NATO, Cummings: Baza e Kuçovës, stacion modern për Ballkanin

Menaxherja e Përgjithshme e Agjencisë së NATO- s për Mbështetjen dhe Prokurimet ( NSPA), Stacy Cummings, në përurimin e bazës ajrore të Kuçovës, u shpreh dje se Kuçova është tashmë një stacion modern për operacionet e NATO- s në BP. “Një arritje sfiduese, duke pasur parasysh trazimin e zinxhirit të furnizimit, gjithashtu dhe inflacionit që ndodhën gjatë realizimit të projektit. Kuçova është tashmë një stacion modern për operacionet e NATOs në Ballkanin Perëndimor. Me përmirësime, me modernizime që përfshijnë rinovimin e një kulle kontrolli, gjithashtu edhe një dhomë kontrolli të rimodernizuar dhe hapësira, të cilat sigurojnë natyrisht magazinimin dhe ndriçimin. Ky ka qenë ekzekutimi i programit të parë të investimit të NATO- s në Shqipëri dhe NSPA është krenare që ka ofruar mbështetje efektive, efikase dhe mjaft të shpejtë për Shqipërinë, për të realizuar këtë hap në infrastrukturë jo vetëm për vendin pritës, por gjithashtu edhe për Aleancën”, - deklaroi ajo. “NSPA - tha Cummings - është e gatshme që të rrisë kapacitetet kombëtare e të forcojë aftësinë e Aleancës për të përmbushur detyrat e saj themelore për parandalim dhe mbrojtjeje, për parandalimin e krizave dhe menaxhimin e tyre, si edhe për sigurinë e përbashkët. “Si agjencia kryesuese për blerjet në nivel ndërkombëtar, për mbështetjen e sistemet në NATO, ne dëshmojmë kapacitet tona për të vepruar për projekte komplekse dhe urgjence. Duke u mbështetur në këtë gur themeli, ne presim me padurim që të shtrijmë partneritetin me Shqipërinë, duke zgjeruar gamën e blerjeve të infrastrukturës dhe mjeteve logjistike, si dhe mbështetjen e operacioneve dhe shërbimeve të ndryshme”, - tha Stacy Cummings.