Avionë, helikopterë dhe dronë, përurohet baza ajrore e NATO- s në Kuçovë
“Jemi të rrezikuar nga ambicia e Rusisë”, Rama: Baza e NATO- s element sigurie, së shpejti bazë detare në Porto- Romano
Shqipëria dhe NATO rihapën dje bazën ajrore të Kuçovës, pas vitesh të tëra përpjekjesh për të rikthyer në jetë një nga pikat strategjike mbrojtëse. Kjo ngjarje me rëndësi vjen në 15- vjetorin e anëtarësimit të Shqipërisë në NATO.
Baza e Kuçovës deri më sot ka shërbyer për stërvitjen e pilotëve tanë, ndërsa tashmë ka një funksion më të gjerë në shërbim të misioneve të NATO- s. Në ceremoninë e inaugurimit ishte i pranishëm kryeministri Edi Rama, Presidenti Begaj, ministri i Mbrojtjes, Niko Peleshi, diplomatë dhe përfaqësues të lartë të Aleancës Veri- Atlantike. Gjithashtu i pranishëm në ceremoni ishte edhe deputeti i PD- së, Ferdinad Xhaferraj. Ceremonia u pasua nga demonstrimi i avionëve luftarakë, helikopterëve “Black Hawk” dhe dronëve “Bayraktar”. Për rindërtimin e bazës së Kuçovës u deshën 2 vite punime dhe 50 milionë euro investim. Vendi ynë ka marrë përsipër ndërtimin e perimetrit të sigurisë dhe rrugëve lidhëse, ndriçimit, vendosjen e kamerave të sigurisë së bazës, si dhe të sensorëve të zbulimit të ndërhyrjeve përgjatë rrethimit të bazës. Baza e Kuçovës është ndërtuar në vitin 1955, si baza e parë ajrore shqiptare dhe në 20 vitet e fundit ka shërbyer kryesisht për stërvitjen e pilotëve të Forcave të Armatosura. Kthimi në një bazë taktike të NATO- s do t’u japë mundësi mjeteve ajrore të Aleancës të dislokohen në Kuçovë gjatë operacioneve strategjike në Ballkanin Perëndimor.
“Falënderoj banorët e zonës për durimin e treguar gjatë rehabilitimit e rindërtimit të kësaj baze! Uroj që kjo bazë të sjellë për ta mundësi të reja punësimi dhe mundësi të reja për zinxhirin e shërbimeve, duke ndikuar në ekonominë lokale. Kjo bazë e re taktike ajrore e Aleancës do të shoqërohet nga baza e re detare e NATO- s në Porto- Romano për të cilën po punojmë ngushtësisht me NATO- n dhe së shpejti do i gëzohemi lajmit të përfshirjes së këtij projekti në planet e Aleancës”.
SIGURIA
Kryeministri Edi Rama garantoi dje se baza ajrore taktike e NATO- s në Kuçovë është e një rëndësie, e cila i tejkalon kufijtë e Shqipërisë. Në fjalën e tij në ceremoninë e inaugurimit të kësaj baze, Rama u shpreh se baza ajrore e NATO- s në Kuçovë është një element sigurie për Ballkanin Perëndimor, që sikurse theksoi kreu i qeverisë, “nuk është i parrezikuar nga kërcënimi dhe ambiciet neo- imperaliste të federatës ruse”. “Jam i lumtur që një punë e nisur prej shumë kohësh arriti të përfundojë dhe këtu bashkë me ne janë dhe plot miq e partnerë, aleatë, të cilët do të doja të falënderoja, ministrin e Mbrojtjes së Italisë i cili ka ardhur me avionë luftarakë me vete dhe nga ana tjetër falënderoj miqtë e aleatët tanë të paçmueshëm turq, të cilët pothuajse tri dekada mbajtën gjallë frymën e kësaj baze, e cila sot është krejtësisht e transformuar dhe e gatshme si një bazë e re taktike e NATO- s, me një rëndësi që tejkalon kufijtë e Shqipërisë. Një bazë e cila është një tjetër element sigurie për rajonin tonë të Ballkanit Perëndimor, i cili e dimë mirë që është një rajon jo i parrezikuar nga kërcënimi dhe ambiciet neoimperaliste të federatës ruse”, - u shpreh Rama. Kryeministri theksoi se riaktivizimi i këtij aeroporti ushtarak është pjesë e ripërtëritjes cilësore të flotës ajrore. “Dy helikopterët e rinj dhe dronët ‘ Bayraktar’ janë pjesë e një rritjeje që do të vazhdojë”, - garantoi Rama. Kryeministri u shpreh se kjo bazë e re ajrore do të hapë vende të reja pune, si dhe do të ndikojë pozitivish në ekonominë lokale. Ndër të tjera, ai u shpreh se baza e re ajrore e NATO- s do të shoqërohet nga baza detare në PortoRomano për të cilën shtoi se po punohet ngushtësisht me Aleancën. “Nga ana tjetër, falënderoj banorët e zonës për durimin e treguar gjatë rehabilitimit e rindërtimit të kësaj baze. Uroj që kjo bazë të sjellë për ta mundësi të reja punësimi dhe mundësi të reja për zinxhirin e shërbimeve, duke ndikuar në ekonominë lokale. Kjo bazë e re taktike ajrore do të shoqërohet nga baza e re detare e NATO- s në Porto- Romano për të cilën po punojmë ngushtësisht me NATO- n dhe së shpejti do i gëzohemi lajmit të përfshirjes së këtij projekti në planet e Aleancës”, - theksoi Rama.