Pensionet në fshat, tri kushtet për të fituar vitet e humbura
Aplikuesit duhet të vërtetojnë që s'kanë qenë në burg, s'kanë marrë pension tjetër, si dhe të kenë banuar pranë një prej kooperativave më poshtë
Nga 20 mijë qytetarë që dalin çdo vit në pension, qindra prej tyre përballen me vite pune që i kanë kryer, por që nuk figurojnë gjëkundi, pas djegies së regjistrave apo humbjes së tyre gjatë trazirave të ' 97s a më herët.
Për të shmangur procese të tëra gjyqësore, shumica në favor të atyre që kërkonin vitet e tyre të punës, qeveria ka vendosur t'ua konsiderojë të kryera vitet që ata kërkojnë. Por me tre kushte. Së pari, personat që kërkojnë vjetërsi në punë duhet të dëshmojnë që gjatë atyre viteve që pretendojnë se kanë punuar në një prej kooperativave në listën e mëposhtme, nuk kanë qenë duke vuajtur në burgim. Tjetër kriter është mospërfitimi i një mase tjetër pensioni asokohe ( bëhet fjalë për pension invaliditeti). Dhe së treti, ai që kërkon të njohë vite pune në një ish- kooperativë duhet të vërtetojë që ka banuar në atë zonë. Pra, që të fitohen vitet e punës me qëllim që të përllogariten për efekt pensioni, personi në prag të pensionit të pleqërisë duhet të vërtetojë përmes këtyre tre dokumenteve që ka punuar vërtetë. E gjitha kjo, bëhet për të shmangur abuzimet me ligjin e ri "Për njohjen si periudhë sigurimi për efekt përfitimi nga sigurimet shoqërore të kohës së punësimit në ish- kooperati
vat bujqësore". Por, edhe në rast se ndodh dhe vërtetohet më vonë, shkelësi nuk mbetet pa u ndëshkuar. "Deklarimi i rremë i kohës së punësimit pranë ish- kooperativave bujqësore nga personat kërkues përbën vepër penale dhe dënohet sipas legjislacionit në fuqi", paralajmërohen ata që kërkojnë të përfitojnë në kurriz të ligjit të miratuar në fund të vitit 2020 dhe i plotë
suar me listën e ish- kooperativave apo subjekteve, për të cilat ekspertët e sigurimeve shoqërore kanë vërejtur se mungojnë plotësisht apo pjesërisht regjistrat e punës. më konkretisht, janë 72 kooperativa, fshatra apo sektorë nga Tropoja në Sarandë, përpilimi i së cilës ka dashur plot tetë muaj kohë. Theksojmë që ligji nuk ka efekt prapra veprues, ndaj, nga ai përfitojnë vetëm ata
që kanë dalë në pension nga ky vit e në vazhdim. "Periudhat e sigurimit të njohura në ish- kooperativat bujqësore sipas nenit 2, kanë efekt për përfitime që nuk janë caktuar deri në datën e hyrjes në fuqi të këtij ligji", citohet në ligjin "Për njohjen si periudhë sigurimi për efekt përfitimi nga sigurimet shoqërore të kohës së punësimit në ish- kooperativat bujqësore".