Ministrat e 7 vendeve, kërkesë BE- së: Vendosi afate për anëtarësimin!
“Koha për përparim në procesin e zgjerimit drejt Ballkanit”, kryediplomatët europianë: Mbështesim planin për rritjen ekonomike
Kryediplomatët e 7 vendeve europiane i dërguan një letër Bashkimit Europian, ku shprehen se është koha për përparim vendimtar në procesin e zgjerimit drejt Ballkanit.
Figura të rëndësishme politike të vendeve kryesore të BE- së përmes kësaj letre drejtuar krerëve të Unionit kërkojnë përshpejtim të procesit të Zgjerimit. Në letrën drejtuar Unionit, ata shprehen se kanë kaluar më shumë se dy dekada që kur Këshilli miratoi Deklaratën e Selanikut dhe tani ka ardhur koha për përparim vendimtar në procesin e zgjerimit të BE- së drejt Ballkanit Perëndimor. Ndaj pas miratimit të planit 6 miliardë euro për rritjen ekonomike të Ballkanit Perëndimor në samitin e Tiranës me Bashkimin Europian, Brukselit i kërkohet tani përcaktimi i afateve të qarta për anëtarësimin e vendeve të rajonit. Ministrat e Jashtëm të 7 vendeve europiane ia dërguan këtë kërkesë krerëve të institucioneve drejtuese të Bashkimit Europian përmes një letre. Mes nënshkrimeve kryediplomatëve të Italisë, Austrisë, Kroacisë, Çekisë, Sllovakisë e Sllovenisë bie në sy edhe ai i shefit të diplomacisë greke, Jorgos Gjerapetritis, vendi i të cilit mban peng negociatat për Shqipërinë, nga pakënaqësitë për çështjen “Beleri”. “Ka ardhur koha për përparim vendimtar në procesin e zgjerimit të BEsë drejt Ballkanit Perëndimor. Një afat i qartë dhe i arsyeshëm për pranimin e tyre është më urgjente se kurrë. Koha është thelbësore. Çdo vonesë dëmton besueshmërinë e BE- së dhe do të ketë ndikim negativ në procesin e integrimit të rajonit”, - thuhet në letër. “Një kohë e qartë dhe e arsyeshme për pranimin e tyre është më urgjente se
“Ne mirëpresim dhe mbështesim Planin e ri të Rritjes të Komisionit Evropian për Ballkanin Perëndimor. Ky plan ofron një mundësi konkrete për ta afruar rajonin me tregun e vetëm të BE- së, për të thelluar integrimin ekonomik rajonal dhe për të përshpejtuar reformat themelore. Nëse zbatohet me sukses, ai do të kontribuojë në nxitjen e konvergjencës socioekonomike, duke trajtuar ikjen e trurit nga rajoni, duke sjellë përfitime të prekshme për qytetarët e tij dhe duke mbështetur rrugën e Ballkanit Perëndimor drejt anëtarësimit në BE”
kurrë”, - shprehen kryediplomatët. Gjithashtu theksohet se plani për rritjen ekonomike ofron një mundësi për ta afruar rajonin me tregun e vetëm të BE- së, për të thelluar integrimin ekonomik rajonal si edhe për të përshpejtuar reformat themelore. “Nëse zbatohet me sukses, ai do të kontribuojë në nxitjen e konvergjencës socioekonomike, duke trajtuar ikjen e trurit nga rajoni, duke sjellë përfitime të prekshme për qytetarët e tij dhe duke mbështetur rrugën e Ballkanit Perëndimor drejt anëtarësimit në BE”, - shkruhet në letër. Ministrat i bëjnë thirrje
Charles Michel, Ursula von der Leyen dhe Roberta Metsolës të angazhohen personalisht për të lehtësuar procedurat e proceseve integruese për rajonin, mes institucioneve që drejtojnë, veçanërisht tani në prag të zgjedhjeve europarlamentare. “Mirëpresim dhe mbështesim Planin e ri të Rritjes të Komisionit Evropian për Ballkanin Perëndimor. Ky plan ofron një mundësi konkrete për ta afruar rajonin me tregun e përbashkët të BE- së, për të thelluar integrimin ekonomik rajonal dhe për të përshpejtuar reformat themelore. Nëse zbatohet me sukses, ai do të kontribuojë në nxitjen e konvergjencës socioekonomike, duke trajtuar ikjen e trurit nga rajoni, duke sjellë përfitime të prekshme për qytetarët e tij dhe duke mbështetur rrugën e Ballkanit Perëndimor drejt anëtarësimit në BE”, - citohet letra e kryediplomatëve europianë. Në zgjedhjet e 6- 9 qershorit priten të mësohen emrat e eurodeputetëve të rinj dhe krerëve të rinj të institucioneve evropiane në kryeqytetin belg. Para tri ditësh, në Tiranë u zhvillua Samiti i Ballkanit Perëndimor me Bashkimin Europian për planin e ri të rritjes ekonomike.