Drejtësiaekosovëslejonekstradimin e baronit të drogës, Gëzim Çela
Si iu shpëtoi dy operacioneve të gusht- tetorit të një viti më parë Laçiani i konsideruar si një prej “kokave” më të mëdha të trafikut të kokainës do të përballet me prokurorinë dhe gjykatën në Tiranë
I njohur dhe i konsideruar prej më shumë se dy dekadash si “baroni i drogës”, Gëzim Çela u shpëtoi dy operacioneve në Patok, por jo operacionit të Policisë së Kosovës.
Ai zgjodhi të strehohej atje, në një zonë jo fort problematike, që mund ta çonte policinë vendëse në kontrolle, por informacionet dhe këmbëngulja e antimafies italiane për ta sjellë në pranga bëri që ai të arrestohej. Dje u soll në Shqipëri me anë të praktikës së ekstradimit, ndërsa problemet me drejtësinë tonë jo vetëm që nuk i mbylli asnjëherë, por madje vijonte të ishte i paprekshëm në zonën e tij të influencës. Gëzim Çela ridoli në skenë vitin e kaluar, teksa policia italiane ndiqte një skaf nga ujërat e veta, që u drejtua për në ujërat tona. Por për çudi mori kthesë për në Malin e Zi. Atje u duk se do të stacionohej, por në fakt skafi, që dyshohet se ishte i mbushur me kokainë, mori rrugën drejt ujërave tona. Ndjekja e vazhdueshme e mjetit lundrues, në të cilin u gjenden shtetas ukrainas, zbuloi se mori kthesën për në Patok, aty ku policia italiane lajmëroi policinë tonë për ndërhyrje. Dhe ashtu ndo
dhi! Policia mbërriti njëkohësisht me skafin, ku ukrainasit u tha se i vunë flakën, por Gëzim Çela iku pa u takuar me policinë. Madje u tha se pati edhe dekonspirim të informacionit, por policia e vënë përpara faktit të kryer nga ana e policisë italiane ndaloi këdo që gjeti në restorantin luksoz të Gëzim Çelës, që gjendet në bregun e detit, në zonën e Patokut.
EKSTRADIMI
Ministria e Drejtësisë ka njoftuar ditën e djeshme se Gëzim Çela do të ekstradohet nga Kosova drejt Shqipërisë. Çela është një ish- punonjës i policisë dhe është konsideruar si një prej kokave më të mëdha të trafikut të kokainës dhe heroinës në Evropë. Ai dyshohet se përdorte vilën e tij në FushëKuqe për trafik droge. Pikërisht aty, policia i gjeti 18 kilogramë kokainë kohë më parë. Në qershor të vitit 2014 policia shqiptare dhe ajo kosovare shkatërruan një grup të strukturuar kriminal, i cili trafikonte droga të forta nga Turqia drejt Europës Perëndimore, duke përdorur edhe territorin e Shqipërisë. Ministria e Drejtësisë bën me dije se: “Shtetasi Gëzim ( Gëzim) Çelaj alias Çela, i biri i Xhemal dhe i Fatime, lindur më 07.04.1968, në Krujë, do të ekstradohet nga Kosova në Shqipëri. Ekstradimi i tij do të bëhet me procedurë të thjeshtuar dhe në vijim të komunikimit mbi këtë kërkesë për ekstradim, Ministria e Drejtësisë të Kosovës, me ‘ email’- in e datës 26.02.2024, ka përcjellë njoftimin e autoriteteve kosovare të drejtësisë mbi vendimin Nr. 05179662, dt. 11.01.2024 të Gjykatës Themelore në Ferizaj/ Kosovë, për lejimin e ekstradimit të thjeshtuar këtij shtetasi, për shkak se ky shtetas ka dhënë pëlqimin për t’u ekstraduar drejt Shqipërisë.
Kërkesa për ekstradimin e shtetasit të lartpërmendur bazohet në:
- Vendimin Nr. 110, datë 08.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar, për caktimin ndaj tij të masës së sigurimit “Arrest në burg”, për kryerjen e veprave penale “Trafikimi i narkotikëve” e kryer në bashkëpunim, në formën e grupit të strukturuar kriminal “Grupi i strukturuar kriminal” dhe “Kryerja e veprave penale nga grupi i strukturuar kriminal”, parashikuar nga nenet 283/ a, 28, 333/ a dhe 334 të Kodit Penal të Republikës së Shqipërisë. Vendimin Nr. 102, datë 30.09.2015 të Gjykatës së Shkallës së Parë për Krime të Rënda Tiranë, i ndryshuar me Vendimin Nr. 121, datë 07.12.2015, të Gjykatës së Apelit për Krime të Rënda për dënimin e tij me 10 vjet e 8 muaj burg, për kryerjen e veprave penale “Trafikimi i narkotikëve”, e kryer në bashkëpunim, “Prodhimi dhe shitja e narkotikëve”, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.
OPERACIONI
Më 9 tetor të vitit të kaluar forca të shumta të policisë dhe SPAK rrethuan banesën dhe lokalin në Fushë- Kuqe të Gëzim Çelës, ish- efektivit të policisë, që sipas tyre, konsiderohet si një prej kokave më të mëdha të trafikut të kokainës dhe heroinës në Evropë. Burime policore bënë me dije aso kohe se SPAK- u ka lëshuar 4 urdhërarreste, ndërsa mes të arrestuarve rezultonte shefi i komisariatit të Laçit, Dritan Meta, ndërsa 3 të tjerë u tha se ishin në kërkim ngaqë policia nuk i arrestoi dot dhe pse ishin në lokal. Bëhej fjalë për Gëzim Çelën, Arben Dalipajn dhe Roland Guzën, që të tre në fakt të listuar që tek operacioni i parë, që sipas policisë u bë në det të hapur, por që ata arritën t’u shpëtonin prangave. “Nga të gjitha informacionet nga gushti e në vijim ndjekim këtë proces jo thjesht për sigurimin e provave dhe vendndodhjen e të kërkuarve, por personat në kërkim ndodhen jashtë Shqipërisë”, – tha atëherë kryepolici i vendit, Muhamet Rrumbullaku.