Arilena Ara larg shkëlqimit të ekranit, këngëtarja vështirë të njihet në të përditshmen
Për shumë kohë me rradhë, Arilena Ara kishte zgjedhur që angazhimin e saj në muzikë, ta zhvillonte sa më larg zhurmës mediatike. Por dy vitet e fundit, artistja mund të themi se ka vendosur që t’i bëjë të gjitha. Nga eksperienca e saj si moderator e “Piranja”, tashmë këngëtaren e shohim në jurinë e “X Factor”, duke u ulur në poltronën që dikur vetë u vlerësua dhe fitoi. Tashmë, çdo të premte, ajo është pjesë e ekranit, ku natyrisht veç punës si juri, na tregon edhe sharmin e saj. Bjondja seksi, tashmë ka ndryshuar pamje dhe nuk është më ajo vogëlushja e ëmbël në ekran, por një femër sharmante, që nuk lë rast pa na mahnitur me format e saj. Por, duket se kjo është vetëm pamja që zgjedh për daljet televizive të saj. Kjo sepse në të përditshmen, Arilena vijon të duket sport dhe nuk heq dorë kollaj nga ky stil. Paparaci ynë ka mundur ta fotografojë në një ditë të zakonshme, ku këngëtarja ishte e veshur sport dhe pa “make- up”. Ajo kishte zgjedhur të zezën si pjesën kryesore të veshjes së saj, si dhe një xhup të fryrë të kuq. Kapelja dhe syzet duket se e plotësonin më së miri këtë “look” kaq “casual”. Të rralla janë daljet e saj televizive, ku Arilena zbulon nga vetja. Megjithatë, edhe në ato pak intervista që ka dhënë, ajo ka preferuar që të fokusohet te karriera. Artisja ka folur edhe për ëndrrën e saj më të madhe. “Ëndërr duhet të ishte patjetër në album, kam bërë 13 demo në ditë, por Popi më tha që do nxjerrim tre nga këto se është e pamundur, po mirë që ta ka ardhur frymëzimi. Ëndërr ishte që futa në studio dhe ka qenë ‘ weird’ dhe ishte emocioni dhe ndjesia që kam dhënë në atë këngë që nuk artikulohej dot në tekst. Të flas për vete e kam të vështirë, u bë kohë që nuk flas për vete e më duket e çuditshme. Fëmijëria ime ka qenë e jashtëzakonshme sepse në rrugën e udhëtimin që kam pasur më bën të kthej kokën pas dhe të mendoj se kanë qenë të vetmet vite të lumtura si një fëmijë i pafajshëm pa menduar për të nesërmen”, tha ajo.