KQZ: Të rishikohet ligji për dekriminalizimin
Celibashi u kujton partive problematikat: Të zbatohen dy vendimet e Gjykatës Kushtetuese për votën e emigrantëve dhe herësin
Komisioneri Shtetëror i Zgjedhjeve, Ilirjan Celibashi, apeloi dje në Komisionin e Reformës Zgjedhore se ka ardhur koha që të rishikohet ligji për dekriminalizimin.
Sipas Celibashit, kjo duhet të bërë me qëllim që ky ligj duhet të jetë sa më funksional: “Unë mendoj që pavarësisht pikëpamjeve politike, si Komisioner Shtetëror dhe si jurist ka aspekte të këtij ligji, që do të duhet të rikonsiderohen. E kuptoj momentin kur janë shkruar këto gjëra, por për ta bërë më eficient qëllimin e atij ligji ka nevojë për t’u riparë”, - tha komisioneri. Ndërkohë, sa i takon procesit të administrimit të zgjedhjeve, Celibashi u shpreh se është ende herët që ky proces të bëhet nga shërbimi civil. Sipas tij, çdo parti me peshë elektorale duhet të ketë përfaqësuesit e vetë, por me kushtin që ata të jenë të trajnuar dhe certifikuar. “Është akoma herët për t’i larguar tërësisht partitë politike nga administrimi i procesit zgjedhor. Por nga ana tjetër KQZ, ka një lloj kredibiliteti të pranuar nga të gjithë spektri politik, pse jo në komisionet e nivelit të dytë dhe të tretë të mos kishim një organizim, që nga një anë u jep mundësi partive që të jenë prezente aty, por fjala e fundit në aspektin teknik të administrimit dhe procesit zgjedhor në nivelet e komisionit QV dhe KZAZ t’i besohej KQZ. Në çdo rrethanë apo forme të organizimit të këtyre komisioneve mendoj se duhet të vendoset kusht që ata që do të angazhohen si komisionerë do të duhet të jenë të trajnuar dhe të certifikuar. Por mendoj që është pak herët të themi që procesi zgjedhor të administrohet nga punonjës të shërbimit civil. Mendoj që kemi akoma nevojë që partitë që kanë peshë elektorale të kenë njeriun ë tyre në proces. Por në çdo rast që ata të jenë të trajnuar dhe të certifikuar”, - tha ndër të tjera Celibashi.
Kam sjellë në vëmendje nevojën për të diskutuar për dy vendimet e Gjykatës Kushtetuese e para votimi nga jashtë dhe e dyta shfuqizimin e dispozitës së kodit zgjedhor që ka të bëjë me herësin, kufirin prej 10 mijë votash për votën preferenciale. Kjo është një çështje që ju përket juve dhe partive për të vlerësuar mbi nevojën e zbatimit të këtyre dy vendimeve të GJK. Unë kam konsideruar nevojën për ta risjellë në vëmendje tuaj këto dy çështje. Kemi sjellë në vëmendjen tuaj që duhet të adresojmë çështjen që duhet të jetë në axhendën tuaj, sigurimin e votës për një kategori votuesish që nuk e kanë mundësi të shkojnë në qendrën e votimit
VOTA E EMIGRANTËVE
Komisioneri Shtetëror i Zgjedhjeve, Ilirjan Celibashi, i kujtoi problematikat Komisionit për Reformën Zgjedhore dhe sipas tij, partitë politike duhet të marrin parasysh rekomandimet. Celibashi tha se duhen diskutuar dy vendimet e Gjykatës Kushtetuese, që është vota e emigranteve dhe shfuqizimi i dispozitës së Kodit Zgjedhor që ka të bëjë me herësin. Po ashtu, Celibashi tha se “duhet të adresojmë çështjen që duhet të jetë në axhendën tuaj, sigurimin e votës për një kategori votuesish që nuk e kanë mundësi të shkojnë në qendrën e votimit”. “Kam sjellë në vëmendje nevojën për të diskutuar për dy vendimet e Gjykatës Kushtetuese e para votimi nga jashtë dhe e dyta shfuqizimin e dispozitës së kodit zgjedhor që ka të bëjë me herësin, kufirin prej 10 mijë votash për votën preferenciale. Kjo është një çështje që ju përket juve dhe partive për të vlerësuar mbi nevojën e zbatimit të këtyre dy vendimeve të GJK. Unë kam konsideruar nevojën për ta risjellë në vëmendje tuaj këto dy çështje. Kemi sjellë në vëmendjen tuaj që duhet të adresojmë çështjen që duhet të jetë në axhendën tuaj, sigurimin e votës për një kategori votuesish që nuk e kanë mundësi të shkojnë në qendrën e votimit. Do t’i lëmë ata pa votuar, apo do t’u krijojmë mundësinë që të votojnë, mundësi që duhet të ofrojë garancitë për integritetin dhe fshehtësinë e votës. Janë 30 mijë votues shqiptarë, që për arsye objektive nuk mund të paraqiten dot në qendrat e votimit”, - tha Celibashi.
KOMISIONERËT
KQZ propozon depolitizim të pjesshëm të komisionerëve në QV dhe KZAZ. Kryekomisioneri Ilirjan Celibashi tha në Komisionin e Reformës Zgjedhore se KQZ- ja propozon që në mesin e komisionerëve përveç përfaqësuesve të partive politike, të ketë përfaqësues edhe nga Komisioni Qendror i Zgjedhjeve. Po ashtu, Celibashi thotë se fjala e fundit sa i takon aspektit teknik t’i besohej KQZ. “Funksionimi i Komisioneve Zgjedhore të dyta e të treta. Do të kemi njerëz nga partitë politike apo do funksionojmë ndryshe? Ne kemi probleme që vijnë nga mënyra sesi janë të ndërtuara komisioniet e QV apo KZAZ. Mendoj që është pak herët për t’i larguar tërësisht partitë politike nga administrimi zgjedhor. KQZ ka një lloj kredibiliteti deri diku të pranuar, të besueshëm nga i gjithë spektri politik, pse jo në komisioneve të niveleve të dyta dhe të treta të mos kishim një organizim, ku të jenë të pranishëm partitë politike, por fjala e fundit në aspektin teknik në nivelet e komisionit të QV dhe KZAZ t’i besohej KQZsë dhe në çdo lloj rrethane të organizimit duhet të jetë kusht që kush është komisioner, të jetë i trajnuar dhe certifikuar”, - tha Celibashi.