dhe dyvjeçar, me të drejtën që pas përmbushjes së detyrimit të punësimit të tërheqë diplomën universitare ( neni 4, pika 1, shkronja “c”, pika 2, shkronja “b”, pika 3, shkronja “b”, i ligjit nr. 60/ 2023). Ndërkohë, studenti që nuk pranon të nënshkruajë marrëveshjen sipas përcaktimeve të pikave 2 dhe 3 të nenit 4, paguan vlerën e plotë të kostos së studimeve ( neni 5 i ligjit nr. 60/ 2023).