Samiti për Ukrainën, gjetje e mençur dhe sfidë serioze e RSH
Siç është gjerësisht e njohur, dy ditët në vijim ( 28- 29 shkurt) në Tiranë do të zhvillohet Samiti për Ukrainën, ku do të marrin pjesë Presidenti Zelensky si dhe zyrtarët më të lartë të Brukselit, vendeve të Ballkanit Perëndimor dhe të Europës Juglindore. Si çdo ngjarje madhore që mbart interesa kombëtare, sigurisht po e ndjek me vëmendje dhe përgjegjësi shtesë. Ndërsa jo vetëm në këtë rast, kam zgjedhur të mos jap “opinione të nxituara” ndaj interesimit të mediave kryesore brenda dhe jashtë vendit, pasi me vetëdije kam refuzuar: “Për t’u mos u bërë as pjesë dhe as palë e shpërdorimit politik dhe tallavasë bollshevike, që fatkeqësisht i shoqëron edhe këto ngjarje madhore”. Gjithsesi, për shkak të peshës gjeopolitike jo vetëm për Tiranën zyrtare që mbart kjo ngjarje madhore, në vijim po adresoj disa këndvështrime dhe pikëpyetje paraprake: Në krye të herës, dëshiroj ta nënvizoj fort se, “organizimin e këtij samiti në Tiranë e çmoj si gjetje të mençur, ambicie, kurajë serioze si dhe sfidë që i bën nder Shqipërisë”. Kjo: “Jo vetëm për distancën me Ukrainën ( 2214 km) dhe pozicionin gjeografik, por edhe për peshën gjeopolitike, që gjithsesi tejkalon mundësitë që mund të mbajnë shpatullat e një vendi relativisht të vogël si RSH”. Me fjalë të tjera, për shkak të këtij Samiti, Tirana do të vendoset në “top- news” të medias, kancelarive globale, institucioneve, ekspertëve/ kolegëve në Uashington, Bruksel, Berlin etj., si dhe opinionit publik përtej vendeve të Europës Juglindore. Prandaj, përsa ky samit mbart vëmendje gjeopolitike si dhe promovon interesat kombëtare, patjetër duhet përshëndetur pa asnjë hezitim edhe kuraja, edhe gjetja, edhe sfida veçmas, edhe të gjitha së bashku, pra thjesht dhe vetëm pasi ngjarje e madhe i bën nder flamurit tonë kombëtar, apo jo? Së dyti, zhvillimi i këtij Samiti në Tiranë, faktikisht e konfirmon Shqipërinë si anëtare serioze dhe të denjë të NATO- s, pasi “RSH demonstron kohezion dhe mbështetje të pakushtëzuar ndaj të gjitha angazhimeve dhe projekteve të Aleancës Euroatlantike në interes të sigurisë kolektive ( artikulli- 5), por edhe në mbështetje pa asnjë kompromis deri në fitoren e Ukrainës, ndaj të keqes së përbashkët, Rusisë – Putiniste”. Uroj të jem gabim, por ndoshta duhet riqartësuar edhe riciklimi i një pikëpyetje “naive në mos cinike” = A ekspozohet, apo më qartë = A/ sa rrezikon Shqipëria nga organizimi i këtij Samiti në Tiranë?
Përtej mendjeve të ndryshkura, 15 vjet pas anëtarësimit, shpresoj të kemi zhvilluar një vetëdije mbarëkombëtare se: “NATO nuk është kurrsesi një organizatë bamirësie që dhuron falas ndihma, para apo mbështetje politike”. Në të kundërt, ajo ka mbijetuar në treg si Aleanca më e fuqishme e historisë së njerëzimit, për shkak të fuqisë së pamposhtur ushtarake, që gjenerohet proporcionalisht nga vendet anëtare. Prandaj e ritheksoj se nga 2009, kur Shqipëria iu bashkua sigurisë kolektive ( artikullit 5), bashkë me përfitimet mbart edhe barrën e rreziqeve dhe përgjegjësive që burojnë nga anëtarësimi. E thënë më qartë, çdo kërcënim ndaj tërësisë territoriale të 31 vendeve të Aleancës është edhe kërcenim ndaj RSH. Pra, nëse/ përsa ky Samit mbart kërcënime për Aleancën, sigurisht përfshin edhe Republikën e Shqipërisë. Ndërsa për sa: “Ekspozimin e RSH në mbështetjen pakompromis deri në fitoren ndaj Rusisë Putiniste”, - theksoj se Shqipëria sigurisht ka interesa gjeopolitike shtesë, përtej atyre të 31 vendeve të NATO- s. E kundërta, pra një “fitore e Rusisë në Ukrainë”, do të ishte fatale për rendin global, Aleancën Euroatlantike “por edhe më tragjike për interesat kombëtare të RSH në Ballkan, Mesdhe dhe në Adriatik”. Së treti, organizimi i kësaj ngjarjeje madhore në Tiranë e “promovon fort rolin dhe peshën që mban RSH në paqen, stabilitetin demokratik dhe axhendën e integrimit euroatlatik të 6 vendeve të Ballkanit Perëndimor” si dhe në forcimin e partneritetit strategjik me SHBA/ NATO- n. Nga ana tjetër e kthen Tiranën në qendrën e gravitetit për zhvillimin e projekteve ekonomike të përbashkëta si dhe ndaj të kërcënimeve asimetrike, si “terrorizmi, mbrojtjes kibernetike, emergjencat, ekstremizmit, krimit të organizuar etj.”! Me këtë rast sjell në memorien strategjike edhe rolin aktiv të Shqipërisë jo vetëm për organizimin e këtij Samiti, por edhe performancën dinjitoze në Këshillin e Sigurimit të OKB- së; për solidaritetin e pakushtëzuar ndaj vendimmarrjeve dhe angazhimeve të USA/ NATO- s; mbështetjen për refugjatët si dhe kontributeve ushtarake më shumë se modeste që MM/ RSH vijon t’i japë Ukrainës martire. Së katërti, thënë sa më sipër, sigurisht për këto ngjarje me peshë gjeopolitike dhe interesa të larta kombëtare, kurrsesi nuk vlejnë, as ekzagjerimet bolshevike, as privatizimi i axhendës euroatlantike, as i dashurisë për mëmëdheun, por as gajasja cinike me “oponentët e pushtetit, qoftë edhe me opozitën vulëhumbur” si dhe as shpërdorimi i institucioneve kushtetuese si infermieri ( pa) shërim nga sëmundja ballkanike e mbipushtetit, por: “vetëm dashuria, nderimi dhe përulësia për vendin, vizioni dhe përgjegjësia e lartë shtetërore ndaj interesave kombëtare, besimi në vlerat demokratike si dhe ‘ bekimi’ nga/ ndaj partneritetit strategjik me SHBA, NATO- s dhe BE”. Përtej humorit, ky Samit sigurisht nuk ka si të ketë lidhje me oshilacionet ( 50 milionë euro ndihmë ushtarake për FS. Kosovës) të ish- kryetarit- aguridh, ose “gjeneralit të ushtrisë së vdekur si dhe as me një grusht egocentrikësh të sëmurë rreth tij”!
Me këtë rast sjell në memorien strategjike edhe rolin aktiv të Shqipërisë jo vetëm për organizimin e këtij Samiti, por edhe performancën dinjitoze në Këshillin e Sigurimit të OKB- së; për solidaritetin e pakushtëzuar ndaj vendimmarrjeve dhe angazhimeve të USA/ NATO- s; mbështetjen për refugjatët si dhe kontributeve ushtarake më shumë se modeste që MM/ RSH vijon t’i japë Ukrainës martire.